«De les cuatro estaciones del añu
ye esta la más sabia,
porque ella ye la que conoz
el faer y el desfaer,
el concluyir y recomenzar,
el primeru de los principios
y el postreru de los fines.
Y otra vegada’l principiu,
hasta que tou acabe».
«Otoño»
José Saramago
«Tar con ella ye sentase
so la lluz del sol serondiegu.»
Virginia Woolf
Cuando’l poder del amor
supere l’amor al poder,
el mundu va conocer la paz»
Jimi Hendrix
«Seique paez
que voi perdiéndome nel camín,
pero guíame la intuición».
🎧 Gustavo Cerati 🇦🇷
📀 Maxa – Fuerza Natural (2009) Un himnu al enfotu interior y la fuerza de siguir la voz interna, inclusive metanes la incertidume. 🌌
«La Tierra ye un bon llugar
y paga la pena
lluchar por ella.»
Ernest Hemingway
La vida ye una obra
que nun almite pruebes.
Asina que canta, llora,
bailla, ri y vive intensamente,
primero que baxe’l telón
y l’obra termine ensin aplausos.
Charles Chaplin
«La seronda ye una segunda primavera
cuando cada fueya ye una flor».
Albert Camus
«El vientu ye un cachu d’osíxenu
amarutáu de pantasma,
qu’analaya xiblando un cantar
que nunca pasa de moda.»
Alejandra Pizarnik
«Tienes qu’entender
la totalidá de la vida,
non yá una pequena parte d’ella.
Ye por eso que tienes de lleer,
ye por eso que tienes
de mirar al cielu,
ye por eso que tienes
de cantar y baillar,
y escribir poemes y sufrir
y entender que tou eso
constitúi la vida».
Jiddu Krishnamurti
«Nun tienes un alma,
yes una alma,
tienes un cuerpu».
“Nun puedes volver tras
y camudar el principiu,
pero puedes empezar onde tas
y camudar el final”.
C.S. Lewis
Faer lo útil,
dicir lo valiente,
contemplar lo bello:
eso basta para la vida
d’un home.
𝙏.𝙎. 𝙀𝙡𝙞𝙤𝙩 (#Nobel 1948).
Naide qu’aprienda a pensar
puede volver obedecer
como lo fixo antes,
non por un espíritu rebalbu,
sinón pol vezu qu’agora adquirió
de cuestionar y esaminar tou.
Hannah Arendt
: La Bella & La Bestia (1991)
«La mayoría de les vegaes,
un abrazu ye dixebrar
un pedacito d’unu mesmu,
para dá-ylo al otru,
por que pueda
siguir el so camín menos solu.»
Pablo Neruda
“La llectura vuélvenos
a toos pelegrinos:
danos posada perdayuri».
Hazel Rochman (1938),
escritora y editora sudafricana.
“Qué pequenu pensamientu
precísase para enllenar una vida!”
Ludwig Wittgenstein, 1889-1956
En “Cultura y valor”
Eso ye l’aprendizaxe.
Entender de sópitu
daqué que siempres entendisti,
pero d’una manera nueva.
Doris Lessing
«La llectura convirtiose nel mio santuariu.
Atopé enforma nesos llibros.
Atopé hestories que m’inspiraron.
Poemes que m’encantaron.” 📚🩷
—🎬: La Bella & La Bestia (1991)
: Valiente (2012)
“Les persones más felices
son les que nunca dexen d’aprender.
Nun lo faen por obligación,
sinón por interés”.
Arthur Brooks, espertu de Harvard
«El meyor golor, el del pan;
el meyor sabor, el del sal;
el meyor amor, el de los neños».
Graham Greene.
«Apriende,
nun para atropar conocencies
como una ayalga personal,
sinón para emplegar lo aprendío
al serviciu del mundu»
Rudolf Steiner (1861- 1925 )
“L’amigu mio, ye una bisarma especial. Nós entendémonos bien, anque’l probe nun sabe falar y por eso toos tiénen-y mieu. Esta bisarma amiga mio ye tan, pero tan grandote, que los xigantes lléguen-y namás que hasta’l todíu.
