Citas

“La lliteratura para pequenos
nun ye n’absolutu pequena,
porque ye’l campu onde se llibren
les más grandes batalles
de la cultura y l’arte…”

Graciela Montes

«Aprendí que nun se puede
dar marcha tras,
que la esencia de la vida
ye dir escontra alantre.
En realidá,
la vida ye una cai de sentíu únicu».

Agatha Christie

La llealtá ye un llazu
que xune a les persones
nos momentos más escuros.

«Actúa de la manera
na que te gustaría ser
y llueu vas ser de la manera
na qu’actúes».

Leonard Cohen

«Con tol oru del mundu non puede
mercase’l llatíu del corazón,
nin un rellumu de tenrura».
Alfonso de Lamartine

“La felicidá y la llibertá empiecen
cola clara comprensión d’un principiu:
delles coses tán sol nuesu control
y otres non”.
Epicteto

«Col tiempu y el maduror,
vas afayar que tienes dos manos:
una para ayudar a tí mesma
y l’otra para ayudar a los demás».
Audrey Hepburn

Sé atentu con toos,
sociable con munchos,
íntimu con pocos.
Amigu d’unu y
enemigu de naide.
Benjamin Franklin

«Les palabres tán llenes de falsedá o d’arte;
pero la mirada ye’l llinguaxe del corazón».
William Shakespeare

«La única persona que precises
na to vida,
ye aquella que te demuestre
que te precisa na suya».

Oscar Wilde

«Hai trés llínees na biografía
de too ser humanu,
y nunca son
una horizontal y dos perpendiculares.
Son trés llínees tropezoses,
perdíes al infinitu,
costantemente próximes y diverxentes:
lo qu’un home creyó ser,
lo que quixo ser y lo que foi».
Marguerite Yourcenar

«El valor tómase de los suaños que queden,
a pesar de los que muerren».
Massimo Bisotti

«Destrúyite pa conocete,
constrúyite pa sosprendete,
lo importante nun ye ser,
sinón tresformase».

Franz Kafka

«Los nuesos abelugos frente al mundu:
llibros, el mar, y la soledá.»
Virginia Woolf

«La guapura perez na vida,
pero ye inmortal nel arte»
Leonardo Da Vinci

«La belleza perece en la vida, pero es inmortal en el arte»

«El descansu, la naturaleza,
llibros, música…
Ésa ye la mio idea de felicidá».
León Tolstói

Dos cosas sálvennos na vida:
l’amor y la risa.
Si tienes unu, ta bien.
Si tienes dambos, yes invencible.

Tarun Tejpal

«Los que de corazón se quieren,
solo col corazón fálense».
Francisco de Quevedo

L’alma ye aquello polo que
vivimos, sentimos y pensamos.

Aristóteles

Los años solo engurrien la piel,
pero’l mieu engurria l’alma.

Facundo Cabral

Na mirada relluma l’universu
pero siguimos ciegos al so inmensidá.
Jorge Ediel

«L’aventura de la vida ye aprender.
L’oxetivu de la vida ye crecer.
La naturaleza de la vida ye camudar.
El desafíu de la vida ye superase.
La esencia de la vida ye curiar.
El secretu de la vida ye atrevese»

William Ward

Si busques la Paz,
solo vas topala nel presente.

Jenny Moix

«Delles coses pueden paecer nada
y enllénenlo tou.
Hai que saber ver,
aprender a apreciar lo menudo…

Lo bono ye aquello
qu’ensin grandes rellumos
enllénalo tou.»
Carmen Laforet

«Cada unu da lo que tien nel corazón,
y cada unu recibe col corazón que tien».
Oscar Wilde

«Les persones más felices
nun son necesariamente aquellos
que tienen lo meyor de too,
sinón aquellos que saquen lo meyor
de too lo que tienen.

