IXUXÚ ツ Isa

Tres la calorosa xornada d’esti vienres na que se llegó a algamar n’Asturies los 37 ºC (concretamente nos conceyos de L.lena y Amieva), esti sábadu vamos tener un cambéu térmicu total cuidao que van baxar les máximes de forma xeneralizada y notable. Amás, va predominar la nubosidad en tola rexón. Con éses vamos amanecer con cielos bien nublos o cubiertos y con posibilidá de que pueda escapase dalgún orbayu pocu importante pela mañana. A lo llargo de la tarde, van abrise escamplaes nel occidente y nun se refuga en zones de la metá norte asturiana antes de la nueche. Los vientos van ser fluexos predominando de norte. Les temperatures, como dicíamos, van esperimentar un importante descensu especialmente nel casu de les máximes cuidao que, en comparanza col vienres, van baxar hasta 9 o 10 ºC en tol interior. Na mariña, el descensu tamién va ser bien significativu anque non tan acentuáu. Poro, vamos pasar de superar en demasía los 30 ºC, a rondar los 20 ºC en munches poblaciones asturianes. Les mínimes van baxar nel sur y van caltenese nel restu. El domingu les temperatures máximes van xubir un par de graos polo que, igualmente, van quedar bien llueñe de les rexistraes estos díes tras.

Vamos concluyir la selmana con una xornada nubosa en prácticamente tol Principáu d’Asturies. La probabilidá de precipitaciones va ser baxa pero, sía que non, nun se refuga que pueda escapase dalgún orbayu pocu importante en dalgún momentu del día. Los vientos van ser fluexos predominando de norte-nordeste pela tarde, momentu nel que nun se refuga dalguna racha moderada na mariña. Les temperatures máximes van xubir nel interior occidental y central, y van caltenese nel restu de la rexón. Les mínimes apenes van variar respectu al sábadu anque nun se refuga dellos descensos bien llixeros y locales nel suroccidente.

Sigue leyendo «El tiempu (El Comercio)» →

Esperamos otra xornada calorosa n’Asturies. Les temperatures máximes van xubir en tola metá sur hasta 3 ºC más que’l xueves, ya inclusive hasta 4 ºC nel suroccidente. Tamién podríen xubir les máximes nel estremu más oriental de la rexón. Nel restu van caltenese polo que volveremos tener un día con valores que van superar los 30 ºC nes poblaciones más caloroses del Principáu. En cuanto al estáu de los cielos, vamos amanecer nubes baxes na mariña y otres zones del norte d’Asturies, pero esta nubosidá va estenase col pasu de les hores y van abrise grandes claros polo xeneral. Pela tarde va apaecer nubosidá d’evolución que podría acabar dexando bastios d’orixe tormentosu y acompañaos de xarazo.

L’Axencia Estatal de Meteoroloxía va activar a partir de les 18 hores l’avisu mariellu en tola Comunidá Autónoma pola posibilidá de nubes, fuertes bastios de forma local y xarazo superior a 2 centímetros. Los vientos van ser fluexos polo xeneral con delles raches daqué más significatives asociaes a les nubes nel momentu que puedan producise. El sábadu vamos tener cielos bien nublos polo xeneral con un descensu térmicu notable polo que l’ambiente nada va tener que ver col de l’anterior xornada o’l d’estos últimos díes.

La sorprendente vida n’alerta colorao por calor n’Asturies: «Nun ye normal, estos díes solía orbayar». La rexón sufre un inesperáu adelantu del branu a 4 díes d’entrar la estación, con temperatures percima de los 30 graos.

Asturies vivió ayeri un inesperáu adelantu del branu, a cuatro díes de la entrada de la estación, con temperatures más propies d’Andalucía o’l Llevante y la primer alerta colorao sanitaria d’anguaño, qu’afectó a 17 conceyos asturianos del Cordal y l’Oriente interior de la rexón, según a la contorna llebaniega de la vecina Cantabria.

Sigue leyendo «Asturies vivió ayeri un inesperáu adelantu del branu» →

Güei miércoles llegar a algamar los 35 ºC na rexón, siendo munches les poblaciones que superaron los 30 ºC. Esti xueves esperamos otru día de calor n’Asturies. Namá nel cordal van baxar les temperatures máximes (ente 1 y 2 ºC) al respective de esti miércoles. Na mariña van xubir y nel restu van caltenese. Poro, volveremos rexistrar máximes percima de los 30 ºC nel Principáu. Pero, a diferencia de la xornada anterior, prevese xuna mayor guarda d’intervalos de nubes medies y altes. Amás, hai xuna probabilidá más alta de bastios d’orixe tormentosu. La nubosidá d’evolución va dir n’aumentu, especialmente a partir del mediudía, y va estendese prácticamente por tola Comunidá Autónoma.

