- Fonte: Fusión Asturias / Marta M.
Semeya: Darío Cavero
“La música nun entiende
del color de piel nin d’ideoloxíes”
Tres un viaxe personal transitando emociones y mestizajes, Nerea Mafarki publicó de manera independiente’l so primer álbum. Kelintupuah ye un viaxe alredor del mundu al traviés de los soníos y les cultures de cada llugar. Parsi, español, árabe, quechua, armeniu, asturianu, inglés, hebréu, bengalí, urdu, exipciu antiguu, griegu y wolof. Los trelce cantares que dan forma a esti trabayu, son un homenaxe a la vida tal que ella entiende.
Diz que nun recuerda un momentu esactu nel que decidiera dedicase a la música. Ye como si fueren una mesma cosa desque nació. Nerea sonri ensin parar. Tresmite a la perfección l’allegría d’eses persones qu’atoparon el so camín y percuerre colos güeyos y el corazón bien abiertos porque nun quier perdese nada. Trabayó enforma para llegar hasta onde ta agora y, anque reconoz qu’hai vegaes que la so parte insegura toma les riendes, atopó en Bruno Travi, músicu, productor y compositor peruanu, un alma ximielga que-y da tranquilidá y col que s’entiende a la perfección a la de crear, componer o grabar los vídeos de los cantares.
Nerea sonri ensin parar. Tresmite a la perfección l’allegría d’eses persones qu’atoparon el so camín y percuerreorrer colos güeyos y el corazón bien abiertos porque nun quier perdese nada.
«Suaños» combina soníos celtes y armenios. El vídeu foi grabáu en llugares máxicos d’Asturies, para espresar el sentimientu oníricu del cantar, y la conexón colos nuesos raigaños más fondos
“Toos les mios alcordances de pequeña xiren en redol a querer dedicame a la música, pero d’una manera supernatural. Casi como si obligárame la vida”
“La música llevóme a conectar coles persones. Y, gracies a faelo, ayudóme a conoceme más. Sobremanera, pásame cola xente que ye más distinta a mi, les que tienen distintes costumes”