La vida nun se trata d’esperar
a que pase la nube,
trátase d’aprender a baillar so l’agua».
Kahlil Gilbran

“La vida ye demasiáu curtia:
Viviendo tou falta,
morriendo tou sobra”.
Garcilaso De la Vega

Nenguna felicidá puede comparase
cola allegría d’atopar
un corazón que nos entienda.
Victor Robinson

Loré Pemberton

«En cada neñu
naz la humanidá”.
Jacinto Benavente

Nunca te afaigas
a lo que nun te fai feliz.

Johnny Depp

Esiste daqué que’l tiempu nun puede,
a pesar de la so innegable capacidá destructora,
anular: y son les bones alcordances,
les cares del pasáu, les hores en qu’unu foi feliz.

Julio Cortázar

«Lo que daveres foi,
nun se pierde;
la intensidá ye una forma
d’eternidá»

Jorge Luis Borges

«La peor soledá
ye nun tar cómodu
contigo mesmu».
Mark Twain

“Los díes nun son lo suficientemente llargos
para tolos llibros que quiero lleer”.
Alan Bennett

Los llibros funcionen
dende adientro escontra fuera.
Son una conversación privada
que ta asocediendo en dalgún llugar de l’alma.
Nan Shepherd
El Monte Viviente

Que non te importe
lo que la xente piense de ti,
fai lo que quieras
y solo busca la to felicidá.
Katy Perry

«Naide puede construyir un mundu meyor
ensin ameyorar a les persones».
Marie Curie

«Namá los llocos y los solitarios,
pueden dexase’l luxu de ser ellos mesmos.
Porque los solitarios nun precisen complacer a naide
y a los llocos, nun-yos importa ser entendíos».
Charres Bukowski

Si quies apoderar daqué, enséñalo.
Cuanto más enseñes, meyor apriendes.
La enseñanza ye una ferramienta
poderoso para l’aprendizaxe.

Richard Feynman

«Faigas lo que faigas,
busca’l llatíu.»
Elvira Sastre

«Hai un únicu llugar
onde ayeri y güei atópense
y reconócense y abrácense.
Esi llugar ye mañana».
Eduardo Galeano

«Escasamente pensamos no que tenemos,
pero siempres no que nos falta.
Por eso, más qu’estimosos y agradecíos,
tamos amargaos”.
Arthur Schopenhauer

«La felicidá ye daqué que se siente
cuando se ta faciendo daqué que s’ama»
Vicent Van Gogh.

“Nun sé si soi
desaxeradamente sensible
o la vida ye insoportable”.
Vincent van Gogh

«Afortunadamente siempres
esiste otru día.
Y otros suaños. Y otres rises.
Y otres persones. Y otres coses.»
Clarice Lispector

«Nada duro para siempres, dicimos,
pero hai momentos que paecen permanecer suspendíos,
llexando sobro l’inesorable fluyir del tiempu».
José Saramago

El mozu afaya que’l llibru fala,
que’l llibru puede cuntar cuentos.
Y que si’l llibru ciérrase,
los cuentos queden adientro del llibru.
Graciela Cabal

“Les persones llenes d’amor
viven nun mundu llenu d’amor.
La xente contrario vive nun mundu contrariu.
Pero’l mundu ye siempres el mesmu. «
Wayne W. Dyer

La muyer más bella del mundu
ye la que protexe y sofita
a otres muyeres.

Sandra Bullock

«¿Cómo tamos presentes
na esistencia de los otros,
na so memoria,
la so forma de ser,
los sos actos inclusive?»
«Memoria de moza», Annie Ernaux

Dedica unos minutos al día a cavilgar
sobro les tos habilidaes y conocencies úniques;
valóralos y úsalos pa crecer.

Mario Alonso Puig

“Cada vez soi más consciente
de qu’unu  se convierte
no que mira, no que recuerda,
no que nagua por, no que tresmite.

