Carolina Marín nun deporte casi desconocíu n’España hasta que llegó la onubense. Dende bien nuevo demostró tener un calter embravecíu y un bien potente remate. Carolina énte los Premios Princesa d’Asturies: «Ye un galardón suañáu», «Quiero escaeceme un pocu del bádminton, dame’l tiempu que precise», dixo la deportista. Fonte: El Comercio /
Un deporte surdíu a finales del sieglu XIX na India mientres la dómina del dominiu británicu nel país y que tuvo históricamente apoderáu polos asiáticos (chinos, indonesios, malayos…) hasta qu’una moza d’Huelva llamada Carolina Marín aprució aparentemente de la nada para convertise, al mio pensar, na meyor xugadora de la so hestoria. El bádminton ta de moda n’España y nel Principáu, bien especialmente desque se dio a conocer que Marín va ser estremada col Premiu Princesa d’Asturies de los Deportes.
Pero, ¿cuálos son los secretos d’un xuegu casi desconocíu para la mayoría hasta qu’espuntó la onubense?
Empecemos polo elemental: el bádminton ye un deporte de raqueta que se xuega con un volante nel que se puntúa cuando esta toca’l suelu o’l cuerpu del adversariu, o bien detenela na rede o se llanza fora de la pista. Nel bádminton, a diferencia d’en el tenis o nel pádel, ta bien estendida la modalidá de dobles mistu nel circuitu profesional, lo que lo convierte nun deporte con un altu grau de igualitarismu, por enforma qu’entá quede un llargu camín por percorrer n’ese sentíu, como asocede en tolos ámbitos de la sociedá.
Como si d’una profecía tratárase, el bádminton foi olímpicu per primer vegada en Barcelona 92, quién sabe si anunciando’l gran fenómenu que taba por venir, la verdadera culpable del boom del nuesu deporte n’España: Carolina Marín.
Lo que más destacó siempres nel so xuegu ye la so gran competitividá na pista, amosando’l calter embravecíu que-y dexaría empezar non solo a ganar munchos partíos, sinón a empezar una bien esixente rutina d’entrenamientu que bien poca xente podría soportar.
Tricampeona del mundu y ocho vegaes campeona d’Europa, entá emocionada pol ciñu de la xente tres el so doliosu final en París. «Traxi otra medaya, tol ciñu, la empatía de la xente».
