Esperamos cielos bien nublos o cubiertos prácticamente en tol Principáu d’Asturies dende primer hora de la mañana. Esta nubosidá  va dexar precipitaciones de calter débil que podríen afectar a cualquier puntu de la rexón mientres la mañana. A lo llargo de la segunda parte del día, la inestabilidá van unviar nel occidente onde, amás, van abrise delles escamplaes. Nun se refuga que, inclusive, puedan abrise tamién delles escamplaes na mariña pela tarde. Comoquier, la nubosidá podría tar presente mientres tol vienres nel sector oriental pudiendo tamién esperase dellos orbayos vespertinos. Los vientos van ser fluexos y variables de primeres, afitándose de norte pela tarde. Les temperatures máximes van baxar en tol interior y van caltenese na mariña. El descensu va ser más acentuáu nel cordal y daqué más moderáu conforme vaigamos moviéndose escontra’l norte d’Asturies. Les mínimes van baxar de forma xeneralizada.

El sábadu vamos amanecer con nubes y dellos orbayos. van abrise escamplaes a partir del mediudía. Pela tarde, prevense intervalos de nubes altes que van velar el cielu pero nun van dexar agües.

Esperamos cielos nublos yá dende pela mañana salvu nel terciu sur y suroccidente asturianu. Comoquier, a lo llargo del día, la nubosidá acabará estendiéndose a tola rexón. Les nubes van dexar orbayos pocu importantes mientres la xornada. Van empezar afectando a puntos costeros, pero dirán enfusándose escontra l’interior col intre de les hores. Los vientos van ser fluexos polo xeneral, predominando de nordeste de primeres, anque se van afitar de norte mientres el día. Les temperatures máximes van baxar de forma xeneralizada. Dichu descensu va ser d’hasta 5 o 6 ºC nel interior, ente que na mariña la baxada de les temperatures va ser más moderada.

Sigue leyendo «El tiempu (El Comercio)» →

Va ser un día totalmente veraniegu n’Asturies. Los cielos van tar pocu nublos o inclusive estenaos mientres tola xornada. Namá, podríen apaecer de forma local delles gurrianes mañaneres que rápido s’estenarán. Los vientos van predominar d’esti nordeste na mariña con raches moderaes. Nel interior los vientos van ser fluexos polo xeneral. Les temperatures van xubir hasta 5 ºC nel cordal, y hasta 3 o 4 ºC nel restu del interior. Na mariña l’ascensu va ser más llixeru. Poro, van superase con facilidá los 25 ºC en casi toles localidaes del interior y van averase a los 30 ºC na mayoría, pudiendo inclusive superase nes zones más templaes como pue ser el suroccidente asturianu. Les mínimes van xubir nel occidente y sur del Principáu, calteniéndose ensin cambeos nel restu.

Sigue leyendo «El tiempu (El Comercio)» →

Vamos amanecer con cielos nublos salvu nel cordal y nel terciu occidental. A lo llargo de la mañana, y sobremanera a partir del mediudía, esta nubosidá polo que se preve l’apertura de grandes claros hasta que’l cielu quede prácticamente estenáu en tol Principáu d’Asturies. Los vientos van predominar de nordeste fluexos con raches moderaes na mariña mientres la segunda parte del día. Les temperatures máximes van xubir na metá sur y van caltenese na metá norte. L’ascensu va ser más pronunciáu cuanto más movamos escontra’l cordal. Les mínimes van baxar llixeramente nel interior y nun van variar na mariña.

Sigue leyendo «El tiempu (El Comercio)» →

Vamos amanecer con cielos nublos y nun se refuguen dellos orbayos pocu importantes especialmente escontra al oriente. A lo llargo del día dirán abriéndose grandes claros. Van empezar pol occidente y depués tamién pola mariña, quedando entá nubes escontra’l sur y escontra l’oriente de la rexón. Los vientos van ser fluexos predominando de noroeste-norte. Les temperatures máximes van caltener ensin cambeos salvu nel cordal y nel interior oriental onde, llixeramente, van baxar. Les mínimes nun van variar.

Sigue leyendo «El tiempu (El Comercio)» →

Vamos amanecer con nubes baxes salvu nel cordal y otros puntos del sur d’Asturies onde, probablemente, amanezan cola presencia del sol. Mientres la mañana va entrar una masa de nubes de tipu mediu pel oeste que se va dir moviendo escontra l’oriente col intre de les hores. Prevese qu’antes de les 15:00 h esta masa nubosa yá s’alloñara pol oriente, abriranse claros na mariña pero tendiendo a aumentar les nubes de tipu baxu nel interior. Asina tou, antes de concluyir la xornada acabará cubriéndose tol Principáu.

Pela tarde nun se refuguen dellos bastios nel cordal y proximidaes. Los vientos van ser fluexos polo xeneral, con raches de norte nel interior y de noroeste-oeste na mariña. Les temperatures máximes van baxar nel interior central ente 2 y 3 ºC respectu al sábadu, de forma bien llixera nel estremu oriental, y ensin cambeos nel restu de la rexón. Les mínimes apenes van variar con, a lo sumo, dellos descensos locales poco apreciables.

Sigue leyendo «El tiempu (El Comercio)» →

Mientres la tarde-nueche d’esti vienres rexistráronse bastios localmente fuertes y acompañaos de nubes en sector oriental que provocó alzar a naranxa l’avisu na mariña de dichu sector prácticamente sobre la marcha. El sábadu, sicasí, va presentase una xornada bastante más estable. Vamos tener nubosidá variable mientres la mañana pero, a lo llargo del día, dirán abriéndose grandes claros que van empezar pola mariña y van estendese escontra l’interior. Comoquier, mientres la tarde van apaecer nubes d’evolución que podríen dexar dellos bastios débiles escontra’l cordal pero que, a priori, nada van tener que ver cola intensidá de los que se rexistraron especialmente nel oriente asturianu. Los vientos van ser fluexos con dalguna racha moderada na mariña. Les temperatures máximes van xubir llixeramente n’occidente, van baxar nel cordal y van caltenese ensin cambeos nel restu. Les mínimes apenes van variar respectu al vienres.

Sigue leyendo «El tiempu (El Comercio)» →