IXUXÚ ツ Isa

Esperamos cielos bien nublos con bastios xeneralizaos que van ser más abondosos mientres la mañana. La zona central y oriental van ser les más afectaes pero tamién s’esperen agües nel occidente. La cota de nieve va empezar sobro los 900 metros y va dir xubiendo hasta los 1100 metros nes hores centrales, pudiendo baxar a los 1000 a la fin de la xornada cuando les precipitaciones van ser muncho menos probables y, inclusive, inesistentes. Les temperatures máximes apenes van variar al respective de les anotaes el sábadu. Les mínimes van caltener nel occidente y van xubir nel restu del Principáu, especialmente na zona central asturiana. Los vientos van soplar de componente norte con raches moderaes.

Sigue leyendo «El tiempu (El Comercio)» →

Un poderosu chorru polar intensu y onduláu va dexar a gran parte d’España en parte fría», trayendo socesives umbaes, frentes, vientu, mala mar y precipitaciones, dalgunes en forma de nieve. Esta situación podría dexar nieve nel norte del Sahara y un fuerte temporal mediterráneu.

Sigue leyendo «Tiempu n’España» →

Vamos tar afectaos pel radiu d’acción d’una umbada alcontrada nes Isles Britániques y que se va dir averando a lo llargo de la fin de selmana. Comoquier, en llínees xenerales yá podemos adelantrar que nun nos espera una recta final de selmana especialmente inestable. Ello ye que esti vienres ye probable que sía’l día que más precipitaciones se rexistren y asina tou van ser débiles. Estes agües van entrar pel oeste y van movese escontra l’oriente conforme vaiga avanzando la xornada. La cota de nieve va rondar los 900 metros aprosimao polo que nun se refuguen nevaes de calter débil en zones de monte. Los vientos van ser fluexos polo xeneral y les temperatures van baxar bien llixeramente nel casu de les máximes (1 o 2 ºC a lo sumo), y de forma daqué más significativa nel casu de les mínimes (hasta 4 ºC menos qu’esti xueves). Tocantes a la mar, vamos tar mientres tol día n’avisu mariellu por foles d’hasta 4 o 5 metros d’altor.

Sigue leyendo «El tiempu (El Comercio)» →

Esperamos una xornada marcada polos vientos de componente sur. Mientres la mañana y les hores centrales del día preven vientos moderaos con intervalos fuertes o bien fuertes en zones altes del occidente y tamién del cordal. A lo llargo de la tarde, y sobremanera al anochecer, los vientos van dir claramente abocanando. L’Axencia Estatal de Meteoroloxía va tener activáu hasta les 18:00 hores l’avisu nel cordal por raches d’hasta 90 km/h en cotes altes de dichu sector. Igualmente, va destacar el vientu na mar. A partir de les 17:00 hores de la tarde na mariña occidental y a partir de les 18:00 hores na oriental, va activase l’avisu mariellu por fuertes vientos (fuerza 7) y foles que podríen algamar los 5 metros d’altor. Sigue leyendo «El tiempu (El Comercio)» →

Los meteorólogos ponen el focu na cicloxénesis del xueves: vientu de 100 km/h y agües nestes zones d’España.

Sigue leyendo «El xueves, una cicloxénesis» →

Esperamos una xornada estable en llínees xenerales. Vamos amanecer con cierta nubosidad pero rápido van abrise grandes claros. El sol va cobrar protagonismu a lo llargo de la mañana. A partir del mediudía van entrar nubes medies pel oeste que se van dir moviendo escontra l’oriente pero ensin llegar a cubrir los cielos por completu. Estes nubes van dexar precipitaciones en nengún momentu del día. Los vientos van ser fluexos, anque mientres la segunda parte del día prevense raches moderaes de componente oeste na mariña. Les temperatures máximes van baxar hasta 3 o 4 ºC menos que’l martes, salvu nel cordal y nel terciu oriental onde apenes van variar. Les mínimes, sicasí, van baxar nel centru y nel oriente, ente que nel sector occidental van ser bien similares.

Sigue leyendo «El tiempu (El Comercio)» →

Ente’l llunes y el miércoles un frente va partir agües per media España.

Vamos amanecer con cielos nublos y posibilidá a lo sumo de delles precipitaciones débiles esvalixaes pola mor del pasu d’un frente templáu. Estes precipitaciones van unviar rápido mientres la mañana y la nubosidá va dir siendo cada vez menos compactes. Les nubes baxes mañaneres van pasar a ser nubes medies y altes a lo sumo de cara a la segunda parte del día. Los vientos van soplar de suroeste con raches moderaes sobremanera nel occidente y nel cordal. Ello ye que nes zones altes nun se refuga que puedan rexistrase raches localmente fuertes que podríen superar los 80 km/h. El pasu del frente templáu y gracies a los vientos de suroeste, les temperatures máximes van xubir de forma notable y xeneralizada. Van xubir más de 4 o 5 ºC en tol Principáu pudiendo ser inclusive d’hasta 6 o 7 ºC en puntos bien concretos del interior. Les mínimes van xubir ente 2 y 3 ºC nel occidente y nel cordal centro-occidental. Nel restu d’Asturies van caltenese ensin cambeos respecto al sábadu.

Sigue leyendo «El tiempu (El Comercio)» →

El fríu dexa pasu la próxima selmana a temperatures más templaes de lo normal pero con precipitaciones abondoses.

La próxima selmana va ser lluviosa, sobremanera na metá oeste peninsular, onde se van concentrar les mayores precipitaciones, ente que les temperatures van tar percima de lo normal, según la predicción de l’Axencia Estatal de Meteoroloxía (Aemet). Asina, agua, aguaxe, vientu y nieve van activar esti sábadu los avisos en 17 provincies .Los avisos mariellos por nieve van ser n’Asturies (cordal y Picos d’Europa), Llión…

Sigue leyendo «La próxima selmana va ser lluviosa» →

Les agües van unviar mientres el día. Hasta’l mediudía va tar activáu l’avisu mariellu nel cordal por nevaes a partir de los 900/1000 metros. Vamos amanecer con cielos nublos o bien nublos entá y con posibilidá de delles precipitaciones débiles que van ser más frecuentes sobremanera escontra l’oriente. Esta inestabilidá va unviar sobremanera a partir del mediudía. La nubosidá de tipu baxu va sumir por completu quedando los cielos pela tarde con nubes de tipu mediu y alto a lo sumo. Hasta’l mediudía va tar activáu l’avisu mariellu nel cordal por nevaes a partir de los 900/1000 metros. Los vientos van predominar de componente oeste fluexos a moderaos, con raches de suroeste-sur a la fin del día. Les temperatures van caltenese ensin grandes cambeos al respective de les del vienres tantu nel casu de les máximes como nel de les mínimes. Per otru llau, hasta les 18:00 hores na mariña occidental y hasta les 20:00 hores na oriental, va tar activáu l’avisu mariellu por foles d’hasta 4 o 5 metros.

Sigue leyendo «El tiempu (El Comercio)» →

Vamos tener un día meteorológicamente bastante complicáu n’Asturies. La presencia d’una llínea d’inestabilidá próxima a la nuesa rexón va traer una mayor probabilidá y frecuencia de precipitaciones. La nubosidad va dir ganando terrenal rápido a lo llargo de la mañana y va dexar precipitaciones xeneralizaes, que podríen ser localmente moderaes, sobremanera na mariña, y acompañaes de dalguna nube aisllada. Pela tarde, les precipitaciones van siguir presentes, anque van tender a perder intensidá de forma progresiva.

Sigue leyendo «El tiempu (El Comercio)» →