El futuru empieza güei y
depende de lo qu’escueyo ver,
de lo que dexo dicir,
de lo que quiero recordar
y de lo que decido amar».
Laura Esquivel

«Abandonónome al viaxe más adorable:
lleer, vivir ende onde les palabres llévenme».
-Paul Valery

“Cuando la vida te presente
mil razones para llorar,
demuéstra-y que tienes mil y una razones
poles cualos sonrir”

Facundo Cabral

Nenguna persona ignora tou.
Naide sábelo tou.
Toos sabemos daqué.
Toos ignoramos daqué.
Por eso aprendemos siempres.

Paulo Freire

«L’aprendizaxe nunca
escosa/agota la mente.
Leonardo da Vinci

“Dacuando fai falta
una ramalada de llocura
para construyir un destín”

Marguerite Yourcenar

Les palabres nunca algamen
cuando lo qu’hai que dicir
desborda l’alma.

Julio Cortázar

Tenemos d’aprender
a ser queríos y querientes,
nun mundu que nos entrena
para’l desamor
Eduardo Galeano

«Conforme avanza la to transición pola vida, vas dando cuenta de que nun yes la mesma persona que yeres antes. Les coses que solíes tolerar, agora pueden resultate insoportables. Onde dalguna vegada quedabes calláu, agora fales cola to verdá y razón.

Onde dalguna vegada engarrabes y aldericabes, agora escueyes permanecer en silenciu, non por arguyu o mieu a la derrota, sinón por paz mental. Empieces a entender el valor de la to voz y qu’hai situaciones qu’a cencielles nun merecen el to tiempu, la to enerxía o la to atención». «La verdadera felicidá ta basada na paz» 

Thich Nhat Hanh

“L’amistá ye’l milagru
nel qu’un ser humanu
acepta mirar con distancia
y ensin acercamientu dalgunu
al ser que-y ye necesariu
como alimentu”.
Simone Weil

“Toos tamos nel mesmu pozu,
pero dalgunos miramos les estrelles».
Oscar Wilde

«L’home qu’empezó a vivir
más seriamente per dientro,
empieza a vivir más cenciellamente
per fora»

Ernest Hemingway.

«De tantu esperar,
escaeció inclusive porque esperaba».
«L’espeyu nel espeyu», Michael Ende

A l’ausencia
nun hai quien s’acostume.
Otru sol nun ye’l to sol
anque t’allume.

Mario Benedetti

«La elección ye solo tuya,
nun se vive
para complacer a los demás».
Lewis Carroll, ‘Alicia nel país de les maravíes’

«Espero que vivas una vida
de la que teas arguyosu.
Si afayes que nun ye asina,
espero que tengas la fuerza
de mano de nuevu».
F. Scott Fitzgerald

«La vista y l’oyíu pueden engañar,
pero’l corazón nunca miente”.
Naguib Mahfouz

“Lleer ye viaxar, pero tamién
ye alendar/respirar fondu”

Elísabet Benavent

«Nun vas consiguir
trescalar otros corazones
si del corazón nada te sale».

«Les persones ven nel mundu
lo que lleven nel so corazón»

«Fausto», Goethe

«Na vida non puede tenese tou;
sicasí, ye necesariu aspirar a ello,
porque la felicidá nun ye una meta
sinón un estilu de vida».
Federico Moccia

RESILIENCIA

Vamos volviendonos adictos
a la soledá,
a sentir paz,
a nun dar esplicaciones,
a tener el nuesu espaciu,
a nun dexar entrar nel corazón
nin na piel a cualesquier,
a ser autosuficientes
y a rellumar solos.
Y nun ye mieu, ye amor propio.
Andrés Alfonso

“Les trés enfermedaes del home actual
son la incomunicación,
la revolución tecnolóxica
y la so vida centrada nel so trunfu personal”.
José Saramago

La muerte de la empatía humana
ye unu de los primeres y más reveladores signos
d’una cultura a puntu de cayer na barbarie.

Hannah Arendt

Cuando lleemos creamos nueses
propies imáxes y asociaciones.