Él vive nel África. Nel cielu nun vive, porque si tuviera nel cielu, como Dios, cayeríase. Ye demasiáu grande para poder vivir perhí, pel cielu. Hai otres bisarmes más chiques qu’él y entós viven nel infinitu, barganal d’onde queda Plutón; o inda más llueñe, allá nel infinito o nel piranfinito. Pero esta bisarma amiga mio nun tien más remediu que vivir nel África”
La bisarma amiga mio, Eduardo Galeano
«Toles families felices son iguales;
cada familia infeliz yelo a la so manera.
Nun hai felicidá ensin llucha,
ensin sacrificiu, ensin comprensión mutua.
Lo que nos xune, sobremanera,
ye la capacidá de soportar
y superar xuntos los desafíos,
de tresformar el sufrimientu en fuerza
y la desesperación n’esperanza.
Sicasí, ye precisamente esta llucha la que define
quién somos y cómo vivimos.
La felicidá ye un trabayu constante,
una elección diaria, non un estáu permanente.
Ye cómo encaramos los díes más difíciles
lo que determina la verdadera naturaleza
de la nuesa allegría».
Llión Tolstói, Ana Karenina.
Por aciu la llectura
faémonos contemporáneos
de tolos homes y ciudadadnos
de tolos países.
Antoine Houdar de la Motte
«En dalgún llugar
dientro de toos nós
ta’l poder
de camudar el mundu».
Matilda, de Roald Dahl.
«Les cualidaes esenciales del calter,
lo orixinal y enérxico de cada home,
déxase ver dende la infancia nun actu,
n’una idea, n’una mirada».
José Martí, «La edá d’oru».
Los seres humanos
tán destinaos a evolucionar
hasta convertise
en seres conscientes.
Eckhart Tolle
Tamos atrapaos
na cultura de la priesa
y de la falta de paciencia.
Vivimos nun estáu constante
de hiperestimulación y hiperactividá
que nos resta capacidá de gozu,
y róbanos la posibilidá
d’esfrutar de la vida.
Carl Honoré
Quiero qu’a toles neñes
que fueron llamaes «mandones»,
dígase-yos que tienen
habilidaes de lideralgu.
Nun podemos nun ver la realidá,
y ye que la vida ye un dise
tresviviendo escontra la muerte.
Rosa Montero
Tienes que reir.
Porque la risa,
toos sabemos,
ye la primer prueba
de llibertá.
Rosario Castellanos. poeta
«Y yo dígote:
Cuando daquién vase,
daquién queda».
César Vallejo
«Ten curiáu col to corazón,
nun lo estropies más de lo debío
y nun lo desdexes más de lo que merez.»
Mahmoud Darwish
Diseñu:Andrés Mario Ramírez Cuevas
«Avieyar nun ye para los débiles.
Un día despiertes y te das cuenta
de que la mocedá quedó tras,
pero con ella tamién se van
les inseguridaes,
les prieses, la necesidá de complacer …
apriendes a caminar mas lentu,
pero con mas certidume,
a despidite ensin mieu
a valorar a quien se queda ….
Avieyar ye soltar, acepta,
ye afayar que la guapura
nunca tuvo na piel
sinón na hestoria
que llevamos dientro»
Meryl Streep
Les persones amigues de la lliteratura
tienen parte de les sos mentes
inmune al adoctrinamiento.
Si llees,
puedes aprender a pensar
por ti mesmu.
Doris Lessing
«Nun hai nada que desespere tantu
como ver mal interpretaos
los nuesos sentimientos».
Jacinto Benavente
«Les biblioteques son puertes
a otres vides»
Zadie Smith
«Ye nel xuegu y namá nel xuegu
que’l neñu o l’adultu como individuos
son capaces de ser creativos
y d’usar el total de la so personalidá,
y namá al ser creativu l’individuu
afáyase a sí mesmu»
Donald Winnicott
«Toa vida humana
tien les sos estaciones,
y nun hai caos interior
que dure indefinidamente.
L’iviernu nun dura siempres.
Y, anque dacuando,
cuando les cañes siguen escures
y la tierra seda col xelu,
esa primavera y esi branu lleguen,
siempres lleguen».
Truman Capote
“De los topos, aprendimos a faer túneles.
De los castores, aprendimos a faer diques.
De los páxaros, aprendimos a faer cases.
De les arañes, aprendimos a texer.
Del tueru que rodaba cuesta abaxo,
aprendimos la rueda.
Del tueru que llexaba al debalu,
aprendimos la nave.
Del vientu, aprendimos la vela.
¿Quién nos enseñaría les males mañes?
