Citas

«El corazón ye lo último
que s’esprende de la tierra
y la memoria lo último
que s’esprende del corazón.»

Alejandro Dumas

Nunca dexes de suañar.

Freddy Krueger

“ bailla,
como si naide tuviera mirándote;

ama,
como si nunca te mancaren“
Mark Twain ❤️‍🔥

«Pasé la vida mirando
a los güeyos de la xente,
ye l’únicu llugar del cuerpu
onde seique inda esiste un alma.»
José Saramago

Lo más difícil del mundu
ye conocese a unu mesmu,
y lo más fácil
falar mal de los demás.

Tales de Mileto

«Hai qu’alzar les palabres,
non la voz.

Porque nun ye’l truenu,
ye l’agua la que caltien vivas
les fueyes.»

Atribuyíu a William Shakespeare,
el so autor sería Rumi

Toos tamos nel mesmu pozu,
pero dalgunos miramos les estrelles.

Óscar Wilde

La xenerosidá ye un don
que pertenez a l’alma.

Nun depende de lo que tienes,
sinón de lo que yes.

Alejandro Jodorowsky

«Gústame la xente
que ye brillosa per dientro
y ensin adornos nel esterior.»
Agostino Degas

«La llectura, los llibros, son el más estelante
principiu de llibertá y fraternidá…
Los llibros dannos más, y dannos otra cosa…

Una de les maravíes más estelantes
de la vida humana,
de la vida de la cultura, constituyi
esa posibilidá de vivir otros mundos,
de sentir otros sentimientos,
de pensar otros pensares…

Los llibros son puertes
que naide podría cerranos enxamás,
a pesar de toles censures».

Necesidá de la lliteratura, Emilio Lledó..

Nun somos lo qu’atropamos,
sinón lo que dexamos nos demás.

Cada xestu, cada palabra,
cada actu d’entrega
vuélvese parte del mundu…
inclusive cuando yá nun tamos.
“Cada unu ye responsable
de toos énte toos.”

Les nueses acciones nun muerren;
tresformense na vida d’otros.
Somos eternos
no que fuimos capaces de dar.

Marguerite Yourcenar

Nel silenciu podemos escuchar al nuesu corazón y siguilo ….

«Nun dexes que’l ruiu
de les opiniones de los otros
apague la to voz interior»

Steve Jobs

«Trunfar na vida
nun ye llegar a dalgún llau.

Ye volver empezar
cada vez que la vida
danos un golpe.»
Pepe Mujica

Lo más guapo de la guapura humana
ye que daquién a la primer vista
non te llame demasiáu l’atención
y que, al conocela, escuchala,
golela, tocala,
te paeza la más bella del mundu.

William Sakespeare

«El llibru sirve para tar nel mundu
y para dise del mundu,
para recordar la mesma vida
y para escaecese d’ella,
para asomarse a les coses, tal como son,
y para veles como nun fueron nunca».

Antonio Muñoz Molina

«Los llibros son los amigos
más silenciosos y constantes;
los conseyeros más accesibles y sabios
y los maestros más pacientes».

Charres W. Eliot

Ser formosu significa ser tu mesmu.
Nun precises ser aceptáu por otros.
Precises aceptate a tí mesmu.

Thich Nhat Hanh

«La verdá ye como’l sol.
Fae ver tou
y nun se dexa mirar.»
Víctor Hugo

L’autoestima nun se constrúi
con fiestes y ropa guapo,
sinón nos momentos difíciles
de la vida.

Paolo Crepet

La simplicidá ye
la máxima sofisticación.

Leonardo Da Vinci

«El budismu enseña
que l’allegría y la felicidá
surden de dexar dir.
Por favor, siéntate y fai un inventariu
de la to vida.

Hai coses de les que tuvisti colgáu
qu’en realidá nun son útiles
y te quiten de la to llibertá.
Atopa’l valor para dexales dir «.

Thich Nhat Hanh

Tou foi descubiertu,
sacante cómo vivir.

Jean-Paul Sartre

«Vivir nun ye namá esistir,
sinón esistir y crear,
saber gociar y sufrir
y nun dormir ensin suañar.»
Gregorio Marañón

«Siempres hai flores
para aquel que deseya veles.»
Henry Matisse

«Nun quiero qu’aceptes el mundu
tal como ye.

