Categoría: Gramática

Nuna oración afirmativa, el pronome suel dir tres del verbu. Cola negación «nun», va delantre: Nun-y regaló un xuguete.

¿Acertasti’l mini retu? La respuesta ye la B.

¿Por qué escribimos «n’Asturies», pero «nel horru»?

• Por norma xeneral, «en» escríbese n’ delantre d’una pallabra qu’entama per vocal o h- cuando nun hai artículu: n’Asturies · n’Uviéu · n’honor
• Cuando «en» va delantre d’un artículu, forma una contraición: en + el → nel  /  en + la → na  / en + lo → no  / en + los → nos  / en + les → nes
• La contraición tien preferencia sobre l’apóstrofu. Por eso escribimos «nel horru» y «na escuela», non «en l’horru» nin «en l’escuela».
• Hai una esceición importante: si l’artículu forma parte d’un topónimu, nun se fai la contraición. Asina, escribimos «en L’Entregu», non «nel Entregu».

• Nuna afirmativa básica, el pronome átonu va detrás del verbu: «prestóme».
• Cola negación «nun», va delantre: «nun me prestó».
• «Haber + participiu» sí existe, pero con otru valor: espresa qu’una aición pudo producise si se cumplieren delles circunstancies. Úsase davezu col auxiliar n’infinitivu o n’imperfeutu de suxuntivu y con entonación esclamativa. Exemplu: ¡Habémelo dicho! = ¡Dixérasmelo!
• #Asturianu #LlinguaAsturiana #GramáticaAsturiana #DeprendeAsturianu #AsturianWords

N’asturianu, los nomes non cuntables designen materies o realidaes que nun se presenten como unidaes: lleche, ropa, lleña, agua, fariña… Cuando’l nome s’usa como non cuntable y l’axetivu va detrás o funciona como atributu, la concordancia ye neutra: La lleche ta frío. /Dexó la ropa tendío pela mañana./Echa lleña seco al fueu.

Sigue leyendo «El neutro de materia» →