¿De quién aprendimos
a atormentar al próximo
y a humildar al mundu?”
Eduardo Galeano
„Quiciabes la más grande llección
de la hestoria
ye que naide aprendió les llecciones
de la hestoria“.
Aldous Huxley
“Vivimos tiempos escuros,
nos que los peores perdieron el mieu
y los meyores la esperanza”.
Hanna Arendt, filósofa:
«Para siguir viviendo hai qu’intentar escapar del perfeccionismu»
. El perfeccionismu puede ser un poderosu enemigu del qu’hai que curiase.
“Na tensión ente l’arcu y la llira
ta l’harmonía”.
Heráclito
“Dacuando,
cuando miramos tras o camudamos l’ángulu
dende’l que vemos,
aquello que creíamos rescamplante y absolutu,
polo que daríamos tou, vuélvese borrosu,
desvaído, casi irreconocible.
Y entós te preguntes:
¿qué demonios víen los mios güeyos neso?
Ye un espertar inesperáu,
una revelación que convida a cuestionar
les nueses obsesiones y prioridaes.”
Haruki Murakami
«Somos solo cenices.
Les cenices qu’abonen la tierra
onde un día por fin naz la maxa:
l’amor más real que conocimos,
el que nos da la paz
que yá nun esperábamos,
el que nos caltien a salvo
de la infamia de la vida».
A.C.P. / Lia Clérigo (poeta)
«El preciu de cualquier cosa
ye la cantidá de vida
qu’ufiertes a cambéu».
Henry David Thoreau
Si non actues, nun esperes …
Si nun participes, non te quexes
«Nun pretendamos
que les coses camuden
si siguimos faciendo
lo mesmo»
Albert Einstein.
«Lleer foi’l mio escape,
el mio desafuego
y el mio consuelu,
el mio estimulante preferíu:
lleer por puru prestar,
pola formosa apaciguadura
que t’envolubra
cuando escuches na cabeza
les palabres d’un autor».
«Nun hai nada que desespere tantu
como ver mal interpretaos
los nuesos sentimientos».
Jacinto Benavente
«La vida nun ye como l’agua.
Les coses na vida nun flúin
necesariamente
pel camín más curtiu.»
Haruki Murakami
«Afita’l to camín d’una estrella
y vas poder salear
al traviés de cualquier nube».
Leonardo Da Vinci.
Cada añu, por estes feches, esperamos con ilusión la llegada de les Perseides rellumando nel cielu, esa agua d’estrelles fugaces tamién llamaes Llárimes de San Llorienzo. Esta nueche va ser la meyor ocasión para poder veles porque l’actividá de l’agua algama’l so mayor momentu d’intensidá.
«Ama lo que fexes y fai lo qu’ames.
Nun escuches a naide mas
que te diga que nun lo faigas.
Fai lo que quieras, lo qu’ames.
La imaxinación tien de ser
el centru de la to vida».
Ray Bradbury
«Al mio pensar,
nun hai persona nesti mundu
que nun guarde
dalgún secretu insondable
no más recóndito del so corazón.
Ye más, atrévome a afirmar qu’ello
ye necesariu para desendolcase
y sobrevivir nel mundu».
«La ciudá y los sos murios inciertos»,
Haruki Murakami
«Hai dos formes de ver la vida:
una ye creyendo
que nun esisten los milagros,
la otra ye creer
que tou ye un gran milagru».
Albert Einstein
«… La voz, el llibru, l’abrazu.
Nun creo qu’esista un “llugar” más esactu
para asitiar la nacencia de la lliteratura
na vida.”
Yolanda Reyes
Ilustración de @francesca_carabelli
«El bien de la humanidá tien de consistir
en que cada unu gocie’l máximu
de la felicidá que pueda,
ensin menguar la felicidá de los demás”.
Aldous Huxley
«La realidá son dos momentos,
el momentu en qu’unu lo vive;
y el momentu infinitu
en qu’unu lo recuerda».
«Nun hai nada meyor
qu’imaxinar otros mundos
para escaecer lo dolioso
que ye’l mundu en que vivimos».
Umberto Eco
«La meyor tierra para semar
y faer crecer daqué nuevu otra vegada
ta no fondero.
N’ese sentíu, tocar fondu,
anque desaxeradamente doliosu,
ye tamién el meyor terrenal
de llantadera».
