- Neto García del Castillo
- Día Mundial de la Salú Mental #conectaTEalavida
El próximu día 10, Día Mundial de la Prevención del Suicidiu, el Teléfonu de la Esperanza va instalar una mesa informativa na plaza de la Escandalera. A partir del 30 de setiembre van empezar los talleres de crecedera personal y social.
L’acción “tien el doble oxetivu de faer frente a la soledá y l’aislamientu, y proponer una reflexón sobro qué puede caltenenos conectaos”, apuntó la ONG nun comunicáu. Tanta entidaes como particulares van poder sumase a la propuesta compartiendo y animando a otros a compartir nes sos redes sociales xuna imaxe de conexón (aficiones, xuna mascota, un llibru favoritu o entamar les vacaciones) cola etiqueta #conectaTEalavida y la mención a un amigu o amiga, convidándo-y a siguir la cadena y compartir la so motivación.
Amás, ente los ‘influencers’ y cares conocíes que quixeron sumase a esta campaña tán les cantantes Rozalén y Nena Daconte, la deportista Ruth Beitia, los humoristes Mara Jiménez y David Puertu y el presentador Miguel Aguilera, ente otros.
‘¿QUÉ TE CONECTA A LA VIDA?’ D’otru llau, dalgunes de les 29 sedes provinciales van sacar esta acción a les cais entamando actividaes propies, como charres y meses redondes, la llectura del Manifiestu pa la Prevención del Suicidiu y l’instalación d’una urna onde poder depositar la respuesta anónima a la entruga ‘¿Qué TE conecta a la vida?’ y recoyer la d’otru participante.
Trátase d’una invitación a salir y a ayudar a salir a otros del aislamientu y a conectase a daqué, lo que sía, pue ser un amigu, un familiar o la to serie de televisión favorita”, esplicó’l presidente del Teléfonu de la Esperanza, Miguel Ángel Terrero. “De la mesma forma que la soledá ensin deseyar ye un factor de riesgu, la conectividá ye un factor protector; d’ende la importancia de qu’ésta sía xuna iniciativa que fomente la participación social”
LLAMAES RELLACIONAES COLA SOLEDÁ. Namá nel primer semestre del añu, el Teléfonu de la Esperanza recibió 91.108 pidimientos d’ayuda; de les cualos 10.273 (11%), guardaben relación cola soledá y l’incomunicación, ente que “en 3.045 de los casos esistía un riesgu de conducta suicida (2,8%)”, puntualizó la ONG.
“Ye un problema trasversal a tola sociedá y, sicasí, cada vez son más los mozos y adolescentes que busquen ayuda”, sorrayó la vicepresidenta, “por eso ye tan importante llevar a cabu campañes con impactu en redes sociales como #conectaTEalavida o cuntar con ferramientes como’l Chat de la Esperanza”, un prototipu d’atención por aciu mensaxería instantánea muncho más axilosa y afechu a les necesidaes comunicatives de moces y adolescentes, que puede atopase descargando l’aplicación.
