Esperamos amanecer con nubes que van tender a sumir conforme vaiga avanzando la mañana. A partir del mediudía preven cielos poco nublos o inclusive estenaos en prácticamente tol Principáu d’Asturies. A la fin de la tarde vamos reparar la presencia d’intervalos de nubes altes ensin importancia. La probabilidá de precipitaciones va ser nula en tou momentu. Los vientos espérense fluexos pero van afitase a partir del mediudía de nordés-esti y que, concretamente na mariña, podría soplar con intensidá moderada. Les temperatures máximes nun van variar al respective de les anotaes el domingu, ente que les mínimes van baxar llixeramente en zones altes del cordal, van xubir un poco na mariña y van caltenese ensin cambeos nel restu. Tiempo.com

Sigue leyendo «El tiempu (El Comercio)» →

Les temperatures máximes van baxar hasta 3 ºC nel terciu sur, hasta 1 o 2 ºC nel restu del interior y ensin cambeos na mariña al respective de les anotaes el vienres.

Vamos siguir esperando unes condiciones meteorolóxiques estables na rexón. Pela mañana vamos tener cielos pocu nublos o, a lo sumo, intervalos de nubes altes. A lo llargo de la tarde van entrar nubes medies dende’l cordal que se van estender en dirección norte. La probabilidá de precipitaciones va ser nula o bien baxa. Sía que non, podría escapase dalgún bastiu aislláu en zones montascoses mientres la tarde.

Sigue leyendo «El tiempu (El Comercio)» →

La umbada Therese sigue enllancada nel Atlánticu al oeste de les mariñes portugueses y eso trai unes condiciones meteorolóxiques estables para Asturies en llínees xenerales. Los vientos nel interior, sobremanera nel cordal, van ser de componente sur y eso ayuda a que les temperatures sían relativamente prestoses. Con éses los cielos van tar pocu nublos o estenos pela mañana con, a lo sumo, delles gurrianes na mariña que se van estenar a lo llargo de la mañana. Pela tarde nun se refuguen intervalos de nubes medies y altes nel interior. Los vientos, como dicíamos, van soplar de sur nel cordal y, nel casu de la mariña, van afitar de componente esti especialmente a partir de la tarde. Les temperatures máximes hasta 3 o 4 ºC nel terciu occidental y van caltenese ensin cambeos respecto al miércoles nel restu. Les mínimes podríen esperimentar descensos llixeros de forma local.

Sigue leyendo «El tiempu (El Comercio)» →

Al oeste de les mariñes portugueses atópase la umbada «Therese» ensin amenaza dalguna cuidao que los modelos meteorolóxicos nun agoren que se vaya enfusar na Península Ibérica mientres los próximos díes. Poro, ye la situación ideal por qu’esperemos tiempu estable na nuesa rexón. Güei miércoles prevense intervalos de nubes altes a lo sumo con enclín a estenase los cielos a lo llargo de la tarde especialmente. La probabilidá de precipitaciones va ser nula y los vientos prevense fluexos y variables polo xeneral. Les temperatures máximes van baxar unos 2 o 3ºC nel terciu occidental respectu al martes, ente que nel restu del Principáu van caltenese ensin cambeos importantes. Les mínimes, gracies a la presencia de cierta nubosidá alta, van xubir un par de graos de forma xeneralizada salvo nel cordal onde nun van esperimentar variaciones.

Sigue leyendo «El tiempu (El Comercio)» →

Volveremos esfrutar d’una xornada soleyera n’Asturies. En tola rexón vamos tener cielos pocu nublos o prácticamente estenos y, poques gracies, la probabilidá de precipitaciones va ser nula. Los vientos van ser fluexos polo xeneral, y van poder predominar de sur sobremanera nel cordal onde nun se refuga dalguna qu’otra racha con intensidá moderada. Les temperatures van esperimentar esti martes un importante ascensu xeneralizáu.