El llibru vive dientro de nós,
reinventase en nós
a midida que vamos lleendo…

Jostein Gaarder

«Protexéime de la sabiduría
que nun llora,
de la filosofía que nun ri y
del grandor que nun s’inclina
énte los neños.»

Khalil Gibran

«L’arte nun va tresformar de momentu la sociedá.
L’arte tien otra función, de tipu espiritual.
Abre les mentes y corazones de les persones
a les vastes posibilidaes de la vida humana.
Falando de les artes narratives, la lliteratura, el teatru,
la novela, el cine conéctennos con otros seres humanos.
Precisamos faer poemes, cantar, pintar cuadros…
Imaxina’l mundu ensin eso, ensin música o llibros, o danza… ye eternu,
ye una necesidá, ye como la comida, una comida espiritual.
Si nun tenemos arte, vamos morrer espiritualmente.»
Paul Auster

«Muerdo inda/tovía
y anque pocu puédese yá,
la mio sorrisa guarda un amor
qu’asustaría a Dios».
Susana Thenón

Nun insistas nel pasáu,
nun suañes nel futuru,
concentra la to mente
nel momentu presente.

Buda

“Les palabres tán llenes
de falsedá o d’arte,
pero la mirada ye’l verdaderu
llinguaxe del corazón».
William Shakespeare

«Nun hai nada nel intelectu
que nun pasara antes polos sentíos».
Aristóteles

«La música trespórtame a un mundu
onde’l dolor sigue esistiendo,
pero enánchase, serénase,
faise al empar más quietu y más fondu,
como una riega/torrente que se tresforma en llagu».
Marguerite Yourcenar

A RELLUMAR !!
y asina allumar el camín
por onde vamos pasando …
Laura Nájera.

“Nun hai tiempu nin llugar
fayadizos para lleer.
Cuando llega l’estáu d’ánimu para lleer,
unu puede lleer en cualquier llugar”
Lin Yutang

Una vegada qu’esperimentares la guapura,
nun puedes desfacete d’ella.

Leonardo Da Vinci

«Hai un rincón de soledá en cada corazón
que naide puede algamar».
Albert Camus

Toles desgracies de los homes
provienen de nun falar claro.

Albert Camus

“Y según el sol y les grandes esplosiones de fueyes
que crecen nos árboles,
tenía esi familiar convencimientu
de que la vida empezaba de nuevu col branu».
Francis Scott Fitzgerald

“Les persones más belles coles qu’atopé
son aquelles que conocieron la derrota,
conocieren el sufrimientu,
conocieren la llucha,
conocíu la perda,
y atoparon la so forma de salir de les fondures.
Estes persones tienen una apreciación,
una sensibilidá y una comprensión de la vida
que los enllena de compasión, humildá
y una fonda molición amorosa.
La xente bello nun surde de la nada.”
Elisabeth Kübler-Ross

«Tienes que saber lo que vales,
inclusive si eso significa quedate solo”

Mario Benedetti

«Rite de ti mesmu. Apriende a rir.
La seriedá ye un pecáu, ye una enfermedá.
La risa ye d’una guapura terrible, te da llixereza.
La risa va faete más llixeru, te va dar nales para volar.
Y la vida ta llena d’oportunidaes para rir.
Solo precises tener sensibilidá.
Crea situaciones por que los demás rían contigo…
La risa tendría de ser una de les cualidaes más valoraes
y más cuidaes de los seres humanos,
porque solamente los seres humanos pueden rir,
los animales nun son capaces.
Reprimir la risa ye destruyir una cualidá humana.»
Osho

«Les palabres son bones. Les palabres son males.
Les palabres ofienden. Les palabres quemen.
Les palabres afalaguen.
Les palabres son daes, camudaes, ufiertaes, vendíes ya inventaes.
Les palabres tán ausentes.
Delles palabres absuérbennos, nun nos dexen:
 vienen nos llibros, los periódicos, nos mensaxes publicitarios,
nos rótulos de les películes, nes cartes y nos cartelos.

