Jane Goodall, etóloga: “Acaldía dexamos una buelga nel planeta. Tu decides si’l to impactu destrúi o tresforma”. La primatóloga más influyente del mundu repasa con David Broncano el so legáu científicu, la so relación íntima colos chimpancés y el so mensaxe urxente para les nueves xeneraciones. ‘La Revuelta’. Fonte: La Vanguardia
Goodall rompió barreres científiques reparando a los chimpancés como individuos con emociones, personalidá y ferramientes culturales.
Jane Goodall, la muyer que camudó para siempres la forma en qu’entendemos a los animales, visitó’l plató de La Revuelta.
- Roots & Shoots: web Raíces y brotes /
“Tenemos de usar el don
de les nueses vides
para faer d’esti mundu
un llugar meyor para toos y toes”
La conversación empezó con humor y con una clase improvisada de “idioma chimpancé”. Goodall enseñó a Broncano el saludu vocal col que se presenten estos primates. “Yo llámome Jane”, dixo, asonsañando’l so característicu soníu. “Agora tu”. Él inténtalo, ente rises, confesando qu’en realidá se-y da meyor asonsañar venaos en celu.
Darréu, Jane sosprendió al presentador con un regalu bien simbólicu: un peluche del primer chimpancé al que reparó usando ferramientes, David Greybeard. “Foi’l primeru que confió en mi”, recordó. El so afayu, revolucionariu pa la ciencia, desmontó la idea de que solo los humanos fabricaben ferramientes.
De Tanzania al corazón del mundu. Una vida selvaxe, un legáu fondu Goodall recordó cómo, ensin formación académica previa, viaxó en 1960 a África con dineru aforrao como camarera. “Yera una nuevu qu’amaba a los animales y quería escribir sobre ellos”, cuntó. Foi’l paleontólogu Louis Leakey quien confió na so intuición y unviola a reparar chimpancés selvaxes en Tanzania. Ellí, vivió y trabayó mientres más de 25 años.
Pero la so llegada a la Universidá de Cambridge pa doctorase nun foi fácil: “Dixéronme que lo fixera tou mal: que nun tenía de pone-yos nome, que nun podía dicir que tuvieren emociones nin personalidá. Pero’l mio perru yá m’enseñara qu’eso nun yera ciertu”. Según Goodall, cualquier persona que conviviera con un animal sabe que “nun somos los únicos seres con emociones, mente y calter”.
Los animales sienten, conecten y recuerden. Un abrazu que camudó la so vida La entrevista remató cola hestoria de Wounda, una chimpancé rescatada pola so fundación en Congo en siendo mancada por un disparu. “Bautizose asina porque en llingua local significa ‘en cantu de la muerte’”, esplicó. Wounda foi salvada pola veterinaria española Robeca Atencia y lliberada años dempués nuna isla protexida. “Nunca la había vistu antes. Pero, al salir del transportín, viome y abrazóme. Foi unu de los momentos más atanantes de la mio vida”.
Antes de despidise, Jane Goodall faló de Roots & Shoots, el so programa educativu presente en más de 75 países qu’arreya a neños y nuevos en proyectos medioambientales y sociales. “Acaldía de la nuesa vida dexamos una buelga nel planeta. Lo importante ye decidir qué tipu d’impactu queremos causar”, recordó.
