«[…] Nuesa dómina, abruxada pola publicidá y esllumada poles redes sociales, convídanos a miranos ensin posa: acaldía, posamos énte’l móvil y compartimos col mundu más d’un millón d’autorretratos. Sicasí, mientres los milenios ciegos, antes de los reflexos, de la fotografía, de los vídeos, la mayoría de los seres humanos ignoraben l’aspeutu de la so propia cara y los rastros que gatuñaba l’aráu del tiempu.
Los nuesos antepasaos apenes podíen albidrase nun estanque, no fondero brillosu d’una olla metálica o n’un adico de cristal. Nun se conocíen, nun se víen. Nes casones de los poderosos, l’adulación de los pintores falagaba les sos vanidaes enguapeciendo les semeyes.
Agora, arrodiaos d’espeyos y cámares, cayemos na mesma tentación de falsiar la nuesa apariencia coles ferramientes d’un programa informáticu o los retoques d’una aplicación. La cruda realidá asústanos y disgústanos. Na marea veraniega de la obsesión polos cuerpos perfectos, fabricamos espeyismos —fuertes, espodaos, bellos—, quiciabes porque solo sabemos amar cuando somos irreconocibles […]».
Irene Vallejo / Artículo d’opinión del diariu El País
