Agrupaciones y profesionales piden l’impulsu del teatru costumista asturianu.
Tres la declaración del teatru costumista asturianu como Bien d’Interés Cultural, agrupaciones y profesionales amosaron la so allegría por una reconocencia que pa dalgunos llega tarde.
Piden qu’esto nun quede nun galardón y que dende l’alministración s’impulse pa que, sobre manera, llegue a los más mozos.
Per años, munchos sintieron que’l so arte yera infravaloráu. Esta reconocencia, anque tardía, asítialu por fin nel llugar que, diz José Ramón Oliva, dramaturgu, director y actor de teatru costumista, merez.
Figures como Arsenio González o Eladio Sánchez, yá muertos, fueron grandes promotores que, pa los sos compañeros, tamién tendríen de vivir esta reconocencia, señala Armando Felgueroso, miembru de la Compañía Asturiana de Comedies y José Ramón Oliva.
Hai tamién críticos col nome de la declaración. Lluis Antón González Fernández, miembru de la Compañía Asturiana de Comedies, señala que más que costumista, hai que referise al so trabayu como teatru asturianu.
Adolfo Uría, miembru del grupu de teatru costumista ‘La Páxara Pinta’ pide que cola protección se fomenten festivales, se promuevan ayudes a les agrupaciones y esista más divulgación.
Los profesionales aseguren que los asturianos reconocémonos nel teatru costumista, por eso tien tantu enraigonamientu ente nós y por eso cunta yá más de 100 años d’hestoria.