Quiero que lo inventes.
Quiero que tengas esi talentu.
Crear la to propia realidá.»
“Asfixia” / Chuck Palahniuk

«La maniática xera
de construyir eternidaes
con elementos fechos
de fugacidá, tránsitu y olvidu.»
Juan Carlos Onetti

«El llume asocede
cuando la fola entiende
qu’ella ye l’océanu».
Thich Nhat Hanh

Retírate dientro de ti mesmu,
sobremanera
cuando precises compañía.

Epicuro

Lleemos llibros
pa descubir quiénes somos.

Lo qu’otres persones,
reales o imaxinaries,
faen y piensen y sienten…
ye una guía esencial
pala nuesa comprensión
de lo que somos
y podemos ser.

Ursula K. Le Guin

«Forníu colos sos cinco sentíos,
l’home esquiza l’universu
que lu arrodia
y a les sos aventures
llama ciencia «.

Edwin Hubble

Educar nun ye crear comodidá eterna,
ye enseñar a xestionar el fracasu,
el riesgu y los retos de la vida real.

Gregorio Luri (Ver)

«El mundu ye abondo grande
para satisfaer les necesidaes de toos,
pero siempres va ser demasiáu pequeñu
para satisfaer l’avaricia de dellos».

Mahatma Gandhi

Calten bones compañíes,
llee bonos llibros,
ama les coses bones
y cultiva l’alma
tan fielmente como puedas.

Louisa May Alcott

«Antes d’aldericar, alienda;
antes de falar, escucha;
antes d’escribir, piensa;
antes de mancar, siente;
antes de rindite, intenta;
antes de morrer, vive»

William Shakespeare

«Cada llibru, cada tomu que ves,
tien alma.
L’alma quien la escribió,
y l’alma de quienes lo lleeron,
vieron y suañaron con elli. «
Carlos Ruiz Zafón

Mire, aliende, sienta’l vientu,
o’l calor, o la brisa,
prediga que va llover.

Y, sobremanera, escuche:
nun hai soníu
más reconfortante y más ignoráu
qu’el de la vida cotidiana.

Julio Cortázar

«Siempres hai flores
para aquellos que
deseyen veles.»

Henri Matisse

“Los nuesos tiempos
son tiempos de mediocridá,
de falta de sentimientos,
de pasión pola ignorancia,
de galbana,
de la incapacidá de mano
a faer daqué
y el deséu de tener
tou yá fechu”.
Fiódor Dostoievski

«Nun s’enseña
lo que s’ignora,
como nun se da
lo que nun se tien».
Platón

«La nuesa vida
tien de ser
el nuesu mensaxe.»
Thich Hanh Naht

Les palabres nunca algamen
cuando lo qu’hai que dicir
desborda l’alma.
Julio Cortázar

“Date tiempu.
pa curiar de ti mesmu
pa faer les coses qu’ames
pa tar cola xente qu’ames.

Date tiempu.
pa tar solu
y escuchar el silenciu
p’esfrutar
de la guapura de la naturaleza
pa perdete nos paisaxes
de la to alma.

Date tiempu pa xugar.
Ye hora d’amar,
tiempu pa suañar,
tiempu de vida.

Y nunca escaezas que nun
hai persona más rica
que la que tien tiempu”.

Antonio Curnetta

«Agora nun ye’l momentu
de pensar no que nun tienes.
Piensa no que puedes faer
colo qu’hai.»
Ernest Hemingway

«Siempres ye precisu saber cuándo s’acaba una etapa de la vida. Si aportunes en permanecer nella más allá del tiempu necesariu, pierdes l’allegría y el sentíu del restu. Cerrando círculos, o cerrando puertes, o cerrando capítulos, como quieras llamalo.

Lo importante ye poder cerralos, y dexar dir momentos de la vida que se van clausurando.

Nun podemos tar nel presente añorando el pasáu. Nin siquier preguntar por qué. Lo qu’asocedió, asocedió, y hai que soltalo, hai qu’esprendese. Nun podemos ser neños eternos, nin adolescentes tardíos, nin emplegaos d’empreses inesistentes, nin tener venceyos con quien nun quier tar venceyáu a nós.

