Hai más de cien años que n’Oubona, conceyu de Tinéu, tamién salíen los guilandeiros.
─ Un galán y una dama que baillaben y cantaben.
─ Dos chubasqueiros (un par de mozos con escobes).
─ Un soldáu qu’andaba tol tiempu vixilando.
─ Un mélicu que curaba al que carecía dalguna andancia.
─ Un ciegu col so criáu (el ciegu pidimiaba, el criáu guardaba les perres).
─ Un moñecu que simbolizaba a un nácaru al qu’aventaben pelos aires.
─ Un paisanu qu’acarretaba una vexiga cola qu’endilgaba vexigazos a la xente.
Daquella nun había Interné nin televisión nin móviles, pero desendolcaben la imaxinación. Arriendes, nun yeren tan señoritos como agora y miraben más pola nuesa tierra, los nuesos vezos, la nuesa llingua y la nuesa cultura en xeneral.
