- #DiadelaBanderadeAsturias
- Páxina d’Ixuxú / Cartelu
- banderadeasturias.es
- Web Día de la Bandera de Asturias
- Web Día de la Bandera de Asturias. Versión en inglés
El Gobiernu del Principáu va conmemorar el sábadu 25 de mayu los acontecimientos asocedíos fai 216 años cuando Asturies declaró la guerra a la Francia napoleónica, primer potencia mundial entós daquella. El principal oxetivu ye espublizar ente los más nuevos esti episodiu históricu del añu 1808, sorrayar la so importancia pa la hestoria d’Asturies y esplicar les razones que llevaron al afitamientu de l’actual bandera del Principáu como enseña d’usu popular.
Pa celebrar esta efeméride del Día de la Bandera d’Asturies, el Principáu editó l’añu pasáu un webcómic, realizáu pol ilustrador Javi de Castro, qu’esplica n’ocho capítulos esti momentu trescendental de la nuesa hestoria y que ta escritu en castellán, asturianu, eonaviego ya inglés. Esiste, coles mesmes, xuna edición en papel con cuatro de los capítulos resumíos, unos hestóricos y otros ficcionados.
El Principáu ufierta tamién na páxina web banderadeasturias.es un llibru descargable tituláu La significación históricu-política del 25 de mayu de 1808, con testos del presidente del Principáu, Adrián Barbón; el presidente de l’Asociación d’Amigos del País d’Asturies, José María Fernández González; el catedráticu de Derechu Constitucional de la Universidá d’Uviéu, Ignacio Fernández Sarasola, y la profesora titular d’Hestoria del Derechu y de les Instituciones, Marta Tostara Álvarez. Figura, amás, un documental tituláu El día qu’Asturies declaró la guerra a Napoleón, emitíu na Televisión del Principáu d’Asturies (TPA).
La Conseyería d’Educación va unviar un boletín a los centros d’enseñanza por que compartan toa esa información col claustru y solicitar que collaboren nel espardimientu del webcómic y del restu de conteníos alusivos a esa fecha tan señalada. Propón, amás, utilizalos como material de trabayu nes aules col alumnáu d’ESO y Bachilleratu nes asignatures d’Hestoria, Inglés, artístiques o llingüístiques, o bien como ferramienta pa impulsar alderiques o como xuna dinámica de xuegu.
Los materiales tán disponibles nesti enllaz:
