Publicado en Día de...

Día Mundial de l´Enfermería

Reconocimientu a los que lluchen escontra´l bichu

Banksy  (Yate, Gloucestershire, 1974) ye’l seudónimu d’un artista d’arte urbano británicu.


Na obra un neñu apaez arrodillau al pie d´una papelera onde tán les sos figures de Spiderman y Batman mientres él sostien al so héroe d’acción favoritu: una enfermera del serviciu públicu de salú de Reinu Uníu. L’artista dexó una nota para trabayadores del hospital que dicía: “Gracies per tolo que tán faciendo. Espero qu’esto allume un pocu’l llugar, inclusive anque sía solo en blancu y negru”. Según cuenta la BBC, la pintura va permanecer nel hospital de Southampton hasta la seronda, cuando se va puyar para recaldar fondos…

 

 

 

 

 

 

 

 

 

 

 

 

 

 

 

 

 

 

 

 

Güei, 12 de mayu, conmemórase’l Día Mundial de la Enfermería, anque para les profesionales del sector, según señalen, taría meyor dichu “el día mundial de les enfermeres“. Güei fai 200 años que nacía en Florencia Florence Nightingale, considerada la fundadora de la enfermería moderna, y nun ye por esto nin por ser l’añu mundial de les enfermeres
qu’estes tán de máxima actualidá, sinón pola situación de crisis sanitaria que vive’l mundu dende va delles selmanes.

Ver artículu de Florence Nightingale.

La OMS aportuna na importancia de les enfermeres nos sistemes sanitarios y recuerda a los gobiernos que la inversión nestes profesionales non solo ameyora les resultancies en salú, sinón que tamién guarne les economíes y favorez la igualdá de xéneru.

Les enfermeres tán presentes n’ensame d’ámbitos: acompañando a les persones o a les  comunidaes. Les enfermeres acompañen al ser humanu dende antes de la nacencia, recibir al nacer y van tar al pie de él o ella a lo llargo de tola so vida, tanto cuando enferma como cuando ta sanu o sana, ayudando a caltener la so salú. Hai enfermeres n’escueles, en cárceles,
en residencies, n’hospitales, según trabayando na comunidá, n’instituciones o nes empreses.

Les enfermeres curien, curen, enseñen ya investiguen. Tamién alministren y exercen puestos d’alta responsabilidá n’instituciones.

El compromisu de les enfermeres ye vultable, dende la formación universitaria hasta dempués de la vida llaboral. Anguaño, les estudiantes adelantraron la graduación p’ayudar en plena crisis del coronavirus y enfermeres xubilaes ufiertáronse voluntaries p’ayudar. Ser enfermera güei ye conocencia y compromisu. Dende’l Colexu d’Enfermería quieren amosar el so máximu sofitu a les enfermeres asturianes, estimar el so exemplu, participar na so misión y faer visible’l so enorme nivel de competencia y compromisu, pa faer qu’el so lideralgu sía efectivu y que como indica’l lema d’esti día, les enfermeres asturianes lideren a la comunidá escontra la salú.

¡Feliz día de les enfermeres!

Autor:

Maestra de Llingua Asturiana Colexu Carmen Ruiz-Tilve - Uviéu