Los 10 meyores alumnos del programa ‘Ruta Dixital’, reconocíos nun actu n’Uviéu.
Más de 22.000 participantes d’ente 12 y 92 años beneficiáronse del programa ‘Ruta Dixital’, dirixíu a romper la fienda dixital nel mediu rural.
Por casu, Ángeles Menéndez, del conceyu de Valdés, fixo’l centenar de cursos qu’ufiertaba’l programa.
L’aula móvil de ‘Ruta Dixital’ percorrió 6.500 kilómetros p’averar la formación tecnolóxica per tol territoriu asturianu. Coles sos enseñances, los participantes pudieron aprender por casu a pidir una cita médica online, como a faer un podcast.
Dau’l so ésitu los sos xestores piden que siga. Y l’Executivu asturianu paez que recueye’l guante.
Un actu n’Uviéu sirvió pa reconocer a los sos 10 meyores alumnos y a los conceyos que más participantes tuvieron
