IXUXÚ ツ Isa

Esperamos otru día con cielos nublos o bien nublos n’Asturies. Estes nubes van poder dexar delles precipitaciones débiles pocu importantes mientres el día. La inestabilidá va unviar por completu a lo llargo de la tarde y, inclusive, cabi la posibilidá de que s’abran escamplaes dende l’occidente a la fin. Los vientos van predominar de componente oeste fluexos con posibilidá de raches moderaes na mariña. Tocantes a les temperatures, les máximes van xubir namá nel interior central cuidao que se van caltener ensin cambeos nel restu. Les mínimes nun van variar respectu al martes sacante dalgunos posibles descensos bien llixeros que podríen producise en zones altes del cordal.

Sigue leyendo «El tiempu (El Comercio)» →

Tres el descensu térmicu d’esti domingu, el llunes los termómetros volverán rexistrar una nueva baxada de les temperatures. Les máximes van baxar hasta 1 o 2 ºC al respective de les anotaes el 1 de xunu, siendo’l descensu más significativu nel occidente asturianu. En cuanto al estáu de los cielos, prevese abondosa nubosidá cubriendo tol Principáu. Estes nubes van dexar precipitaciones débiles polo xeneral pero que, a priori, van ser más frecuentes mientres la primer metá del día. Los vientos van soplar de nordeste fluexos con raches moderaes na mariña.

Sigue leyendo «El tiempu (El Comercio)» →

Esti 1 de xunu empieza’l branu meteorolóxicu (l’astronómicu va empecipiar el 21 de xunu) y va facelo cargáu de nubosidá en tol Principáu d’Asturies. Va Ser una xornada nada veraniega que va faltar enforma de la vivida’l pasáu xueves cuando superáramos los 30 ºC n’Asturies. Poro, mientres tol día de güei prevense cielos cubiertos con posibilidá de precipitaciones débiles que podríen afectar a cualquier puntu de la rexón. Los vientos van soplar de norte-nordeste fluexos polo xeneral con dalguna qu’otra racha moderada, sía que non, na mariña. Les temperatures máximes apenes van variar na mariña, llixeramente nel restu de la metá norte, y de forma más significativa escontra’l sur onde podríen ser hasta 6 ºC más baxes que les anotaes el sábadu.

Sigue leyendo «El tiempu (EL Comercio)» →

El xueves, tal que taba previstu, rexistremos n’Asturies unes temperatures totalmente anómales más propies del mes de xunetu que de finales de mayu. D’esta forma, foi’l día más templáu de lo que va d’añu. En Tinéu anotáronse 35,5 ºC, en Mieres y en L.lena 34 ºC. En munches poblaciones del interior algamaron los 30 ºC y ye el casu tamién d’Uviéu onde se llegaron a rexistrar 31,4 ºC. En zones costeres, les temperatures tamién fueron templaes pero non tan intenses.

Sigue leyendo «El tiempu (El Comerciu)» →

La previsión del tiempu n’Asturies para esti xueves anima a sacar los abanicos. Esti 29 de mayu va ser el día más calorosu no que va d’añu. Una masa d’aire templao va entrar de llenu de forma que consiga xubir les temperatures máximes hasta 8 graos más qu’esti miércoles. Prevense 35 graos nel suroccidente y superar los 30 graos nel interior central, situación que llevó a Sanidá a activar l’alerta por calor. Na mariña les temperatures, anque igualmente templaes, van ser más moderaes. Les mínimes van xubir na metá norte y van caltenese nel restu.
Alerta de MeteoSalud. https://x.com/AEMET_Esp

Sigue leyendo «Sanidá activa l’alerta por calor n’Asturies: va ser el día más calorosu no que va d’añu» →

La previsión del tiempu n’Asturies para esti miércoles apunta a un día estable en tol Principáu. Los cielos van tar prácticamente estenaos mientres el día. A lo sumo, podríen apaecer delles gurrianes y bancos de borrina a primer hora que van tender a sumir bien rápido y, como muncho, a lo llargo de la xornada podrán reparase dellos intervalos de nubes altes insignificantes por momentos. Los vientos van ser fluexos y variables pela mañana, tendiendo a afitase de nordeste-esti a partir del mediudía con posibilidá de dalguna racha moderada na mariña. Les temperatures máximes van xubir de forma xeneralizada ente 2 y 3 ºC respectu al martes, ente quevan xubir nel cordal, podríen baxar un pocu na mariña central, y van caltenese ensin cambeos nel restu de la rexón.

Sigue leyendo «El tiempu (El Comercio)» →

• Asturies va vese influyida por un potente anticiclón acomuñáu a una masa d’aire templao, lo que se va traducir en tiempu estable y un progresivu ascensu de les temperatures.
• Esti martes esperen cielos pocu nublos con delles gurrianes y bancos de borrina mañaneru a primer hora que van tender a estenase rápido. A lo sumo, podríen apaecer intervalos de nubes altes ensin mayor relevancia.
• Les temperatures máximes van xubir de forma xeneralizada, especialmente nel centru y nel occidente de la rexón, onde van poder amontase hasta en 4 o 5 ºC al respective de esti llunes.
• Les mínimes apenes van variar. Los vientos van ser fluexos predominando de nordeste y, sía que non, con delles raches moderaes na mariña.

Sigue leyendo «El tiempu (El Comercio)» →

Empezamos selmana con una xornada marcada pelos cielos nublos en tol Principáu d’Asturies. Les precipitaciones van ser pocu probables pero, sía que non, nun se refuga que puedan escapase dellos orbayos mientres la mañana na mariña y proximidaes. Los vientos van predominar de nordeste fluexos polo xeneral, con dalguna racha daqué más significativa na mariña. Les temperatures máximes van baxar de forma xeneralizada hasta 3 o 4 ºC menos qu’esti domingu. Les mínimes van xubir na mariña oriental y van caltenese ensin cambeos nel restu d’Asturies.

Sigue leyendo «El tiempu (El Comercio)» →