IXUXÚ ツ Isa

Una masa d’aire bien frío impulsada pola fonda umbada Ingrid, que ta alcontrada al norte de la Península Ibérica, va consiguir que’l vienres encaremos una xornada bien fría. La cota de nieve va rondar los 600 o 700 metros baxando rápido hasta los 400 o 500 metros. Comoquier, les precipitaciones van concentrase en mayor midida escontra’l suroccidente y escontra el cordal. Poro, prevense cielos más nublos nestos sectores ente que nel restu preven nubes y escamplaes ensin refugase dalguna precipitaciones bien débil.

Sigue leyendo «El tiempu (El Comercio)» →

los vientos fueron protagonistes el miércoles n’Asturies. La racha más intensa anotose en Cabrales (138 km/h), pero tamién destacaron los 128 km/h en Picos d’Europa, los 124 km/h en Cabu Bustu, los 123 km/h en Sotres y los 113 km/h en Cabo Peñes. El xueves volveremos esperar fuertes raches de vientu pero van tener llugar especialmente na recta final del día. Pela mañana prevense vientos moderaos de suroeste que, sacantes esceiciones bien puntuales, nun van superar los 50 o 60 km/h. Pero a lo llargo de la tarde, va aumentar la intensidá de los vientos nel occidente y nel cordal, pudiendo superase los 90 km/h.

Sigue leyendo «El tiempu (El Comercio)» →

La siguiente umbada nomada de gran impactu ye Ingrid y va dexase notar a partir del vienres.

Sigue leyendo «Ingrid, a partir del vienres» →

El tiempu del restu de xineru: España va ser unu de los países con más agua y nieve del continente européu.

Sigue leyendo «El tiempu del restu de xineru» →

Esperamos un día marcáu polos fuertes vientos de suroeste. Les raches más altes van rexistrase, amás d’en la mariña, en zones altes del sector oeste y, sobremanera, nel cordal. L’Axencia Estatal de Meteoroloxía va caltener activáu l’avisu mariellu hasta les 18:00 hores nel cordal por fuertes vientos d’hasta 90 km/h. Asina tou, los modelos meteorolóxicos indiquen que podríen llegar a superase los 90 km/h nos cumes más altos.

Sigue leyendo «El tiempu (El Comercio)» →

Esperamos intervalos de nubes medies y altes mientres tol día salvu nel cordal onde la nubosidá va ser más compacta. La probabilidá de precipitaciones va ser bien baxa y, sía que non, podríen escapase delles precipitaciones débiles nel sur del Principáu. Los vientos van soplar de sur-suroeste con raches moderaes nel occidente y en zones altes de monte. Nel restu, van ser fluexos con dalgún qu’otru intervalu moderáu de forma puntual. Les temperatures máximes van xubir en tola franxa costera ente 2 y 3 ºC respectu al llunes. Tamién van xubir na metá occidental, ente que nel restu d’Asturies van caltenese  ensin cambeos o van esperimentar un ascensu bien llixeru.

Sigue leyendo «El tiempu (El Comercio)» →

Empezamos la selmana con un llunes nel que vamos amanecer con cielos pocu nublos salvu nel oeste onde se preve mayor nubosidad. Estes nubes van dir moviéndose escontra l’oriente percorriendo tola rexón. Al so pasu, van dexar precipitaciones de calter débil que van poder afectar a cualquier puntu del Principáu. La cota de nieve va rondar ente los 900 y los 1100 metros lo llargo del día. Los vientos van empezar de suroeste a primeres hores pero rápido van afitase d’oeste, momentu nel que la nubosidad va espandir por tola rexón. A la fin del día, los vientos volverán soplar de suroeste y los cielos van llimpiar de nubes polo que la xornada va acabar prácticamente estena. Les temperatures máximes van ser bien similares a les d’esti domingu pero, sicasí, les mínimes van baxar de forma bien significativa nel centru y nel oriente asturianu, ente que nel sector occidental apenes van variar.

