Climatolóxicamente, xineru ye’l mes más fríu del añu n’España, con una temperatura medio nel conxuntu del país que ronda los 8,4 ºC, anque con grandes diferencies: de les temperatures xeladores del altu monte pasamos a los valores primaverales de delles zones de Canaries. Eso sí, ye un mes pródigu en grandes nevaes.

Xineru nun ye especialmente lluviosu nel conxuntu del país, ya inclusive ye bastante secu en puntos de la metá esti peninsular. Fonte: César Rodríguez Ballesteros.

Sigue leyendo «Xineru ye’l mes más fríu del añu n’España» →

Asina se va estender la masa de nieve por tola Península cola llegada de la umbada Francis, según el modelu GFS. Predicción d’acumuladures de nieve pal 6 de xineru de 2026 n’España según el modelu GFS. Meteociel.fr

A partir del primer sábadu del añu, el 3 de xineru, la plenitú de la umbada Francis y el choque de mases d’aire sobro la Península aumenta la mira de que se desenvuelvan agües intenses y, dáu’l fríu intenso, nevaes en cotes especialmente baxes.

Sigue leyendo «Asina se va estender la masa de nieve por tola Península» →

«Agües abondoses»: l’Aemet confirma la llegada de la umbada ‘Francis’ y avisa lo que va pasar los próximos díes. L’entamu del añu va llegar acompañáu d’un xiru notable nel tiempu, con un episodiu d’inestabilidá que va poner fin al aselu de los últimos díes y va dexar precipitaciones y cambeos térmicos en bona parte del país.

Sigue leyendo ««Agües abondoses»: l’Aemet confirma la llegada de la umbada ‘Francis’» →

vamos despidir l’añu con unes condiciones meteorolóxiques estables en tol Principáu. Comoquier, vamos amanecer con cierta nubosidad de tipu baxu que nun se refuga que pueda dexar dellos orbayos principalmente na mariña y otros puntos del prelitoral. A partir del mediudía les nubes van dir a menos hasta dexar una tarde con cielos bien llimpios onde’l sol va cobrar un mayor protagonismu hasta l’atapecer. Poro, vamos celebrar la entrada de 2026 con cielos estenos y xuna nula probabilidá de precipitaciones. Eso sí, la celebración va riquir ropa d’abrigu cuidao que la nueche va presentase bien fría. A medianueche, espérase que la temperatura na mayor parte del interior asturianu ronde 1 o 2 ºC, ente que en zones costeres espérase unos rexistros ente los 5 y los 7 ºC como muncho. Les xelaes na madrugada del 1 de xineru van ser débiles pero van tar presentes en gran parte del interior asturianu. Tocantes a los vientos, van ser fluexos y variables, salvo na mariña onde podríen predominar de componente este.

Sigue leyendo «El tiempu (El Comercio)» →

L’añu 2025 va despidise so la influencia d’una nueva umbada atlántica que se va averar a la Península y que va traer consigo un episodiu de tiempu inestable en bona parte d’España. Según los modelos meteorolóxicos actuales, la umbada va empezar a notase nes primeres hores del nuevu añu, cola entrada de precipitaciones dende l’Atlánticu por socesivos frentes. El Tiempo /

Sigue leyendo «L’añu 2025 va despidise so la influencia d’una nueva umbada atlántica» →

Vamos amanecer con dellos intervalos de nubes medies y altes. Pero a lo llargo de la mañana vamos reparar como estes nubes van dir desfaciendose hasta dexar los cielos prácticamente estenos al mediudía. Con éses tola segunda metá de güei va tar marcada per unos cielos llimpios de nubosidá y, evidentemente, la nula probabilidá de precipitaciones. Los vientos van ser fluexos polo xeneral, pero nun se refuguen delles raches moderaes en zones altes del cordal mientres la mañana y nes hores centrales. Les temperatures van xubir llixeramente tantu nel casu de les máximes como nel de les mínimes. L’ambiente va ser fríu pero con estos pequenos ascensos, yá van tar les temperatures bastante alloñaes de les que se llegaron a anotar el día de Navidá o’l vienres 26.

Sigue leyendo «El tiempu (El Comercio)» →

Esti sábadu esperamos tamién enforma fríu ya igualmente xelaes, anque se preve un ascensu llixeru de les temperatures mínimes. Concretamente, espérase que xuban ente 1 y 2 ºC a lo sumo tanto nel centru como nel oriente asturianu, ente que nel occidente ye posible que se caltengan ensin grandes cambeos respecto al vienres. Les máximes van xubir ente 2 y 3 ºC en tol Principáu d’Asturies. En cuanto al estáu de los cielos van tar soleyeros cuidao que apenes s’espera nubosidá. Los vientos van ser fluexos con raches moderaes na mariña pela tarde de componente este. Tamién ye posible que puedan rexistrase delles raches d’intensidá moderada en zones altes del cordal.

Sigue leyendo «El tiempu (El Comercio)» →

Xelaes y cielos asoleyaos. Estes xelaes van ser débiles na metá norte, moderaes nel restu salvu en puntos altos del cordal onde podríen aportar a fuertes. El xueves foi un día bien fríu nel que les máximes rondaron los 9/11 ºC na mariña, y per debaxo de los 8 ºC nel interior. Por casu, n’Uviéu’l mercuriu nun pasó de los 6,9 ºC en tou la xornada. Esti vienres vamos amanecer con xelaes xeneralizaes salvu na mariña. Estes xelaes van ser débiles na metá norte, moderaes nel restu salvu en puntos altos del cordal onde podríen aportar a fuertes. Concretamente, hasta les 10:00 hores de la mañana entá va tar activáu l’avisu mariellu en zones altes del sur asturianu por posibilidá de rexistrar temperatures d’hasta -6 ºC n’amplies zones. Pa esti vienres, les máximes van xubir ente 2 y 3 ºC en tola Comunidá Autónoma. En cuanto al estáu de los cielos, esperamos poco nubosidá polo que’l sol va ser el claru protagonista. Los vientos van ser fluexos polo xeneral.

Sigue leyendo «El tiempu (El Comercio)» →

El Comercio / Blanca Navidá n’Asturies: la nieve ambienta les fiestes. L’Axencia Estatal de Meteoroloxía activa l’avisu mariellu por nevaes esti 25 d’avientu nos Picos d’Europa y el Cordal Cantábricu.

Sigue leyendo «Blanca Navidá n’Asturies: la nieve ambienta les fiestes» →

Esperamos un día cargáu de nubosidá n’Asturies que va dexar precipitaciones de calter débil y esvalixáu a lo llargo de la xornada. La cota de nieve va rondar los 1000 o 1100 metros d’altor pero van ser nevaes bien débiles y pocu importantes. Los vientos van ser fluexos polo xeneral. Les temperatures van ser bien similares a les del llunes. Sía que non, podríen xubir llixeramente nel occidente del Principáu tantu les máximes como les mínimes.

Sigue leyendo «El tiempu (El Comercio)» →