LNE / Alexandra Pichurina, la flautera asturiana de 17 años que trunfa a nivel nacional: «La mio única ambición ye ameyorar tolo que pueda y llegar a tocar colos mios padres». La moza ye fía d’un matrimoniu de músicos d’orixe rusu y llevóse el Primer Premiu de Grau Profesional del concursu Intercentros Melómanu.
Alexandra Pichurina (Uviéu, 2008) creció ente partitures, ensayos y conciertos. Nun ye casualidá. Na so casa, con padres rusos, casi toos dedíquense a la música de forma profesional. Güei, con solu 17 años, esa convivencia diaria empieza a dar frutos: va delles selmanes que s’alzó col Primer Premiu na categoría de Grau Profesional del concursu nacional Intercentros «Melómanu», unu de los más relevantes del panorama formativu.
Estudiante de flauta trevesera nel Conservatorio Profesional de Música, Alexandra empezó la so formación na Escuela Municipal de Música de la ciudá, primeramente con clases de pianu. Foi la so hermana Anastasia quien la animó a dar el pasu escontra la flauta, un preséu que siempres -y atraxo. Con diez años empezó a recibir clases de Myra y Peter Pearse, dambos integrantes de la OSPA, y mientres siete años fórmase de manera independiente.
Esti cursu aportó al Conservatorio Superior baxu la tutela d’Elías Alonso, quien la escoyó pa participar nel concursu Intercentros «Melómanu». En superando la fase rexonal, impúsose na final celebrada n’Alicante. «Taba daqué nerviosa porque yera la primer vegada que viaxaba ensin la mio madre, pero los profesores ayudáronme enforma», recuerda.
El premiu supunxo un importante impulsu, anque Alexandra caltien los pies nel suelu. «La mio única ambición ye ameyorar tou lo que pueda», asegura. Agora ta centrada en terminar Bachilleratu, lo qu’amenorgó les hores d’estudiu del preséu. Mientres el branu llegó a dedicar más de cinco hores diaries a ensayar; agora’l tiempu ye más llindáu, anque espera retomalo cuando vuelva recibir clases col so nuevu profesor, Laurent Blaiteau, miembru de la Real Filharmonía de Galicia.
En casa, la música sigue siendo un sofitu constante. Sacante’l so hermanu Roman, más inclináu escontra les matemátiques, toos dedíquense a ella. «Ayúdenme enforma, sobremanera a la de trabayar les pieces. Lo más complicao sueli ser atopar sitiu pa tocar, anque agora que la mio hermana ta en Salzburgo ye más fácil», comenta ente rises.
Alexandra ye consciente de que’l camín apenes acaba d’empezar y evita marcase metes al llargu plazu. Aun así, hai xuna ilusión que la acompaña dende siempres: poder llegar dalgún día a compartir escenariu colos sos padres. «Trabayar con ellos sería bien especial; síguilos siempres de cerca», conclúi.
