L’abeya foi un recursu bien pervalible dende tiempos prehistóricos, el miel que producíen foi unu de los primeros dulces que probó l’home. La cera utilizóse dende les primeres civilizaciones para faer veles y rellumar na escuridá nes cueves; tamién la usaron para teles impermiabilizaes. Les abeyes y los sos sitios d’anidamiento fueron una ayalga nesti mundu para caúna de les civilizaciones que les habitaron.
La humanidá foi inspirada por ellos a lo llargo de la hestoria, y poro, a midida que les primeres monedes empezaron a acuñase, l’abeya apaeció encuallada nelles como un símbolu de trabayu y unidá, a lo llargo del tiempu en distintos cultures.
Cuando les primeres monedes empezaron a acuñase, a principios del sieglu VI a. C., les abeyes fueron unu de los primeros símbolos n’apaecer n’unu de les sos cares. Los griegos fueron unu de los primeres n’usar l’abeya en monedes, tamién fixeron monedes representando animales simbólicos de la so ciudá o estáu. Atopáronse monedes na antigua ciudá d’Éfeso, acuñaes ente 600 y 550 AC.
Éfeso ye xuna ciudá onde usaron mientres muncho tiempu’l símbolu de l’abeya nes sos monedes, dende’l tetradracma hasta pequenes monedes de bronce. L’abeya foi acomuñada con Éfeso por munches razones. Según l’escritor Filostratos, los atenienses que vinieron colonizar a Xonia, onde ta Éfeso, fueron dirixíos poles muses, que tomaron la forma d’abeyes.
Les sacerdotises d’Artemis fueron llamaes melissai o «abeyes» de la diosa (Inschriften von Ephesus 2109), y fueron dirixíes por abeyes reis» (esenes), sacerdotes que sirvieron mientres un añu baxu estrictes riegles de pureza (Pausania 8.13.1). . ; los antiguos griegos y romanos nun se dieron cuenta de que’l líder d’un truébanu yera xuna reina, non un rei.