Les palabres aconseyen, suxuren, suxuren, encamienten,
imponen, segreguen , esanicien.
El mundu xira sobro palabres lubrificaes con aceite de paciencia.
Los celebros tán llenos de palabres que viven en paz
y n’harmonía coles sos contraries y enemigues.
Por eso la xente fai lo contrario de lo que piensa
creyendo pensar lo que fai».
José Saramago

«Naide va vertir la verdá na to cabeza.
Ye daqué que tienes qu’atopar
el to mesmu.»

Noam Chomsky

Valora’l to trabayu y el de los demás
con gratitú y respetu,
pos cada esfuerzu, grande o pequeñu,
ye un eslabón crucial na cadena
que sostien la nuesa humanidá.

Nun hai xera fácil nin contribución insignificante;
cada contribución,
dende la más humilde hasta la más grandiosa,
ye esencial para’l bienestar de toos

Eduardo Alighieri

«Cualesquier que tenga la capacidá
de ver la guapura,
nun va avieyar nunca»
Franz Kafka

«Un profesor ye una brúxula
qu’activa los imanes del interés,
la conocencia y la sabiduría de los alumnos»
Ever Garrison

«Faemonos mayores pero nun camudamos,
volvemos más refinaos pero no fondero
siguimos siendo como cuando yéramos pequenos,
criatures qu’esperen enganiosamente
que-yos cunten otra hestoria,
y la siguiente, y otra más».
Paul Auster

«Hai daqué tan necesariu
como’l pan d’acaldía,
y ye la paz d’acaldía.
La paz ensin la cual
el pan ye amargosu».
Amáu Nervo

«Cuando más aprendemos, más desaprendimos;
nun atropamos, sinón que sustituyimos;
y quitamos, cuanto más añedimos.»
Herman Melville

«Cuando la xente
alloñase de ti, déxalos dir.
El to destín nunca ta amestáu
a daquién que te abandona,
y eso nun significa
que sían males persones.
Solo significa qu’el so parte
na to hestoria acabóse».
Julia Roberts

«Unu gasta muncha enerxía
n’intentar ser como tol mundu».
Clarice Lispector

La poesía ye lo que pasa
cuando namás puede.
Charles Bukowski

Descansu, naturaleza,
llibros, música,
tal ye la mio idea de felicidá.
Leo Tolstoy

«Una biblioteca ye una segunda casa
para les persones que lleen llibros.
Dientro d’una biblioteca cúrase la ignorancia,
los llibros son para la mente
como les arreces para les feríes…
Tendríen que tar perdayures, como les farmacies».
Gloria Fuertes

“Defender l’allegría como una trinchera
defendela del  escándalu
y la rutina de la miseria y  los miserables
de les ausencies transitories y les definitives
defender l’allegría como un principiu defender
l’allegría como un destín
defender l’allegría como una certidume
defendela del óxidu y la roña
de la famosa pátina del tiempu
defender l’allegría como un derechu”.
Mario Benedetti

“Tengo la naturaleza,
l’arte y la poesía,
y si eso nun ye abondu,
¿qué ye abondu?”

Vincent van Gogh

“Tar a soles con un bon llibru
ye ser capaz d’entendete más
a ti mesmu”

Harold Bloom

“Casi tou volverá funcionar
si desconectes mientres unos minutos,
incluyíu tu.»

Anne Lamott

«El corazón sana cuando entiende,
non cuando escaez.
Y yo non olvidu
porque escaecer ye fuxir de la mio hestoria.
Entós voi quedar.
Quedo al pie de el mio sufrimientu.
El tiempu que se tarda p’aceptar un dolor,
una derrota, una decepción, un adiós.
El tiempu que se tarda pa dame una afalagu.
Porque aprendí qu’a la fin nun muerres.
Non. Finalmente, renaces».
Andrew Faber

«Una biblioteca ye tan bona como un paisaxe,
tantu como’l paisaxe d’una ciudá o un ríu.
Hai amaneceres y puestes de sol nos llibros:
nubes, borrines, céfiros».
Anatole Broyard

Voi compartir contigo un secretu sobro’l poder del aprendizaxe y cómo este puede tresformar non solo la nuesa mente, sinón la estructura mesma del nuesu celebru.