¡Los fechos pasen y hai que dexalos dir!»

Paulo Coelho

«La vida ye un viaxe
y si te namores del viaxe,
vas tar namoráu para siempres».

Peter Hagerty

Saleamos como barcos de papel ente isles d’emociones en busca de paraísos perdíos. Buscando dalgún puertu onde atracar. Ensin mieu a les envernaes, escorriendo sorrises al vientu, dexando tras llárimes caducaes. Esperando atopar esi faru que cola so lluz empónganos a la mariña, allá onde los pirates nun esisten, nin el fríu, nin la escuridá.

Pequenos barquinos que mueve la marea de la vida, esos qu’envidien a los grandes veleros. Y ye qu’asina ye… lluchamos por consiguir abelugu seguru, un llugar onde les foles bisbisen al escuchu, onde s’escucha xuna duce melodía, onde dos s’atopen.

Victoria Martínez

«Cada cosa qu’ames,
ye bien probable que la pierdas,
pero a la fin,
l’amor va volver
d’una forma distinta.»
Franz Kafka

«Aprender ye lo únicu
que la mente nunca escosa,
nunca tarrez
y nunca se pena.»
Leonardo da  Vinci

«Hai dos miraes:
La mirada del cuerpu
puede escaecer dacuando,
pero la de l’alma recuerda siempres».
Alejandro Dumas

Lo importante nun ye
caltenese vivu
sinón caltenese humanu.
💚🐦
George Orwell..

«La vida tien valor
siempres que se valore
la vida de los otros,
al traviés del amor, l’amistá,
la indignación y la compasión».
Simone de Beauvoir

“Toles esperiencies que viví enseñáronme
qu’hai que valorar al individuu, a la persona
que desenvuelve y caltien
la so propia manera de pensar,
que llanta cara a la mentalidá de grupu,
a les presiones grupales.

O que s’avien hasta onde xulga necesariu
a tales presiones,
pero nel so fueru internu caltien un pensamientu
y un desenvolvimientu individuales […]

Caltener una opinión individual disidente,
siendo miembru del grupu,
ye la cosa más difícil del mundu.”
Doris Lessing

«Toos tendríamos de disponer
de daquién con quien poder falar
francamente.

Por munchu valor que se tenga,
unu siéntese cada vez más solu».
Ernest Hemingway

«Quería neña, queríu neñu:
Que les tos mañanes güelan
a torta acabante enfornar.

Que los tos pies namá tean desnudos
pa triar la campera o’l sable nel branu.
Que la escuela que te reciba sía alcontradiza,
con llaboratorios, biblioteques,
salones y grandes patios.

Sigue leyendo →

“Cuando te llevantes pela mañana,
piensa nel privilexu de vivir:
alendar, pensar, esfrutar, amar.”
Marco Aurelio

“Nunca, nunca, nunca vamos poder camudar
les circunstancies que nos tocaron
o que nos tocará vivir.

Nunca, nunca vamos poder escoyer
los acontecimientos. Nunca.
Pero siempres, siempres, siempres,
vamos poder escoyer nuesa actitú. Siempres.

Sigue leyendo →

«La to xera
ye llevar la vida n’alto,
xugar con ella, llanzala
como una voz a les nubes,
a que recueya les lluces
que nos colaron yá.

Ese ye la to sinón: vivite.
Nun faigas nada.
La to obra yes tu, namás».
Pedro Salinas

Nun hai nel mundu namás duce
que sentir qu’esiste daquién
que puede entendete por completu
y con que la so amistá
pues cuntar totalmente.

Simone de Beauvoir

“Les nueses vides
tán marcaes
polo inesperao”

Paul Auster

«Porque tol que xuega,
tol que xugó, sabe que,
cuando se xuega,
tase n’otra parte.