Clarissa Pinkola-Teas
“Nuesa mesma vida tien
que ser el nuesu mensaxe”
Thich Nhat Hanh
«Una de les coses más belles
na vida
ye atopar a daquién
que te pueda entender,
ensin necesidá de dar
tantes esplicaciones».
Kahlil Gibran
«Somos la nuesa memoria,
somos ese quiméricu muséu
de formes inconstantes,
esi montón d’espeyos rotos»
☯️ «Cambridge» / Jorge Luis Borges
«La soledá yera fría, ye ciertu,
pero tamién yera sele,
maraviosamente sele y grande,
como’l sele espaciu fríu
nel que se mueven les estrelles».
Lobo estepario_ Hermann Hesse
«Faémonos mayores
pero nun camudamos,
volvemónos más refinaos
pero no fondero siguimos siendo
como cuando yéramos pequenos,
criatures qu’esperen enganiosamente
que-yos cunten otra hestoria,
y la siguiente, y otra más».
Paul Auster
«La infancia ye’l llugar
nel qu’habites
el restu de la to vida».
Rosa Montero, «El corazón del tártaru».
Nun quiero un final feliz.
Quiero una vida llena
de momentos felices,
porque a la fin
tou ye murniu.
Frida Kahlo
«El monte ye un llamáu a l’aventura,
un desafíu a superar,
un abelugu de paz
y una ayalga de secretos.
La so maxestosa presencia
fálanos de fuerza, resistencia y guapura.
El monte ye un recordatoriu
de qu’hai daqué más allá de la nuesa vista,
daqué que nos espera ser descubiertu.
Conecta col monte,
conecta cola naturaleza,
conecta contigo mesmu.
Dexa que’l monte inspírete,
te desafíe y te tresforme.
¡Xube al visu y
afaya l’ayalga que te espera!»
«Incomprensible espíritu,
dacuando faru,
dacuando mar.»
Samuel Beckett
Ye casi tou un milagru,
o una suerte inesperada,
topar a esa persona».
Haruki Murakami
«A la fin,
son trés les coses qu’importen,
cómo vivimos,
cómo amemos
y cómo aprendimos a dexar colar
aquello que nun yera para nós.» 🌿
Jack Kornfield
«Que ser valiente
nun sala tan caru,
que ser cobarde
nun valga la pena».
Joaquín Sabina
«El corazón ye lo último
que s’esprende de la tierra
y la memoria lo último
que s’esprende del corazón.»
Alejandro Dumas
Nunca dexes de suañar.
Freddy Krueger
“ bailla,
como si naide tuviera mirándote;
ama,
como si nunca te mancaren“
Mark Twain ❤️🔥
«Pasé la vida mirando
a los güeyos de la xente,
ye l’únicu llugar del cuerpu
onde seique inda esiste un alma.»
José Saramago
Lo más difícil del mundu
ye conocese a unu mesmu,
y lo más fácil
falar mal de los demás.
Tales de Mileto
«Hai qu’alzar les palabres,
non la voz.
Porque nun ye’l truenu,
ye l’agua la que caltien vivas
les fueyes.»
Atribuyíu a William Shakespeare,
el so autor sería Rumi
Toos tamos nel mesmu pozu,
pero dalgunos miramos les estrelles.
Óscar Wilde
La xenerosidá ye un don
que pertenez a l’alma.
Nun depende de lo que tienes,
sinón de lo que yes.
Alejandro Jodorowsky
«Gústame la xente
que ye brillosa per dientro
y ensin adornos nel esterior.»
Agostino Degas
«La llectura, los llibros, son el más estelante
principiu de llibertá y fraternidá…
Los llibros dannos más, y dannos otra cosa…
Una de les maravíes más estelantes
de la vida humana,
de la vida de la cultura, constituyi
esa posibilidá de vivir otros mundos,
de sentir otros sentimientos,
de pensar otros pensares…
Los llibros son puertes
que naide podría cerranos enxamás,
a pesar de toles censures».
Necesidá de la lliteratura, Emilio Lledó..
Nun somos lo qu’atropamos,
sinón lo que dexamos nos demás.
Cada xestu, cada palabra,
cada actu d’entrega
vuélvese parte del mundu…
inclusive cuando yá nun tamos.
“Cada unu ye responsable
de toos énte toos.”
Les nueses acciones nun muerren;
tresformense na vida d’otros.
Somos eternos
no que fuimos capaces de dar.
