IXUXÚ ツ Isa

• Por causa de la presencia nel norte peninsular de baxes presiones acomuñaes a una masa d’aire frío n’altor, esperamos una fin de selmana inestable n’Asturies.
• El sábadu pela mañana prevense escamplaes nel cielu y una probabilidá bien baxa de precipitaciones. Pero, a partir del mediudía, van aumentar les nubes que van acabar dexando bastios que podríen acabar siendo d’orixe tormentosu y, inclusive, acompañaos de xarazo mientres la tarde.
• Ello ye que l’Axencia Estatal de Meteoroloxía va activar a partir del mediudía l’avisu mariellu por fuertes precipitaciones tanto nel cordal como nel suroccidente. En dichu avisu especifica la posibilidá de rexistrar hasta 15 llitros per metro cuadráu nuna hora. Esti avisu va concluyir a les 20:00 hores de la tarde.
• Los vientos van ser fluexos polo xeneral.
• Les temperatures máximes van xubir nel oriente (sobremanera nel interior) y van caltenese escontra l’occidente. Les mínimes, sicasí, van baxar llixeramente en tola rexón.

Sigue leyendo «Tiempu n’Asturies (El Comercio)» →

• Esperamos una xornada na que los bastios van tener ciertu protagonismu mientres el día. Van ser muncho más frecuentes nel cordal y gran parte de la metá sur asturiana, pero nun se refuga que localmente puedan llegar a afectar a otros puntos de la rexón. Estos bastios podríen venir acompañaos de nube y, inclusive, de xarazo.
• Los vientos van ser fluexos y variables de primeres, afitándose de nordeste a lo llargo del día, sobremanera na mariña onde van poder soplar con intensidá moderada.
• Les temperatures máximes van baxar (hasta 2 o 3 ºC) en tol interior asturianu y van caltenese ensin cambeos na mariña.
• La cota de nieve va asitiar nos cumes más altos del Principáu (percima de los 2100 o 2200 metros).

Sigue leyendo «Tiempu n’Asturies (El Comercio)» →

Vamos amanecer con cielos pocu nublos o inclusive estenos, salvu en zones onde podríen dase delles borrines mañaneres. Pero, a lo llargo de la mañana, vamos reparar como la nubosidá va dir n’aumentu hasta cubrir prácticamente tol Principáu. Estes nubes van dexar pela tarde bastios nel cordal y otres zones de la metá sur principalmente. Los vientos van ser fluexos y variables de primeres, pero van afitar de nordeste mientres la mañana con posibles raches moderaes siquier na mariña. Les temperatures máximes nun van esperimentar cambeos importantes respectu al miércoles, ente que les mínimes van xubir llixeramente en tola rexón.

Sigue leyendo «Tiempu n’Asturies (El Comercio)» →

• Esperamos una xornada soleyera pela mañana en prácticamente tol Principáu d’Asturies.
• A lo llargo de la tarde va apaecer nubosidá d’evolución nel cordal que, anque nun va llegar a afectar a tola rexón, sí siquier va estendese pola metá sur asturiana. Estes nubes, anque va ser difícil, nun se refuga que puedan dexar dalguna precipitación débil y aisllao (especialmente nel cordal).
• Los vientos van ser fluexos nel interior, y moderaos de nordeste na mariña pudiendo algamar los 50 km/h.
• Les temperatures máximes van xubir ente 2 y 3 ºC de forma xeneralizada, anque nun se refuga que puedan xubir daqué más nel cordal oriental y l’estremu más occidental. Les mínimes van sufrir descensos llixeros y locales.

Sigue leyendo «Tiempu n’Asturies (El Comercio)» →

Esperamos una xornada nubosa con precipitaciones que van ser más probables y frecuentes mientres la mañana. A lo llargo de la tarde la inestabilidá va unviar y, amás, dirán abriéndose grandes claros empezando pola mariña y, finalmente, tamién nel interior. La cota de nieve va rondar los 1000/1100 metros a primeres hores de la mañana, xubiendo hasta los 1400 o 1500 metros col intre de les hores. Los vientos van predominar de nordeste con raches moderaes, sobremanera mientres la segunda parte del día. Les temperatures van baxar, tanto nel casu de les mínimes como nel de les máximes, de forma xeneralizada y llixera (hasta 1 o 2 ºC menos que’l llunes).

Sigue leyendo «Tiempu n’Asturies (El Comercio)» →

Empezamos la selmana cola irrupción d’una masa d’aire frío que se va dir enfusando n’Asturies a midida que meyora’l día. Los cielos van tar bien nublos con precipitaciones de calter débil pero xeneralizaes que, prácticamente, van tar presentes mientres tol llunes.

Estes precipitaciones van ser en forma de nieve cada vez en cotes más baxes. La cota de nieve va empezar sobro los 1800 o 1900 metros hasta’l mediudía. A media tarde yá va tar asitiada en redol a los 1500 o 1600 metros y, finamente, va nevar a partir de los 1200 metros a la fin del día.

Les temperatures, evidentemente, van baxar en tol Principáu. Tantu les mínimes como les máximes van ser más baxes que les del domingu. Los vientos van tar afitaos de norte-nordeste con raches moderaes preferentemente na mariña.

Sigue leyendo «Tiempu n’Asturies (El Comercio)» →

• Vamos concluyir la selmana con una xornada marcada tantu pola posibilidá de bastios como pol descensu de les temperatures máximes. Con éses prevense cielos nublos con bastios que, anque van afectar especialmente a la metá sur asturiana, nun se refuga que s’estiendan a otres zones de forma puntual. Estos bastios van poder venir acompañaos de nube y, inclusive, nun se refuga la posibilidá de xarazo. Los vientos van afitase de norte. Les temperatures van baxar nel casu de les máximes ente 2 y 3 ºC na mayoría de poblaciones asturianes. Les mínimes nun van esperimentar cambeos al respective de les anotaes el sábadu.

Sigue leyendo «Tiempu n’Asturies (El Comercio)» →