Sigue leyendo «Interpretamos mapes del tiempu» →

Van ameyorar les condiciones meteorolóxiques claramente. Anque nun se refuga dalguna nube a primer hora de la mañana, de forma bien rápida estes nubes de tipu baxu van sumir por completu dando mayor protagonismu al sol con, a lo sumo, delles nubes de tipu altu a lo llargo del día que, sía que non, dexaríen el cielu atapecíu. La probabilidá de precipitaciones va ser dafechu nula. Los vientos van soplar de componente esti moderaos na mariña ente que van ser fluexos nel interior. Tocantes a les temperatures máximes, van xubir hasta 2 o 3 ºC na mariña, hasta 5 ºC nel interior central oriental , y hasta 7 o 8 ºC nel interior occidental. Les temperatures mínimes, sicasí, van baxar de forma xeneralizada ente 2 y 4 ºC al respective de les anotaes el llunes.

Sigue leyendo «El tiempu (El Comercio)» →

Vamos encarar un llunes marcáu tantu peles nubes, como poles precipitaciones y, especialmente, por un descensu bien importante de les temperatures. Vamos amanecer con cielos yá bien nublos salvu, sía que non, nel sur de la rexón. Asina tou, les nubes rápido van acabase estendiendo por tol cielu asturianu y van dexar precipitaciones débiles que van percorrer la rexón d’occidente a oriente. Van ser más frecuentes mientres la mañana, pero pela tarde tamién van faer actu de presencia, sobremanera nel oriente. A la fin de la tarde nun se refuga l’apertura de dalgún cobarde claru nel sector occidental. Les temperatures van baxar de forma xeneralizada ente 6 y 8 ºC en tol Principáu, con dalgún descensu daqué más moderáu en zones costeres del centru y del oriente. Con éses na mariña van llegase algamar los 19 o 20 ºC a lo sumo, y na mayor parte del interior los 18/19 ºC, cola esceición del suroccidente onde podríen rexistrase les máximes más altes con 21 o 22 ºC n’Ibias por casu. El tiempu va empezar a ameyorar a partir del martes, dando pasu a unos díes que volverán tar soleyeros y con temperatures percima de los 25 ºC con facilidá.

Vamos encarar un domingu soleyeru mientres tol día (sacantes delles nubes namá a primer hores de la mañana) en tol Principáu d’Asturies. Los vientos van ser fluexos y variables, predominando d’oeste na mariña y de sur-suroeste nel interior. Les temperatures máximes van xubir hasta 4 o 5 ºC respectu al sábadu en casi tola rexón. Na mariña y en dellos puntos del oeste l’ascensu va ser daqué más llixeru (hasta 2 o 3 ºC más). Con éses van anotase los 26/27 ºC en casi tol interior, salvu nel interior occidental onde podríen rondar los 29/30 ºC. Nes localidaes costeres, polo xeneral, va llegar a los 24 o 25 ºC.

Sigue leyendo «El tiempu (El Comercio)» →

Esperamos una xornada estable en tol Principáu. Los cielos espérense atapecíos con intervalos de nubes de tipu alto a lo sumo y con una nula probabilidá de precipitaciones. Los vientos van ser fluexos y variables pudiendo predominar de componente oeste, sobremanera nel sector occidental. Les temperatures máximes van xubir 1 o 2 ºC más respectu al vienres, pudiendo ser esti ascensu daqué más significativu nel interior oriental. Les temperatures mínimes van ser bien similares a les del vienres. Con éses prevese que les temperatures diurnes superen con facilidá los 20 ºC na mayor parte de la rexón, pudiendo algamar los 23 ºC n’Uviéu y los 21 ºC en Xixón o n’Avilés.

Sigue leyendo «El tiempu (El Comercio)» →

Esperamos empezar el día con cielos nublos pero con enclín a abrise claros mientres les hores centrales del día. Pero, a lo llargo de la tarde, la nubosidá va dir claramente n’aumentu hasta quedar los cielos cubiertos, anque podríen llibrase d’estes nubes el terciu más occidental. La probabilidá de precipitaciones va ser baxa mientres el día pero cuanto más movamos escontra l’oriente la posibilidá d’orbayos va ser daqué más alta. Los vientos van predominar de componente oeste fluexos, pudiendo afitase de noroeste col intre del día. Les temperatures máximes van caltenese nel sector occidental, van baxar llixeramente nel central y de forma daqué más significativa nel oriente. Les mínimes, pela so parte, van baxar namá nel oeste asturianu ente que se van caltener nel restu.

Sigue leyendo «El tiempu (El Comercio)» →

Mientres les primeres hores de la mañana vamos tener cielos pocu nublos, pero rápido la nubosidá va dir aumentando dende l’occidente y va dir cubriendo’l cielu asturianu col intre de la mañana. Estes nubes más compactes sobremanera a partir de la tarde cuando la probabilidá de precipitaciones aumente. Anque mientres la mañana nun se refuga dalguna precipitación débil, va ser mientres la tarde-nueche cuando les agües xeneralícense y puedan afectar a cualquier puntu del Principáu. Les temperatures máximes van caltenese respectu al miércoles, salvo nel suroccidente onde llixeramente van ser un poco más baxes. Les mínimes va baxar nel cordal central y zones próximes, ente que nel restu nun van esperimentar grandes cambeos. Los vientos van soplar de suroeste moderaos nel occidente de primeres del día, pero se van afitar de componente oeste a partir de les hores centrales de la xornada, afectando tamién con raches moderaes al restu de la rexón.

Sigue leyendo «El tiempu (El Comercio)» →

Esperamos una xornada na que los cielos van tar bien nublos con precipitaciones de calter débil que podríen faer actu de presencia en cualquier momentu. Ciertu ye que, a midida que meyora la tarde, la probabilidá va ser menor y, inclusive, nun se refuga que pueda abrise dalgún claru dende l’occidente (sobremanera a la fin del día). Los vientos van soplar con cierta fuerza de suroeste-oeste. Concretamente, na mariña y nel sector occidental podríen algamar los 70 km/h. Nel restu del interior les raches podríen llegar a rexistrar los 50 km/h. Les temperatures máximes van xubir 1 o 2 ºC a lo sumo respectu al martes. Les mínimes van xubir de forma xeneralizada y notable cuidao que podríen llegar a anotase unes temperatures mínimes 6 o 7 ºC más altes que güei.

Sigue leyendo «El tiempu (El Comercio)» →

Esperamos una mañana soleyera en tol Principáu d’Asturies previu al pasu d’un frente pocu activu que se preve que va llegar antes de concluyir el día. Poro, vamos esfrutar d’una mañana nel que los cielos van tar azules y, gracies a el protagonismu del sol, les temperatures van recuperase tres el descensu esperimentáu’l llunes. Les temperatures van xubir unos 4 o 5 ºC en gran parte de la Comunidá, a esceición del suroccidente onde nun van esperimentar cambeos y de la mariña onde l’ascensu va ser más llixeru. Les temperatures mínimes van ser 1 o 2 ºC más baxes. Los vientos van soplar de componente oeste fluexos con delles qu’otres raches moderaes nel sector oeste. A lo llargo de la tarde‘l tiempu dirá complicándose pol lladral occidental cuidao que van entrar nubes y prevese que dexen precipitaciones a lo llargo de la tarde-nueche especialmente. Ye posible que l’oriente entá se llibre d’estes nubes y, de xuru, de les agües por cuenta de que’l frente podría dir perdiendo fuerza al tocar tierra. El miércoles, sicasí, va llegar una masa d’agües que va dir acompañada d’un descensu térmicu importante.