Sigue leyendo «El tiempu (El Comercio)» →

Esperamos pela mañana nubes baxes nel norte de la rexón y cielos soleyeros dende primer hora nel restu del Principáu. A partir del mediudía vamos reparar como se van dir abriendo grandes claros tamién na metá norte hasta acabar los cielos prácticamente estenos. Pela tarde prevese una segunda parte del día col sol como claro protagonista. Amás, les temperatures van xubir nel casu de les máximes. Concretamente, van xubir más de 5 o 6 ºC respectu al domingu na metá sur y de forma más moderada nel restu que, precisamente, va coincidir onde les nubes tarden más en sumir. Los vientos van ser fluexos pela mañana, pero van afitar de nordés-esti pela tarde na mariña con raches moderaes.

La AEMET va activar l’avisu na mar por aguaxe. De 11:00 a 13:00 hores va tar activáu l’avisu mariellu por foles d’hasta 5 metros. De 13:00 a 23:00 hores l’avisu va pasar a ser naranxa por foles d’hasta 6 metros. A partir de les 23h y hasta les 08:00 hores de mañana volverá ser mariellu.

Entá s’esperen precipitaciones débiles mientres la mañana. Estes agües van ser más frecuentes nel centru y nel oriente asturianu. A partir del mediudía la inestabilidá va dir claramente a menos y va acabar unviando por completu. La tarde va ser totalmente estable en cualquier puntu de la rexón con escasa o nula probabilidá de precipitaciones. La cota de nieve va rondar los 1100 o 1200 metros mientres les primeres hores de la mañana y va tender a xubir percima de los 1500 metros cola meyora del domingu. Los cielos van tar nublos mientres tola xornada. Les temperatures máximes van xubir ente 3 y 4 ºC respectu al sábadu na metá norte, y un par de graos na metá sur. Los vientos van ser fluexos polo xeneral.

Sigue leyendo «El tiempu (El Comercio)» →

Va ser un día gris con abondosa nubosidá y precipitaciones xeneralizaes que van ser más abondoses nel centru y nel oriente asturianu, anque tamién van afectar al sector occidental. Estes precipitaciones van ser en forma de nieve a partir de los 1000 metros con enclín a xubir hasta los 1200 metros a lo llargo del sábadu. Nun se refuga la posibilidá de dalgún esbarrumbe puntual sobro los 900 metros a primer hora de la mañana. Los vientos van soplar d’oeste con raches moderaes pudiendo afitase de noroeste a la fin anque perdiendo intensidá.

Sigue leyendo «El tiempu (El Comercio)» →

Vamos amanecer con estabilidad pero a lo llargo de la mañana vamos reparar la entrada de nubes dende l’occidente que se va dir estendiendo por tola rexón. Un frente fríu va crucianos a mediudía y va dexar al so pasu precipitaciones partíes pol Principáu. Pela tarde va entrar una nueva llínea d’inestabilidá que va suponer la llegada d’una nueva masa de precipitaciones. Les temperatures máximes van baxar nel cuadrante suroccidental d’Asturies, van xubir na mariña oriental y van caltenese ensin cambeos nel restu. Les mínimes apenes van variar respectu al xueves. Tocantes a la cota de nieve, va baxar hasta los 1400 o 1500 metros pela tarde y va asitiase en redol a los 1200 metros a medianueche.

Sigue leyendo «El tiempu (El Comercio)» →

Esta fin de selmana va aprucir l’aire polar tres el pasu d’un frente, dexando un baxón térmicu n’España y un episodiu de nevaes en cotes baxes en delles comunidaes. La masa d’aire polar va empezar a entrar pol noroeste a la fin del vienres, estendiéndose al restu’l sábadu.

Sigue leyendo «Tiempu n’España» →

Esperamos una xornada estable en tol Principáu. Vamos Poder amanecer con delles nubes baxes en determinaos puntos de la rexón pero rápido van sumir para dar pasu al sol. Con éses prevese una xornada soleyera mientres gran parte de la mesma. Comoquier, nun se refuga que dellos intervalos de nubes baxes vuelvan apaecer, sobremanera nel centru y nel oriente, a lo llargo de la tarde. Los vientos van ser fluexos polo xeneral. Les temperatures máximes van xubir nel interior y van caltenese ensin cambeos na mariña y proximidaes. Les mínimes, sicasí, van baxar de forma daqué más xeneralizada.

Sigue leyendo «El tiempu (El Comercio)» →