- Alborecemos con nubes medies y altes ya con unes temperatures que tan alrodiu de los 16ºC, amás sopla vientu ábrigu en delles zones faciendo que ten perriba de los 20ºC a esta hora, rexistrándose nel puirtu Payares 12,3ºC.
- Güei vamos tener el cielu empuercáu de nubes altes, asina y too les temperatures siguen subiendo con vientu ábrigu que pue soplar con raches fuertes en zones altes ya en puntos del llitoral.
- Mañana xueves cola rolada de vientu a componente norte-noroeste vamos tener un descensu moderáu de les temperatures, amás d’intervalos nubosos entemecios ente dellos claros o abancios nel cielu. El vientu pue soplar molestu nel llitoral y zones espuestes.
- El vienres sedrá’l día más sanu de la selmana con escasa nubosidá, dalgo de nordés pela costa y temperatures afayaices ya seliquines.
- El sábadu tornará la nubosidá alta pa empuercar el cielu de la mano del vientu ábrigu que fadrá subir bultablemente les temperatures otra vegada, el domingu paez que tendremos nubes ya claros con unes temperatures que seguirán siendo altes y el llunes un frente mos dexará precipitaciones ya un descensu de les temperatures, pero esto yá lu diremos viendo
