IXUXÚ ツ Isa

Vamos estremar la xornada en dos partes.

• La mañana va ser estable con cielos pocu nublos o estenos, anque nun se refuguen delles borrines a primeres hores de la mañana nes zones más propenses.
• Pero, a partir del mediudía, la nubosidá d’evolución va dir a menos a más hasta estendese por tola Comunidá Autónoma. Estes nubes van dexar bastios que podríen ser d’orixe tormentosu y acompañáu de xarazo de cara a la tarde. El sector más afectáu va ser l’occidental, anque tamién podríen llegar a la zona central.

Sigue leyendo «El tiempu (El Comercio)» →

Esperamos una xornada estable en tol Principáu d’Asturies.

Sigue leyendo «El tiempu (El Comercio)» →

Sigue leyendo «Tiempu n’Asturies (El Comercio)» →

Anque se va debilitando, entá sigue presente la umbada acomuñada a un embolsamientu d’aire frío al norte de la Península. Polo tanto va haber una alta probabilidá nuevamente de bastios que se van materializar sobremanera a partir del mediudía. Pela mañana prevense nubes y claros pero, a partir del mediudía, la nubosidá va dir claramente n’aumentu hasta cubrir tol cielu asturianu. Los bastios, anque van ser más frecuentes na metá sur asturiana, tamién van poder afectar a otres zones de la rexón. Les temperatures máximes van xubir llixeramente en tol Principáu anque va ser nel sur de la rexón onde más se notará dichu ascensu. Les mínimes, sicasí, nun van esperimentar variación dalguna. El martes, una vegada más, esperamos bastios pela tarde tres una mañana, a priori, estable. Les temperatures nun van variar, nin les máximes nin les mínimes.

• Esperamos cielos nublos con menos probabilidá de bastios a primeres hores pero, conforme meyora’l día, dicha probabilidá va dir claramente n’aumentu.
• A partir del mediudía y mientres la primer parte de la tarde, prevense bastios que se van dir xeneralizando. Estos bastios van dir acompañaos de nube y van dexar nieve a partir de los 1500 o 1600 metros anque la cota va dir xubiendo mientres la xornada.
• A la fin del día va unviar la inestabilidá y van abrise grandes claros antes de concluyir el domingu. Los vientos van soplar de suroeste de primeres afitándose de componente oeste a lo llargo de la mañana. Van ser moderaos con raches localmente fuertes na mariña y tamién nel sector occidental.
• Les temperatures máximes van caltener ensin cambeos salvu na mariña oriental onde van xubir llixeramente y nel suroccidente onde podríen baxar un pocu respectu al sábadu. Les mínimes apenes van esperimentar cambeos.
• El llunes vamos tener una mañana soleyera pero la inestabilidá va volver pela tarde con posibles bastios nuevamente

• Por causa de la presencia nel norte peninsular de baxes presiones acomuñaes a una masa d’aire frío n’altor, esperamos una fin de selmana inestable n’Asturies.
• El sábadu pela mañana prevense escamplaes nel cielu y una probabilidá bien baxa de precipitaciones. Pero, a partir del mediudía, van aumentar les nubes que van acabar dexando bastios que podríen acabar siendo d’orixe tormentosu y, inclusive, acompañaos de xarazo mientres la tarde.
• Ello ye que l’Axencia Estatal de Meteoroloxía va activar a partir del mediudía l’avisu mariellu por fuertes precipitaciones tanto nel cordal como nel suroccidente. En dichu avisu especifica la posibilidá de rexistrar hasta 15 llitros per metro cuadráu nuna hora. Esti avisu va concluyir a les 20:00 hores de la tarde.
• Los vientos van ser fluexos polo xeneral.
• Les temperatures máximes van xubir nel oriente (sobremanera nel interior) y van caltenese escontra l’occidente. Les mínimes, sicasí, van baxar llixeramente en tola rexón.

Sigue leyendo «Tiempu n’Asturies (El Comercio)» →