Publicado en Día de...

Día Mundial del Árbol

Un día ye pocu para tolo que nos apurren los árboles:
🌬️ Apurren osíxenu.
💨 Absuerben CO2.
🌡️ Reguñen el clima.
🦉 Xeneren biodiversidá.
🏖️ Dan solombra.
🙌 Ameyoren la calidá de vida.

Fonte: Fundación Diversidad
Fonte: Ecoosfera

“Quien aprendió a escuchar a los árboles, yá nun deseya ser un árbol. Nun deseya ser más que lo que ye”.

Hermann Hesse

Hermann Hesse foi realmente un xeniu transhistórico: la so obra prescinde de too espaciu y tiempu concretu; la sensibilidá que caracteriza a la so prosa ye vixente en tou momentu y llugar. Asina tamién lo ye’l so tributu lliterariu a la naturaleza, específicamente a los árboles: esos milenarios habitantes del planeta.

La prosa arbórea d’esti lúcido escritor alemán ye esencialmente revitalizadora. Recuérdanos la importancia d’activar los nuesos sentíos para volver sentir a la naturaleza. Porque para Hesse la naturaleza tenía que ser dafechu captada polos nuesos sentíos. Almirala puede faenos recuperar esos pequenos placeres que la vida moderna fíxonos dexar de llau. Pero más allá de prestar, la naturaleza ye tamién una fonte perenal de sabiduría. Y para Hesse, los árboles constitúin los grandes santuarios de los ecosistemes:

Nes sos copes –escribe Hesse nel so ensayu El caminante– bisbisen el mundu, los sos raigaños fuelguen no infinito, pero nun se pierden nél, sinón qu’escuerren con tola fuerza de la so esistencia una sola cosa: cumplir la so propia llei, que mora nellos, desenvolver la so propia forma, representase a sí mesmos.

Los raigaños, les marques singulares, el tactu de la madera, son toos una cartografía implícita nos árboles, que nárranos la hestoria del mundu:

 Nos cercos y deformaciones tán descritos con facilidad todo el so sufrimientu, tola llucha, toles enfermedaes, tola felicidá y prosperidá, los años frondosos, los ataques superaos y les nubes sobrevivíes.

Para Hermann Hesse había, por ello, qu’escuchar a los árboles. Entablar un diálogu de serenidá con estos sabios guardianes del equilibriu terrestre:

Quien sabe falar con ellos, quien sabe escucha-yos, apriende la verdá. Nun pedriquen doctrines y recetes; pedriquen indiferentes al detalle, la llei primitiva de la vida.


Finalmente, según Hesse, quien apriende de los árboles yá nun deseya ser un árbol. Entiende qu’a cencielles se ye lo que se ye. Qu’el nuesu cuerpu –o tueru– ye una morada sagrada:

Cuando aprendemos a escuchar a los árboles, la brevedá, rapidez y apuramientu infantil de los nuesos pensamientos adquieren una allegría ensin precedentes. […] Ese ye’l llar. Eso ye la felicidá.

Esti tributu a los árboles que Hesse ellabora con plena cencellez y entrega engarza fondamente coles creencies de milenaries tradiciones, ente les cualos atópase’l taoísmu.

Na tradición taoísta los árboles son vistos como fonte de vibraciones enerxétiques benéfiques, que nos son tresmitíes al traviés de los sentíos. Tocar o abrazar a los árboles ye por eso vital na práctica tau: un leve contactu con ellos tresmítenos los atributos de la enerxía solar, de la tierra y l’aire. Por eso’l taoísmu catalogaba inclusive’l tipu de chi que cada árbol puede prodiganos.

Lo que nós te podemos encamentar dafechu ye que sigas el conseyu de Hesse y escuches a los árboles. Ellos van dicite que aquietes el pensamientu, van aprovite de serenidá y van recordate que más allá de los murios de concretu o de les pantalles dixitales esiste un mundu natural que puedes esperimentar con tolos sentíos.

Los árboles van ayudate, asina, a echar raigaños no que de verdá importa.

Autor:

Maestra de Llingua Asturiana Colexu Carmen Ruiz-Tilve - Uviéu