Crúciase una frontera.
Ingrésase a otru país,
que ye’l mesmu territoriu
en que se ta
cuando se fai arte,
cuando se canta unu cantar,
píntase un cuadru,
escríbese un cuentu,
componse una sonata,
escúlpese la piedra, dánciase…»

Graciela Montes, «La frontera indómita»

🎨Ilustración de giselfust

“Vivir ye pasar d’un espaciu a otru
faciendo lo posible
pa nun cutise/golpease”
Georges Perec

«Lo meyor para les turbulencies
del espíritu, ye aprender.
Ye lo único qu’enxamás se malogra.

Puedes avieyar y tremecer,
anatómicamente falando;
puedes velar nes nueches
escuchando’l desorde de les tos venes,
pue que te falte’l to únicu amor
y puedes perder el to dineru
por causa d’una bisarma;
puedes ver el mundu que te arrodia,
afaráu por llocos peligrosos,
o saber qu’el to honor ye apatayáu
nes cloaques de los espíritos más llainos.

Namá puede faese una cosa
en tales condiciones: aprender».
Marguerite Yourcenar

“Aprendí que la paciencia
ye una forma d’intelixencia.
Non tou tien que resolvese de momentu,
non tou tien que tener una respuesta clara.

Dacuando, lo meyor que puedes faer
ye alendar, reparar y dexar
que les coses tomen el so cursu.
La vida non siempres ye una batalla
qu’hai que ganar, dacuando ye
un ríu qu’hai qu’aprender a salear.”

Viggo Mortensen

“Cada persona camuda
non solo en función de lo vivio
sinón tamién de lo lleío”

Francisco Mora

“La verdadera patria del home
ye la infancia.”
Rainer Maria Rilke

«Tar vivu
ye tener cicatrices.»
John Steinbeck

¿Qué sería de la vida
si nun tuviéramos el valor
d’intentar daqué nuevu?

Vincent van Gogh

“D’una vegada por toes
hemos de tomar conciencia
de que para escoyer la salú
nel cuerpu y la paz nel mundu
tenemos qu’integrar les Emociones,
pos son enseñances vitales que merecen
el so tiempu y espaciu
na Educación formal de toa persona”

Malaisi, L. (2019)

La tenrura ye un abelugu silenciosu
nel tumultu de la vida,
un llinguaxe ensin palabres
que tesciende fronteres y barreres.

Ye la capacidá de ver
colos güeyos de l’alma
y tocar coles manos del corazón,
un actu de fonda empatía y compasión
que floria no simple.
un abrazu inesperáu,
una mirada qu’entiende,
un xestu que curia…

“Educar pa la era planetaria
ye enseñar la identidá terrenal
del ser humanu.”
Edgar Morin

«La única forma
de nun perder el to corazón
ye ponelo en tolo que fexes…»
Massimo Lo Pilato

«Para suañar
nun hai que cerrar los güeyos,
hai que lleer»…

La mayor riqueza
ye la llibertá de llevar
una vida feliz y tranquila.

Epicuro

«Si realmente quies llograr daqué,
l’esfuerzu nun ye opcional:
ye esencial.»
Meryl Streep

«Tendríamos de tener el coraxe
de nun ser como tol mundu».
Jean Paul Sartre.

“Nun vini al mundu a folgar,
sinón a actuar con virtú.”

Marco Aurelio

Esa ye la esencia estoica: Nun se trata de querer daqué con fuerza, sinón de caltener el pasu cuando tou tremez. De siguir caminando, anque la meta entá tea llueñe. De llevantate mil vegaes, anque yá naide apláudate. Porque quien camina con propósitu, anque zarapique, nunca s’esvia.

«Hai un preceptu sol cual viví:
preparáse pa lo peor,
esperar lo meyor
y acepta lo que venga».
Hannah Arendt

Nun escuendas
lo que te fai distinta…
porque puedes ser xustu
lo que’l mundu precisa.

john Rusell Dilworth

L’home tiende a cuntar la so vida
más qu’a vivila.
Vemos tou al traviés de lo que cuntamos,
y pretendemos vivir la vida
como si fora una hestoria.

Pero hemos d’escoyer ente
vivir la nuesa vida o cuntala.

Jean-Paul Sartre

Afortunadamente
siempres esiste otru día.
Y otros suaños.
Y otres rises.
Y otres persones.
Y otres coses.