Marguerite Yourcenar
Nel silenciu podemos escuchar al nuesu corazón y siguilo ….
«Nun dexes que’l ruiu
de les opiniones de los otros
apague la to voz interior»
Steve Jobs
«Trunfar na vida
nun ye llegar a dalgún llau.
Ye volver empezar
cada vez que la vida
danos un golpe.»
Pepe Mujica
Lo más guapo de la guapura humana
ye que daquién a la primer vista
non te llame demasiáu l’atención
y que, al conocela, escuchala,
golela, tocala,
te paeza la más bella del mundu.
William Sakespeare
«El llibru sirve para tar nel mundu
y para dise del mundu,
para recordar la mesma vida
y para escaecese d’ella,
para asomarse a les coses, tal como son,
y para veles como nun fueron nunca».
Antonio Muñoz Molina
«Los llibros son los amigos
más silenciosos y constantes;
los conseyeros más accesibles y sabios
y los maestros más pacientes».
Charres W. Eliot
Ser formosu significa ser tu mesmu.
Nun precises ser aceptáu por otros.
Precises aceptate a tí mesmu.
Thich Nhat Hanh
«La verdá ye como’l sol.
Fae ver tou
y nun se dexa mirar.»
Víctor Hugo
L’autoestima nun se constrúi
con fiestes y ropa guapo,
sinón nos momentos difíciles
de la vida.
Paolo Crepet
La simplicidá ye
la máxima sofisticación.
Leonardo Da Vinci
«El budismu enseña
que l’allegría y la felicidá
surden de dexar dir.
Por favor, siéntate y fai un inventariu
de la to vida.
Hai coses de les que tuvisti colgáu
qu’en realidá nun son útiles
y te quiten de la to llibertá.
Atopa’l valor para dexales dir «.
Thich Nhat Hanh
Tou foi descubiertu,
sacante cómo vivir.
Jean-Paul Sartre
«Vivir nun ye namá esistir,
sinón esistir y crear,
saber gociar y sufrir
y nun dormir ensin suañar.»
Gregorio Marañón
«Siempres hai flores
para aquel que deseya veles.»
Henry Matisse
«Nun quiero qu’aceptes el mundu
tal como ye.
Quiero que lo inventes.
Quiero que tengas esi talentu.
Crear la to propia realidá.»
“Asfixia” / Chuck Palahniuk
«La maniática xera
de construyir eternidaes
con elementos fechos
de fugacidá, tránsitu y olvidu.»
Juan Carlos Onetti
«El llume asocede
cuando la fola entiende
qu’ella ye l’océanu».
Thich Nhat Hanh
Retírate dientro de ti mesmu,
sobremanera
cuando precises compañía.
Epicuro
Lleemos llibros
pa descubir quiénes somos.
Lo qu’otres persones,
reales o imaxinaries,
faen y piensen y sienten…
ye una guía esencial
pala nuesa comprensión
de lo que somos
y podemos ser.
Ursula K. Le Guin
«Forníu colos sos cinco sentíos,
l’home esquiza l’universu
que lu arrodia
y a les sos aventures
llama ciencia «.
Edwin Hubble
Educar nun ye crear comodidá eterna,
ye enseñar a xestionar el fracasu,
el riesgu y los retos de la vida real.
Gregorio Luri (Ver)
«El mundu ye abondo grande
para satisfaer les necesidaes de toos,
pero siempres va ser demasiáu pequeñu
para satisfaer l’avaricia de dellos».
Mahatma Gandhi
Calten bones compañíes,
llee bonos llibros,
ama les coses bones
y cultiva l’alma
tan fielmente como puedas.
Louisa May Alcott
«Antes d’aldericar, alienda;
antes de falar, escucha;
antes d’escribir, piensa;
antes de mancar, siente;
antes de rindite, intenta;
antes de morrer, vive»
William Shakespeare
«Cada llibru, cada tomu que ves,
tien alma.
L’alma quien la escribió,
y l’alma de quienes lo lleeron,
vieron y suañaron con elli. «
Carlos Ruiz Zafón
Mire, aliende, sienta’l vientu,
o’l calor, o la brisa,
prediga que va llover.
Y, sobremanera, escuche:
nun hai soníu
más reconfortante y más ignoráu
qu’el de la vida cotidiana.
Julio Cortázar
«Siempres hai flores
para aquellos que
deseyen veles.»
