Publicado en Día de...

Güei van 120 años de la nacencia de Antoine de Saint-Exupéry, autor de “El Principito”

Cúmplense 120 años de la nacencia de Antoine de Saint-Exupéry, escritor y aviador. Nesti día, fai 120 años, Antoine de Saint-Exupéry nació en Lyon. L’autor y aviador francés ye meyor conocíu pol so llibru ‘El Principito‘, del cual vendiéronse más de 140 millones de copies dende la so publicación.

Anque Saint-Exupéry finó nun accidente aéreu a la edá de 44 años, la so hestoria sobro’l pequenu príncipe sigue siendo considerada un clásicu de la lliteratura infantil y ye el llibru más traducíu d’orixe francés. Ver videu. El llibru más lleíu, vendíu y traducíu nel mundu y nel que cuestiona la mirada condicionada que tienen los adultos sobro la vida y les relaciones humanes.

A pesar de que la so esistencia atayóse demasiáu llueu, en 44 años a Antoine de Saint-Exupéry (Lyon, 29 de xunu de 1900 – Mariña de Marsella, 31 de xunetu de 1944) avagó-y vivir delles vides.

Escritor, poeta, pilotu y reporteru, foi pioneru nos vuelos postales internacionales de Francia a Senegal y per América del Sur que quedaron afiguraos nes sos primeres noveles como L’aviador (1926), Corréu del Sur (1929) y Vuelu nocherniegu (1931).

A partir de 1932, el pilotu dedicose al periodismu y a les incursiones aérees. Publicó grandes reportaxes en Vietnam (1934), Moscú (1935) y España (1936), para faer la cobertoria de la guerra civil. Toos estos artículos ayudáronlu a cavilgar sobro la condición humana y resultaron nel llibru Tierra d’homes (1939), gracies al cual recibió’l gran premiu de novela de l’Academia Francesa.

En 1939 convirtiose en capitán del Exércitu del Aire francés antes de partir en 1940 a Nueva York, onde pretendía faer oyer la so voz por que los EE UU participaren na II Guerra Mundial. Ye mientres la so estancia nel país norteamericanu que’l francés escribió la so obra más famosa y popular: El Principito (1943).

Saint-Exupéry inspirose n’una de les sos esperiencies nel desiertu del Sáhara como puntu de partida d’esti llibru filosófico y poético con apariencia de cuentu infantil qu’ilustró él mesmu.

Pero güei, a 120 años de la so nacencia, y 76 años dempués de la so muerte, el mundu aplaude y reconoz el legáu deese home, de ñariz empicaxada qu’amaba tar nes nubes, porque foi él unu de los que llogró da-y a los neños el so xustu llugar, qu’intentó entender la condición humana, que s’opunxo siempres a la guerra porque la consideraba «una enfermedá, como’l tifus» y porque taba convencíu que «si queremos un mundu de paz y de xusticia hai que poner decididamente la intelixencia al serviciu del amor».

«Vivir ye nacer adulces (poco a poco). Sería demasiáu bon si pudiéramos pidir emprestaes almes preparaes».

 «Caminando en llínea recta nun puede llegar unu bien llueñe»

«Para ver claro basta con camudar la dirección de la mirada»

«Vivir ye nacer adulces (poco a poco). Sería demasiáu bon si pudiéramos pidir emprestaes almes preparaes».

Autor:

Maestra de Llingua Asturiana Colexu Carmen Ruiz-Tilve - Uviéu