Siguimos trabayando cola pareya de tarabillas que tengo nuna cortil al llau de casa. Ye una gociada veles interactuar cuando te ven a cincuenta metros inclusive más. Aína te reciben casi casi colos brazos abiertos esperando’l pagu polos posaos.
Camudamos los posaderu para variar y a partir de güei tamién apurrimos zopobas que son más grandes y gordines y apurren más. A too esto xuniósenos al combite un machu de colirrojo carbonizu que tamién quier parte de la xinta. Eso si, la parcela ye territoriu d’elles y nun dexen intrusos, asina que nun me queda más remediu que dixebrar unos venticinco metros los posaderos para’l colirrojo.
De xemes en cuando dalgún gorrión común posa en precioses perchas o una llavandera blanca disponer a dar bona cuenta d’un bon mosquitu. Son momentos para esfrutar, pos dacuando dexes la cámara nel suelu y tan solo esfrutes viéndoles posar nos sos perchas.