Henri Matisse
“Los nuesos tiempos
son tiempos de mediocridá,
de falta de sentimientos,
de pasión pola ignorancia,
de galbana,
de la incapacidá de mano
a faer daqué
y el deséu de tener
tou yá fechu”.
Fiódor Dostoievski
«Nun s’enseña
lo que s’ignora,
como nun se da
lo que nun se tien».
Platón
«La nuesa vida
tien de ser
el nuesu mensaxe.»
Thich Hanh Naht
Les palabres nunca algamen
cuando lo qu’hai que dicir
desborda l’alma.
Julio Cortázar
“Date tiempu.
pa curiar de ti mesmu
pa faer les coses qu’ames
pa tar cola xente qu’ames.
Date tiempu.
pa tar solu
y escuchar el silenciu
p’esfrutar
de la guapura de la naturaleza
pa perdete nos paisaxes
de la to alma.
Date tiempu pa xugar.
Ye hora d’amar,
tiempu pa suañar,
tiempu de vida.
Y nunca escaezas que nun
hai persona más rica
que la que tien tiempu”.
Antonio Curnetta
Séneca sabía que’l verdaderu sabiu
nun dexa d’aprender,
nin siquier metanes la escuridá.
Por eso escribió:
“Mientres vives,
sigui aprendiendo a vivir.”
Porque vivir bien
nun ye daqué que se llogra una vegada…
Ye una batalla diaria.
Una decisión silenciosa de nun rindise,
de llevantase cuando l’alma pesa,
y d’aprender inclusive cuando duel.
Acaldía trai les sos pruebes,
pero tamién les sos llecciones.
Y quien ta dispuestu a siguir aprendiendo,
enxamás va ser ganáu por completu.
Séneca nun falaba dende la teoría.
Falaba dende la perda, dende la traición,
dende’l cantu mesmu de la muerte.
Y entá asina, nun pidió vengación.
Pidió sabiduría.
«Agora nun ye’l momentu
de pensar no que nun tienes.
Piensa no que puedes faer
colo qu’hai.»
Ernest Hemingway
«Siempres ye precisu saber cuándo s’acaba una etapa de la vida. Si aportunes en permanecer nella más allá del tiempu necesariu, pierdes l’allegría y el sentíu del restu. Cerrando círculos, o cerrando puertes, o cerrando capítulos, como quieras llamalo.
Lo importante ye poder cerralos, y dexar dir momentos de la vida que se van clausurando.
Nun podemos tar nel presente añorando el pasáu. Nin siquier preguntar por qué. Lo qu’asocedió, asocedió, y hai que soltalo, hai qu’esprendese. Nun podemos ser neños eternos, nin adolescentes tardíos, nin emplegaos d’empreses inesistentes, nin tener venceyos con quien nun quier tar venceyáu a nós.
¡Los fechos pasen y hai que dexalos dir!»
Paulo Coelho
«La vida ye un viaxe
y si te namores del viaxe,
vas tar namoráu para siempres».
Peter Hagerty
Saleamos como barcos de papel ente isles d’emociones en busca de paraísos perdíos. Buscando dalgún puertu onde atracar. Ensin mieu a les envernaes, escorriendo sorrises al vientu, dexando tras llárimes caducaes. Esperando atopar esi faru que cola so lluz empónganos a la mariña, allá onde los pirates nun esisten, nin el fríu, nin la escuridá.
Pequenos barquinos que mueve la marea de la vida, esos qu’envidien a los grandes veleros. Y ye qu’asina ye… lluchamos por consiguir abelugu seguru, un llugar onde les foles bisbisen al escuchu, onde s’escucha xuna duce melodía, onde dos s’atopen.
Victoria Martínez
«Cada cosa qu’ames,
ye bien probable que la pierdas,
pero a la fin,
l’amor va volver
d’una forma distinta.»
Franz Kafka
«Aprender ye lo únicu
que la mente nunca escosa,
nunca tarrez
y nunca se pena.»
Leonardo da Vinci
«Hai dos miraes:
La mirada del cuerpu
puede escaecer dacuando,
pero la de l’alma recuerda siempres».
Alejandro Dumas
Lo importante nun ye
caltenese vivu
sinón caltenese humanu.
💚🐦
George Orwell..
«La vida tien valor
siempres que se valore
la vida de los otros,
al traviés del amor, l’amistá,
la indignación y la compasión».