Nel momentu en que xuna persona se compromete a aprender, l’anatomía y la fisioloxía del so celebru empiecen a camudar. Nun ye xuna mera metáfora, ye xuna realidá científica. La reinvención del celebru humanu ye xuna realidá independientemente de la edá. Nun importa si tienes 20, 40, 70 o 90 años, el to celebru ye capaz d’afaese y evolucionar. Ye como si’l celebru, al detectar el to compromisu col aprendizaxe, respondiera unviando más recursos p’ayudate nel to camín.

«Tolo qu’ames
probablemente va perdese,
pero a la fin l’amor va volver
d’otra manera».

Frank Kafka

Sigue leyendo →

«Vivimos nun mundu
llenu de guapura, maxa y maravía.
Pero tamién hai escuridá, murnia y dolor.
Dambes son partes de la vida,
y tenemos d’aprender a abrazales
y atopar la guapura inclusive
nos momentos más escuros».
Chris Martin (Coldplay)

«Dici-y a daquién que se terminó ye feu y falsu.
Nunca se termina.
Inclusive cuando yá nun pienses en daquién.
¿Cómo duldar de la so presencia dientro de ti?
Un ser que cuntó para ti, siempres cunta.»
Amélie Nothomb.
Nin d’Eva nin d’Adán

«Hai que tener fé n’unu mesmu.
Ende mora’l secretu.
Inda cuando taba nel orfanatu
y percorría les cais buscando
qué comer pa vivir, inclusive entós,
considerábame l’actor
más grande del mundu.
Ensin l’absolutu enfotu en sí mesmu,
unu ta destináu al fracasu“.
Charres Chaplin

«Ensin les fondures,
nun tengo los altores»
Carl Jung

«Ye difícil en tiempos como estos pensar n’ideales, suaños y esperances, namá para ser entartallaos pola cruda realidá. Ye un milagru que nun abandone tolos mios ideales. Sicasí, enférrome a ellos porque sigo creyendo, con too y con eso, que la xente ye bona de verdá no fondero del so corazón» (Ana Frank).

Creo que les persones qu’esperimentaron
les mayores murnies
son les que siempres s’esforcien más
en faer a otros felices.
Porque ellos saben en carne propio
lo que ye sentise afaraos y abatíos
y nun quieren que naide más
se sienta asina”.

Robin Williams

«Nun hai nada que desespere tantu
como ver mal interpretaos
los nuesos sentimientos».
Jacinto Benavente

“Van siguir ensin entender,
van siguir falando de caprichos de la vida,
d’avatares de la fortuna o del destín
de la persona.

Nun sabe que ye absurdu falar del destín
ensin rellacionalo cola naturaleza social
del mundu nel qu’unu vive”.
«Viaxe al Sur», Juan Marsé

«Somos munchos los que buscamos
da-y dalgún sentíu a la vida,
pero la vida solo tien sentíu
si somos capaces de cumplir
estos trés propósitos:
dar amor, recibilo y saber perdonar.
Tolo demás ye una perda de tiempu».

«El llibru de los Baltimore», Joël Dicker

«Puedes ser solamente
una persona para’l mundu,
pero para dalguna persona
tu yes el so mundu»
Gabriel García Márquez

Gústame’l verbu sentir.
Sentir el rumor del mar, sentir l’arume.
Sentir el soníu de l’agua que te mueya los llabios.
Sentir una pluma que traza sentimientos
n’una fueya en blancu.

Sentir l’arume de quien ames,
sentir la so voz y sentilo col corazón.
Sentir ye’l verbu de les emociones,
nos recostamos sobro’l llombu del mundu
Y sientes.