Sigue leyendo «El tiempu (El Comercio)» →

Pela tarde, posibles nubes en zones de monte. Xuben les máximes.

Vamos poder amanecer con delles nubes baxes en dellos puntos del interior y tamién de mariña, pero rápido van estenase y los cielos van #estenar por completu prácticamente en tol Principáu. A lo llargo de la tarde, eso sí, nun se refuga la presencia d’intervalos de nubes altes insignificantes. Los vientos van ser fluexos nel interior y moderaos de componente este na mariña. Les temperatures, como dicíamos antes, van xubir de forma xeneralizada. Concretamente, prevese un ascensu d’hasta 4 o 5 ºC nel casu de les máximes. Les mínimes van caltenese salvu nel estremu más suroccidental onde van poder xubir un pocu.

Sigue leyendo «El tiempu (El Comercio)» →

Munches localidaes van averase a los 25 ºC y, inclusive, podrán superase. Les máximes van xubir ente 2 y 3 ºC de forma xeneralizada. Les mínimes tamién van xubir, y van #facer sobremanera nel terciu sur asturianu. Los vientos van predominar de componente esti moderaos na mariña, y fluexos nel interior. En cuanto al estáu de los cielos, prevense nubes baxes a primeres hores en zones de la metá norte, pero rápido van sumir pa dar pasu a una xornada soleyera. Nel sur d’Asturies el sol va rellumar dende primer hora y, sía que non, nun se refuga la presencia de nubes d’evolución pela tarde.

Sigue leyendo «El tiempu (El Comercio)» →

Fonte: ABC / VIDEU / del 16 xunu al 6 xunetu

Conforme arranque esta selmana, cuando s’espera qu’estes altes temperatures vuelvan estendese por tola Península. Según alvierte l’Axencia Estatal de Meteoroloxía (Aemet), mientres los próximos díes los termómetros van tar «percima de los valores normales para la dómina», dexando unos díes «bien calorosos» en casi tol país.

Sigue leyendo «Ascensu xeneralizáu de temperatures en tol país» →

https://s1.ppllstatics.com/elcomercio/www/multimedia/2025/06/15/prevision-tiempo-asturias.jpg

Les altes presiones que lleguen dende l’atlánticu van enfusar por completu y van apoderase de la Península. Ello ye que mientres los próximos díes van centrar al norte d’España de forma que se va evitar la llegada de cualquier umbada que pueda complicar les condiciones meteorolóxiques. Les úniques baxes presiones que podrán averase, pero calteniendo les distancies, va ser dende l’Atlánticu, posición ideal por que favoreza la irrupción d’aire templao dende’l sur y consiga xubir les temperatures en tol Principáu.

Con muncha seguridá, esta selmana na nuesa rexón va consiguise superar los 30 ºC en delles xornaes. Enagora, el llunes vamos amanecer con nubes baxes pero rápido van sumir. Prevese una segunda metá del día asoleyada na que van predominar los vientos de componente esti moderaos na mariña, y fluexos nel interior. Les temperatures máximes van xubir especialmente nel interior. El martes van siguir xubiendo los termómetros y volver a faer nel casu del miércoles.

Les temperatures van ser un pocu más altes (un par de graos más a lo sumo) pero van siguir atopándose per debaxo de lo esperao para estes feches. El día va tar marcáu pola nubosidá en tol Principáu y pola posibilidá de precipitaciones débiles, siquier mientres la mañana. Los vientos van predominar de nordeste y van aumentar la so intensidá na mariña a lo llargo de la tarde.

El llunes, sicasí, va ameyorar el tiempu. van abrise grandes claros mientres la mañana hasta quedar los cielos prácticamente estenos. Les temperatures van xubir, pudiendo non solo superar los 20 ºC sinón averase a los 25 ºC en munches poblaciones asturianes.

• Esperamos cielos bien nublos o cubiertos dende primer hora de la mañana. Namá, podríen entá tener delles escamplaes l’estremu más occidental mientres les primeres hores pero, igualmente, va acabar cubriéndose de nubes esti sector.
• Les precipitaciones van ser débiles pero van poder apaecer en cualquier momentu del día.
• Los vientos van empezar predominando d’oeste, pero van acabar afitándose de componente norte fluexos en tola rexón, especialmente a partir del mediudía.
• Les temperatures máximes van baxar de forma xeneralizada y notable. Van Baxar unos 6 o 7 ºC en tol interior, y unos 4 ºC aprosimao na mariña. D’esta forma, bien poques poblaciones van consiguir algamar o superar los 20 ºC.

Sigue leyendo «El tiempu (El Comercio)» →