- @alaltulalleva, @d_urria, @josem.tejedor, @nachovegasig, @nuntamostoes y Xuacu Amieva van actuar xunto a otres venti creadores culturales el miércoles 9 d’abril a les 19h nel Teatru Filarmónica d’Uviéu. La música asturiana solidarízase con Palestina el miércoles 9 d’abril. El Teatru Filarmónica d’Uviéu acueye esti eventu nel que participen 26 creadores culturales y 6 son artistes de la música n’asturianu.
El miércoles 9 d’abril a les 19h el Teatru Filarmónica d’Uviéu va acoyer l’actu Cultura Asturiana con Palestina. Nél van actuar 26 nomes ente los que s’alcuentren artistes musicales, escritores, realizadores audiovisuales o periodistes. La música n’asturianu va tar presente cola participación del Coru Al Altu la Lleva, D’Urria, José Manuel Tejedor, Nacho Vegas, Nun Tamos Toes y Xuacu Amieva.
La entrada ye llibre y pueden facese donaciones. El Comité de Solidaridá cola Causa Árabeentama l’actividá y tien el sofitu del Ayuntamientu d’Uviéu, de l’Axencia Asturiana de Cooperación al Desarrollu y de la Conseyería de Derechos Sociales y Bienestar.
