Publicado en NATURA

Los hongos fueron, muncho primero que los árboles, los primeres pobladores xigantes del mundu.

 La Tierra tuvo poblada por hongos xigantes (y eso formó al mundu como lu conocemos).

Los hongos son un vibrante reinu natural que nos sigue intrigando. Sabemos que con ellos podemos curanos, alimentanos y hasta salvar a les abeyes de la estinción. Y tamién que dalgunos son venenosos –inclusive mortales–,  ente qu’otros abren compuertes desconocíes de la nuesa psique. Pero tan solo en México esisten más de 100,000 tipos d’hongos, de los cualos namá fueron estudiaos 3,000.

Esto quier dicir qu’entá desconocemos bien de de los hongos: esos seres que’l profesor Gerry Wright llama “químicos notables”, yá que producen molécules qu’inda nun ye posible reproducir nun llaboratoriu.

Sicasí, tamién sabemos otra cosa: que los hongos fueron una de les primeres formes complexes de vida.

Fai aprosimao 400 millones d’años, la Tierra tuvo poblada por hongos xigantes que midíen hasta 9 metros d’altu. Estos hongos prehistóricos, como los d’anguaño, tamién estrayíen los nutrientes de la tierra, lo que favoreció la formación del suelu. D’esta forma tamién apurrieron minerales esenciales pa les plantes terrestres, que dexaron a éstes espandise y volver verde al planeta.
Esto foi esencial pa la evolución… pero se trata d’un afayu sobro’l qu’entá se sabe bien poco.

El primer fósil d’hongu xigante, llamáu Prototaxites, foi afayáu en Canadá en 1859 –país onde, a éstes esiste una sinfonía multicolor d’hongos reinales–. Pero entós daquella, los paleontólogos nun pudieron descifrar l’anatomía del estrañu fósil en forma d’escayu. Foi asina que, según la Universidá de Chicago, el misteriu sobro qué yera’l Prototaxites permaneció vixente mientres 130 años, tiempu mientres el cual la comunidá científica siguió aldericando si’l fósil yera realmente un hongu prehistóricu, un tipu d’árbol primixeniu o un alga.

Nun foi sinón hasta 2007 qu’un estudiu concluyó qu’el Prototaxites sí yera un hongu prehistóricu, yá que diversos estudios sobro nuevos fósiles ayudaron a concluyir qu’esta especie escareció de fotosíntesis y, contrariu a les plantes, absorbía’l so carbonu de fontes distintes a la de l’atmósfera. Sicasí, anque esti organismu foi catalogáu como parte del reinu fungi, el verdaderu hongu namá taba so tierra, en forma de filamentos.

¿De qué sirvía entós la estructura xigante del Prototaxites? Ese ye unu de los tantos misterios qu’inda falta esclariar. Delles hipótesis apunten a qu’el Prototaxites ye una especie d’híbridu d’hongu y liquenes; pero lo que ye seguro ye qu’estos ancestros de los hongos fueron esenciales na evolución, lo cual demuestra qu’ensin el reinu fungi nin siquier esistiríamos.

Asina, esto recuérdanos daqué que solemos escaecer: tou empieza y acaba colos hongos. Son ellos el ciclu primixeniu de la vida.

Imaxes: 1) Blender; 2) Edward Weston

Fonte: Ecoosfera

Autor:

Maestra de Llingua Asturiana Colexu Carmen Ruiz-Tilve - Uviéu