Alda Merini

«La to guapura para mi
ta en qu’esistes».
Fernando Pessoa

«El porvenir nun m’esmuel,
lo que ye duru dacuando ye’l presente».
Julio Verne.

Procura siguir al to corazón
anque pienses que ye demasiáu tarde.

Antoine de Saint-Exupéry

«Puedes ser solamente
una persona para’l mundu,
pero para dalguna persona
tu yes el so mundu»
Gabriel García Márquez

Nun vivas por que la to presencia nótese,
sinón por que la to ausencia siéntase.

Bob Marley

«Yo tuvi una infancia de papel;
lo que más me gustaba
y más m’ayudó a crear un mundu propiu
fueron los llibros».
Ana María Matute

¿Por qué contentanos con vivir a rastres
cuando sentimos el pruyimientu de volar?
Hellen Adams Keller

“Apriéndese tou na vida.
Inclusive les coses más difíciles.
Apriéndese a sonrir
cuando se pierde la ganes de faelo.
Apriéndese a llorar cuando por arguyu
nun se dexa baxar les llárimes.
Apriéndese a caminar
cuando les decepciones detiénennos.
Apriéndese a correr
cuando quier algamase los suaños
y apriéndese a escoyer
a quien llevar con nós
y a quien dexar tras”
Silvia Nelli

«Albidro (tengo la impresión)
de que la lliteratura amplió
la mio capacidá de compasión».
Susan Sontag

«Toos lluchamos contra la soledá.
Hai quien la refuga
buscando la seguridá d’una familia,
otros arródiense de xente.
Yo escribo porque ye una compañía constante».
Sam Shepard

Non dexes de creer
que les palabres y les poesíes
sí pueden camudar el mundu.

Walt Whitman

Lo que nun me mata,
aliméntame.

Frida Kahlo

«Sía ta la riegla de la nuesa vida:
dicir lo que sentimos,
sentir lo que dicimos.
D’últimes, que la palabra
vaya acordies con los fechos».
Séneca

Si nunca visti’l mar al atapecer,
nun conoces la paz.

Jaques Cousteaus

«Espero que dalgún día
tengas el coraxe de fuxir
de too lo que te fai miserable».
Hayao Miyazaki

Lo que quieras encender n’otros
tien d’amburar primero
dientro de ti mesmu.

Charlotte Brönte

«Nun hai peor analfabetu,
qu’aquel que sabiendo lleer
nun llee».
Miguel de Unamuno

«Nes coses pequenes
vas topar l’orixe
de la quema».

Julio Rodríguez

Nun faigas de menos nunca’l poder d’una cerilla
nin d’un temblón de llabios:
nes coses pequenes atoparás l’orixe de la quema

“Si quies que los tos fíos sían intelixentes,
lléilos cuentos de faes.
Si quies que sían más intelixentes,
llee más cuentos de faes. ”
Albert Einstein

«Ten curiáu col vacíu
d’una vida bien ocupada».
Sócrates

«Cada vez soi más consciente
de qu’unu se convierte no que mira,
no que recuerda, no que nagua por,
no que tresmite.

El futuru empieza güei y
depende de lo qu’escueyo ver,
de lo que dexo dicir,
de lo que quiero recordar
y de lo que decido amar.»
Laura Esquivel

«Hai dos miraes:
La mirada del cuerpu puede escaecese dacuando,
pero la de l’alma recuerda siempres».
Alejandro Dumas

Ye imposible tresmitir les sensaciones vitales
de cualquier momentu dáu de la nuesa esistencia,
les sensaciones que-y confieren veracidá y significáu,
la so esencia sutil y caltriante.
Ye imposible.
Vivimos igual que suañamos: solos.

“El corazón de les tiniebles”/ Joseph Conrad

«Una sola cosa sé:
va llegar la tranquilidá y va llegar la paz.
Y dalgún día nun me va importar nada».
Alejandra Pizarnik

“Ye necesariu alzar a les persones
al nivel de la cultura
y nun baxar la cultura
al nivel de les persones.”
Simone de Beauvoir