Clarice Lispector

«Fai lo que dicta
la to naturaleza razonable,
anque te quedes solo
faciéndolo.»

Marco Aurelio

«Somos seres entretexíos de relatos, bordaos con filos de voces, d’hestoria, de filosofía y de ciencia, de lleis y lleendes. Por eso, la llectura va siguir curiándonos si curiamos d’ella. Nun puede sumir lo que nos salva. Los llibros recuérdennos, serenos y siempres dispuestos a esplegase énte los nuesos güeyos, que la salú de les palabres enraigañen nes editoriales, nes llibreríes, nos círculos de llectures compartíes, nes biblioteques, nes escueles. Ye ellí onde imaxinamos el futuru que nos xune».

Irene Vallejo: «Manifiestu pola llectura» (2020)

Ilustración: Valeriana Petrone

“Nun puedes camudar el mundu
siendo obediente”

Pippi Långstrump 💜🖤

Publicación / #docentes#educacionpublica#educacionpublicade

«Toi llexando/flotando nun océanu de dolor.
Nun llexando —sinón nadando, mal— ensin estilu.
Pero nun fundo».
Susan Sontag

«Ye un regalu conocer a daquién
a quien-y gustes tal como yes».
Charlie Chaplin

Imaxe / Neto García del Castillo

Non te rindas,
porque’l mieu
nunca va ser más grande
que los tos suaños.

Cris Martin (Coldplay)

«Calten bones compañíes,
llee bonos llibros,
ama les coses bones y cultiva l’alma
tan fielmente como puedas» 

Louisa May Alcott

«Una vegada que’l corazón
s’acostuma a la tenrura,
yá nun puede vivir ensin ella.»
Madeleine Puisiex

«Namá los llocos y los solitarios
pueden dexase’l luxu de ser ellos mesmos.
Porque los solitarios nun precisen
complacer a naide
y a los llocos, nun-yos importa
ser entendíos».
Charres Bukowski

«Tienes que crear
el to propiu espaciu
que tenga enforma silenciu
y munchos llibros».
Susan Sontag

«Definir el llibru como ‘un xuguete’
nun significa n’absolutu falta-y el respetu,
sinón sacalo de la biblioteca para llanzalo
metanes la vida, por que sía un oxetu de vida,
un preséu de vida». –Gianni Rodari.

Si quies una cualidá,
actúa como si yá la tuvieres.

William James

«Para ser felices
hai qu’esaniciar dos coses:
la medrana a un mal futuru
y l’alcordanza d’un mal pasáu;
ésti yá nun nos concierne
y l’otru entá nun nos afecta» 

Séneca

«Lo que’l neñu oi, piensa y siente güei,
va influyir no qu’aprienda, piense y sienta
el día de mañana». 

Elizabeth Campbell

«La llectura ye fonte de distracción,
pero sobremanera ye una varita máxica
que nos da poderes».

«La maxa de lleer» de José Antonio Marina

 “Solo midimos les habilidaes académiques.
Pero l’humor, la empatía o la creatividá
son tamién importantes”

Salman Khan

Nun venimos al mundu
solamente para desenvolver,
sinón para ser felices.
Porque la vida ye curtia
y vase…
Y nengún bien val
como la vida.

Pepe Mújica

«Un llibru nun va acabar cola guerra
nin va poder alimentar a cien persones,
pero puede alimentar les mentes
y, dacuando, camudales».
Paul Auster

Les claves de la vida
son correr y lleer.

Will Smith

La sabiduría nun ye productu
de la escolarización,
sinón del intentu d’adquirila
para tola vida.

Sharon Salzberg

Sharon Salzberg, maestra de meditación y autora estadounidense, enséñanos a cultivar la sabiduría al traviés de l’atención plena y l’aprendizaxe continuu.

«Llanza los tos suaños al espaciu
como una cometa
y nun sabes
lo que te van devolver:
una nueva vida,
un nuevu amigu,
un nuevu amor,
un nuevu país.»
Anaïs Nin

«Si verdaderamente consideramos
que la educación ye’l desenvolvimientu
de posibilidaes latentes,
en cuenta de utilizar la palabra educación,
tendríamos d’adoptar otra: cultivar.