Simone de Beauvoir
“Toles esperiencies que viví enseñáronme
qu’hai que valorar al individuu, a la persona
que desenvuelve y caltien
la so propia manera de pensar,
que llanta cara a la mentalidá de grupu,
a les presiones grupales.
O que s’avien hasta onde xulga necesariu
a tales presiones,
pero nel so fueru internu caltien un pensamientu
y un desenvolvimientu individuales […]
Caltener una opinión individual disidente,
siendo miembru del grupu,
ye la cosa más difícil del mundu.”
Doris Lessing
«Toos tendríamos de disponer
de daquién con quien poder falar
francamente.
Por munchu valor que se tenga,
unu siéntese cada vez más solu».
Ernest Hemingway
«Quería neña, queríu neñu:
Que les tos mañanes güelan
a torta acabante enfornar.
Que los tos pies namá tean desnudos
pa triar la campera o’l sable nel branu.
Que la escuela que te reciba sía alcontradiza,
con llaboratorios, biblioteques,
salones y grandes patios.
“Cuando te llevantes pela mañana,
piensa nel privilexu de vivir:
alendar, pensar, esfrutar, amar.”
Marco Aurelio
“Nunca, nunca, nunca vamos poder camudar
les circunstancies que nos tocaron
o que nos tocará vivir.
Nunca, nunca vamos poder escoyer
los acontecimientos. Nunca.
Pero siempres, siempres, siempres,
vamos poder escoyer nuesa actitú. Siempres.
«La to xera
ye llevar la vida n’alto,
xugar con ella, llanzala
como una voz a les nubes,
a que recueya les lluces
que nos colaron yá.
Ese ye la to sinón: vivite.
Nun faigas nada.
La to obra yes tu, namás».
Pedro Salinas
Nun hai nel mundu namás duce
que sentir qu’esiste daquién
que puede entendete por completu
y con que la so amistá
pues cuntar totalmente.
Simone de Beauvoir
“Les nueses vides
tán marcaes
polo inesperao”
Paul Auster
«Porque tol que xuega,
tol que xugó, sabe que,
cuando se xuega,
tase n’otra parte.
Crúciase una frontera.
Ingrésase a otru país,
que ye’l mesmu territoriu
en que se ta
cuando se fai arte,
cuando se canta unu cantar,
píntase un cuadru,
escríbese un cuentu,
componse una sonata,
escúlpese la piedra, dánciase…»
Graciela Montes, «La frontera indómita»
🎨Ilustración de giselfust
“Vivir ye pasar d’un espaciu a otru
faciendo lo posible
pa nun cutise/golpease”
Georges Perec
«Lo meyor para les turbulencies
del espíritu, ye aprender.
Ye lo único qu’enxamás se malogra.
Puedes avieyar y tremecer,
anatómicamente falando;
puedes velar nes nueches
escuchando’l desorde de les tos venes,
pue que te falte’l to únicu amor
y puedes perder el to dineru
por causa d’una bisarma;
puedes ver el mundu que te arrodia,
afaráu por llocos peligrosos,
o saber qu’el to honor ye apatayáu
nes cloaques de los espíritos más llainos.
Namá puede faese una cosa
en tales condiciones: aprender».
Marguerite Yourcenar
“Aprendí que la paciencia
ye una forma d’intelixencia.
Non tou tien que resolvese de momentu,
non tou tien que tener una respuesta clara.
Dacuando, lo meyor que puedes faer
ye alendar, reparar y dexar
que les coses tomen el so cursu.
La vida non siempres ye una batalla
qu’hai que ganar, dacuando ye
un ríu qu’hai qu’aprender a salear.”
Viggo Mortensen
“Cada persona camuda
non solo en función de lo vivio
sinón tamién de lo lleío”
Francisco Mora
“La verdadera patria del home
ye la infancia.”
Rainer Maria Rilke
«Tar vivu
ye tener cicatrices.»
John Steinbeck
¿Qué sería de la vida
si nun tuviéramos el valor
d’intentar daqué nuevu?
Vincent van Gogh
“D’una vegada por toes
hemos de tomar conciencia
de que para escoyer la salú
nel cuerpu y la paz nel mundu
tenemos qu’integrar les Emociones,
pos son enseñances vitales que merecen
el so tiempu y espaciu
na Educación formal de toa persona”
Malaisi, L. (2019)
