Los alumnos del colexu Montevil doblen los sos esfuerzos para consiguir un nuevu parque en Xixón: «Sería un suañu tresformar la ciudá dende l’aula». Los mozos estudiantes atropen yá unes 2.000 firmes de sofitu al so «Parque polos Derechos de la Infancia». Galería semeyes / LNE
Nel colexu *Montevil la ilusión ta peles nubes. L’enfotu que ta poniendo por que’l so «Parque polos Derechos de la Infancia faiga realidá ye ponderatible. Una iniciativa nacida en clase, diseñada pol alumnáu, y convertida en propuesta urbana. Cuenta, amás, col sofitu del Conceyu. Nel cole fueron un pasu más allá col impulsu d’una recoyida de firmes. Yá van alredor de 2.000 ente papel y les llograes nuna plataforma d’internet. «Somos optimistes; ye’l suañu de cualquier maestru tresformar la curiái dende un aula», afirma Miguel Álvarez, profesor y coordinador del proyectu.
La propuesta empezó a trabayase fai yá más d’un añu. L’oxetivu, virar del «prohibíu xugar» a un espaciu llibre, d’ociu, que simbolizara creatividá y participación infantil. «Lo más interesante ye qu’ellos (los alumnos) pensaron dende’l principiu que’l parque tenía de ser inclusivu», aprofia Miguel Álvarez.
N’ese sentíu, el Grupu Social ONCE ufiertó nel centru un taller de cara a que’l parque tamién sía accesible para les persones con discapacidá visual. El Montevil plantega dos allugamientos: Los Periconos o’l Solarón. Habría un mariposario, un güertu urbanu, una tirolina, rocódromo, zones de dibuxu, pistes de fútbol y patinaxe, xingadorios y ramples accesibles o un Monte polos Derechos de la Infancia», onde se llantaríen y apadrinaríen árboles.
El proyectu tuvo una presentación en payares, a la qu’allegó Carlos Llaca, director de Mocedá y Proyectos Educativos. Fai un par de meses tamién conoció de primera esquito la iniciativa l’Alcaldesa, Carmen Moriyón. Agora espérase que pol colexu se pase Gilberto Villoria, conceyal d’Infraestructures, para saber los detalles d’un plan ambiciosu cuantimenos. «Rebautizamos la campaña como ‘Xixón, capital de la Infancia’; sería una situación única na qu’unos neños, a partir d’una frustración, propongan un parque y lléguese a faer», comenta Miguel Álvarez.