L’educador tien de cultivar
les potencialidaes esistentes nel neñu
por que pueda desenvolveles y espandiles.

Ye esencial aprovechar
esti períodu altamente sensible
na vida del ser humanu,
si en verdá quier ameyorase
a la humanidá…».

Maria Montessori

«L’amistá ye un llazu invisible que nos xune,
una conexón que tesciende’l tiempu y l’espaciu.

Los amigos son un regalu del universu,
un recordatoriu de que nun tamos solos
nesti viaxe llamáu vida.

Ellos son los que nos faen rir, llorar, suañar y crecer.
Son los que nos recuerden que somos fuertes,
capaces y merecedores d’amor y felicidá.»

L’amapola amuesa una flor
selvaxe y fráxil,
resistente y singular,
que naide llantó nunca
y que la so llama percuerre los campos
como un mensaxe.

Marcel Proust

“El planeta nun precisa
más persones “esitoses”.
Precisa desesperadamente
más persones que cultiven la paz,
persones qu’ayuden
a sanar y rehabilitar,
que narren hestories
y dean amor
en toles formes posibles.

Sigue leyendo →

«Nunca hubo más empiezu
qu’el qu’hai agora,
Nin más mocedá nin vieyera
que la qu’hai agora;
Y nunca va haber más perfección
que la qu’hai agora,
Nin más cielu nin infiernu
qu’el qu’hai agora».
Walt Whitman

“El güeyu piensa,
el pensamientu ve,
la mirada toca”.
Octavio Paz

Tu y yo somos bonos,
pero xuntos somos maraviyosos.

Rita Levi Montalcini

“La nueche ye la meyor representación
de la infinitú del universu.
Fainos creer que nada tien principiu
y nada, fin.”
Carlos Fuentes

«La vida ye como una escuela
de gladiadores:
Convivir y engarrar.»
( Séneca)

«Non te rindas que la vida ye eso,
siguir el viaxe,
escorrer los tos suaños,
destrabar el tiempu,
correr los escombros
y desatapar el cielu.»
(Mario Benedetti )

«Para viaxar llueñe,
nun hai meyor nave
qu’un llibru». 

Emily Dickinson.
La escritora estadounidense,
considerada como una de los meyores poetes
de la lliteratura norteamericana
del sieglu XIX, finó’l 15 de mayu de 1886.

«Nun hai riqueza tan segura
como un amigu seguru».

Luis Vives.

«Nel futuru va haber, posiblemente,
un oficiu que se va llamar oyente…

Vamos allegar al oyente porque,
a parte d’él, apenes va quedar naide más
que nos escuche.
Güei perdemos cada vez más
la capacidá d’escuchar…
Escuchar ye un emprestar, un dar, un don.
Ye lo único que ayuda al otru a falar.»

(«La espulsión de lo distinto») Byung-Chul Han
Princesa d’Asturies de Comunicación y Humanidaes 2025.

«La música ye un exerciciu
de metafísica inconsciente,
onde l’espíritu nun sabe
que ta faciendo filosofía»

Arthur Schopenhauer.

«Lleer foi’l mio escape,
el mio desafuego y
el mio consuelu,
el mio estimulante preferíu:
lleer por puru prestar,
pola formosa apaciguadura
que t’envolubra
cuando escuches na cabeza
les palabres d’un autor».

Paul Auster

«La felicidá nun ye daqué
que puede escorrese, sinón
daqué que puede cultivase.

Munches persones piensen
que la felicidá ye daqué
que puede buscase o adquirir
de dalguna manera esterna,
yá sía al traviés de la riqueza,
l’ésitu o les relaciones.

Pero en realidá, la felicidá ye
una práctica que podemos cultivar
en cada momentu de la nuesa vida,
aprendiendo a tar presentes,
estimosos y atentos
con nós mesmos y colos demás.

Al faelo, podemos atopar una allegría
duradero que nun depende
de circunstancies esternes».

Thich Nhat Hanh

«L’amor y la risa son les úniques coses
que nun se pueden mercar nin vender,
solo se comparten.
Y cuando se comparten,
multiplíquense»

Mario Benedetti

«Los páxaros nun compiten
ente ellos pa ver quien canta meyor …
lo que si faen los verdaderos páxaros
ye cantar el so propiu cantar» …

Arnau de Terra.