Sigue leyendo «El tiempu (El Comercio)» →

Esperamos cielos bien nublos con bastios xeneralizaos que van ser más abondosos mientres la mañana. La zona central y oriental van ser les más afectaes pero tamién s’esperen agües nel occidente. La cota de nieve va empezar sobro los 900 metros y va dir xubiendo hasta los 1100 metros nes hores centrales, pudiendo baxar a los 1000 a la fin de la xornada cuando les precipitaciones van ser muncho menos probables y, inclusive, inesistentes. Les temperatures máximes apenes van variar al respective de les anotaes el sábadu. Les mínimes van caltener nel occidente y van xubir nel restu del Principáu, especialmente na zona central asturiana. Los vientos van soplar de componente norte con raches moderaes.

Sigue leyendo «El tiempu (El Comercio)» →

Un poderosu chorru polar intensu y onduláu va dexar a gran parte d’España en parte fría», trayendo socesives umbaes, frentes, vientu, mala mar y precipitaciones, dalgunes en forma de nieve. Esta situación podría dexar nieve nel norte del Sahara y un fuerte temporal mediterráneu.

Sigue leyendo «Tiempu n’España» →

Vamos tar afectaos pel radiu d’acción d’una umbada alcontrada nes Isles Britániques y que se va dir averando a lo llargo de la fin de selmana. Comoquier, en llínees xenerales yá podemos adelantrar que nun nos espera una recta final de selmana especialmente inestable. Ello ye que esti vienres ye probable que sía’l día que más precipitaciones se rexistren y asina tou van ser débiles. Estes agües van entrar pel oeste y van movese escontra l’oriente conforme vaiga avanzando la xornada. La cota de nieve va rondar los 900 metros aprosimao polo que nun se refuguen nevaes de calter débil en zones de monte. Los vientos van ser fluexos polo xeneral y les temperatures van baxar bien llixeramente nel casu de les máximes (1 o 2 ºC a lo sumo), y de forma daqué más significativa nel casu de les mínimes (hasta 4 ºC menos qu’esti xueves). Tocantes a la mar, vamos tar mientres tol día n’avisu mariellu por foles d’hasta 4 o 5 metros d’altor.

Sigue leyendo «El tiempu (El Comercio)» →

Esperamos una xornada marcada polos vientos de componente sur. Mientres la mañana y les hores centrales del día preven vientos moderaos con intervalos fuertes o bien fuertes en zones altes del occidente y tamién del cordal. A lo llargo de la tarde, y sobremanera al anochecer, los vientos van dir claramente abocanando. L’Axencia Estatal de Meteoroloxía va tener activáu hasta les 18:00 hores l’avisu nel cordal por raches d’hasta 90 km/h en cotes altes de dichu sector. Igualmente, va destacar el vientu na mar. A partir de les 17:00 hores de la tarde na mariña occidental y a partir de les 18:00 hores na oriental, va activase l’avisu mariellu por fuertes vientos (fuerza 7) y foles que podríen algamar los 5 metros d’altor. Sigue leyendo «El tiempu (El Comercio)» →

Los meteorólogos ponen el focu na cicloxénesis del xueves: vientu de 100 km/h y agües nestes zones d’España.

Sigue leyendo «El xueves, una cicloxénesis» →

Esperamos una xornada estable en llínees xenerales. Vamos amanecer con cierta nubosidad pero rápido van abrise grandes claros. El sol va cobrar protagonismu a lo llargo de la mañana. A partir del mediudía van entrar nubes medies pel oeste que se van dir moviendo escontra l’oriente pero ensin llegar a cubrir los cielos por completu. Estes nubes van dexar precipitaciones en nengún momentu del día. Los vientos van ser fluexos, anque mientres la segunda parte del día prevense raches moderaes de componente oeste na mariña. Les temperatures máximes van baxar hasta 3 o 4 ºC menos que’l martes, salvu nel cordal y nel terciu oriental onde apenes van variar. Les mínimes, sicasí, van baxar nel centru y nel oriente, ente que nel sector occidental van ser bien similares.

Sigue leyendo «El tiempu (El Comercio)» →