El «goce inmediatu»
nun da llugar a lo bello,
cuidao que la guapura d’una cosa
manifiéstase «muncho depués»,
a la lluz d’otra, pola significatividá
d’una reminiscencia.

Lo bello respuende a la duración,
a una síntesis contemplativa.
Lo bello nun ye la rellumada
o l’atracción fugaz,
sinón una persistencia,
una fosforescencia de les coses.
La temporalidá de lo bello
ye bien distinta de la del desfile
cinematográficu de les coses».

La dómina de les prieses,
la so sucesión cinematográfica
de presentes puntuales,
nun tien nengún accesu
a lo bello o lo verdadero.

Solo cuando unu se detien a contemplar,
dende’l recoximiento estéticu,
les coses revelen la so guapura,
la so esencia arumosa.
Componse de sedimentos temporales
que fosforecen.

Byung Chul Han.
L’arume del tiempu, ensayu sobro l’arte de retrasase.

Vivimos nun mundu llenu
de guapura, maxa y maravía.
Pero tamién hai escuridá, murnia y dolor.

Dambes son parte de la vida,
y tenemos d’aprender a abrazales
y atopar la guapura inclusive
nos momentos más escuros.

Cris Martin (Coldplay)

Calten el to amor escontra la naturaleza,
porque ye la verdadera forma
d’entender l’arte y más.

Vicent Van Gogh

La única forma d’ameyorar
ye desafiate a tí mesmu,
dir más allá de les tos llendes.

Kobe Bryant

Si quies algamar el grandor,
dexa de pidir permisu.

“Si una persona ye perseverante,
anque sía dura d’entendimientu,
va faese intelixente;
y anque sía débil
va tresformase en fuerte”.

Leonardo da Vinci

«Hai persones que tienen el sol dientro d’elles.
Ye complicao d’esplicar.
La so presencia a cencielles alluma’l to mundu.
Nun se trata de sorrises guapes.

Tienen un ser internu que relluma enforma
y siéntese como’l sol pel hibiernu.
Ye una enerxía sele, una paz interior.
Pero lo más importante ye
que nun quieren nada a cambéu… como’l sol.»
Serdar Özkan

Dempués del silenciu,
lo que más s’avera
a espresar lo inesplicable
ye la música.

Aldoux Huxley

«Dacuando tienes que dexalo tou,
llimpiate.
Si nun tas contentu con daqué,
lo que sía que te tea ablayando,
desfácete d’ello,
porque vas afayar que
cuando yes llibre, la to creatividá,
el to verdaderu ser, sale a la lluz».
Tina Turner

«Precisamos otra educación
para otra sociedá,
y otra sociedá
para otra educación».

Karl Marx

Creo que lo qu’anda mal nel mundu
ye que bien poques persones
dicen lo que realmente sienten.
Prefieren guardá-ylo para sí mesmes.

Tán murnios,
pero nun lloren;
tán felices, pero nun baillen
como lloques;
tienen mieu,
pero cuésta-yos pidir ayuda.
Porque al faelo avergóñense.

Por eso l’autenticidá convirtióse
nun artículu d’auténticu luxu.
Paul Auster

La nuesa mente arriquécese
colo que recibimos,
el nuesu corazón
colo que damos.

Víctor Hugo

L’agua de la fonte esnidia,
cuerre y suaña
llambiendo, casi muda,
la verdinosa piedra.

Antonio Machado

 “Tolo que llega a la to vida,
yá sía un retu o una allegría,
tien un propósitu:
ayudate a crecer y espandite.

Inclusive aquello que paez difícil
pue ser l’entamu
de daqué estraordinariu.”

Demi Moore

Nenguna persona ignora tou.
Naide sábelo tou.
Toos sabemos daqué.
Toos ignoramos daqué.
Por eso aprendemos siempres.

Paulo Freire

Dacuando, cuando pensamos
que los nuesos suaños
rompiéronse,
siempres hai meyores
al volver la esquina.

Cris Martin, cantante Coldplay