«La paz interior empieza
nel momentu que escueyes
nun dexar qu’otra persona o eventu
controle les tos emociones.»
Pema Chödrön

«El celebru puede siguir conseyos,
el corazón non.
Y  l’amor, al nun tener xeografía,
nun conoz fronteres».
Truman Capote

«L’amor ye la única flor que crez y floria
ensin l’ayuda de les estaciones».
Khalil Gibran

«La verdadera riqueza d’una persona
ye’l bien que fai nel mundu».
Kahlil Gibran

«Nesti llugar, los llibros que yá naide recuerda,
los llibros que se perdieron nel tiempu viven pa siempres,
esperando llegar dalgún día a les manos
d’un nuevu llector, d’un nuevu espíritu».
Carlos Ruiz Zafón

«Tresmitir conocencies ye importante,
pero tresmitir felicidá ye fundamental»
Yokoi Kenji

«La paz ye muncho más qu’una toma de postura,
ye una auténtica revolución,
una manera de vivir,
una manera d’habitar el planeta,
una manera de ser persona».
María Zambrano

Dacuando’l cielu
nun ta tan enriba,
ta nun abrazu
que sientes llar,
nun besu na frente
que da paz,
n’unes manos que curien.

Rafael Cabaliere Sigue leyendo →

D’una masacre non puede dicise
nada intelixente

MATADERO CINCO, Kurt Vonnegut.

«Cuando lleas, tienes de saber
que daquién en dalgún llugar
escribió eses mesmes palabres solo para ti,
cola esperanza de qu’atopares daqué ellí
para llevar contigo nos tos propios viaxes
al traviés del tiempu y l’espaciu”.
Catherynne M. Valente

«Un llibru ye una persona que te fala,
directamente a ti.
Una persona alloñada, quiciabes nel tiempu,
quiciabes nel espaciu, quiciabes en dambos.
Una persona que quería dicir daqué tan alto
por que toos pudieren oyelo».
Catherynne M. Valente

Nada nesta vida tien d’asustanos,
solo tien de ser entendíu.
Ye tiempu d’entender más,
por que tarrezamos/temamos menos

Marie Curie

Una mano que te ayuda a llevantate
cuando caes,
ye muncho más importante
que mil brazos que te abracen
cuando tas de pies.

Paulo Coelho

«Tar contentos colo que tenemos
ye la más segura y meyor
de les riqueces».
Marco Tuliu Cicerón

«Si usté quier saber
onde ta’l so corazón,
mira ónde va la so mente
cuando se pasia/pasea».
Walt Whitman

«Los nuesos corazones saben lo que ta nellos,
inclusive si les nueses boques permanecen callaes».
Paul Auster

«La conocencia ye poder.
La información ye llibertá.
La educación ye la premisa del progresu,
en cada sociedá, en cada familia»

Kofi Annan

«Siempres acabamos llegando
a onde espérennos».
José Saramago, «El viaxe del elefante»

“Si nun tas preparáu para equivocate,
nunca se te va asoceder nada orixinal”.
Ken Robinson

«Asina que vuelve a los llibros.
Ellos te van consolar y te van allegrar.
Si trabayes fervientemente con ellos,
nin la murnia, nin l’ansiedá, nin la congoxa,
nin el sufrimientu van alteriar más la to mente,
non, nunca más.”
Walter Wangerin

«La nueche ye solo una posa/pausa máxica y silenciosa
ente l’alcordanza d’un día que termina y
l’esperanza d’un mañana que va venir. «
Alessia S. Lorenzi

«Toos vivimos na incertidume
de día ente día;
n’otres palabres,
yes l’héroe de la to propia hestoria».
Mary McCarthy

“L’amor ye lo único que crez
cuando se parte / reparte”.
Antoine de Saint-Exupéry

Dientro de venti años,
vas tar más decepcionáu polo que nun fixisti
que polo que fixisti.
Asina que esquiza, suaña y afaya.

Mark Twain

«La intelixencia ye lo qu’uses
cuando nun sabes qué faer»
Jean Piaget

«Cuando realmente somos nós mesmos,
munches persones allóñense,
pero esto crea l’espaciu necesariu
por que la xente fayadizo llegue».
Herman Hesse

“Les llingües tienen dos grandes enemigos,
los que les imponen y los que les prohiben”.
Fernando Savater

Güei ye un nuevu día.
inclusive si lo ficiste mal ayeri,
güei pues faelo bien.

Dwight Howard

«Depués algamé a entender
que’l tiempu nunca se gana
y que nunca se pierde,
que la vida gástase, a cencielles».
Almudena Grandes

«Los bonos profesores siempres trabayen
na llende/nel límite
de les competencies de los estudiantes»
Jerome Bruner

«L’únicu verdaderu viaxe de descubrimientu
consiste non en buscar nuevos paisaxes,
sinón en mirar con nuevos güeyos».
Marcel Proust

«Faigas  lo  que  faigas,
busca’l  llatíu».
Elvira Sastre / web

«Nun hai mayor agonía
que llevar una hestoria non cuntada
dientro de ti».
Maya Angelou

Les palabres son la droga
más poderosa de la humanidá
Rudyard Kipling

«Qué maraviyosu llugar
ye una biblioteca.
Puede ser un llar/hogar
para quien nunca tuvo un llar»
Charles Bukowski

“Queda prohibíu nun sonrir a los problemes,
nun lluchar polo que quies,
abandonalo tou por mieu,
nun convertir en realidá los tos suaños”.
Pablo Neruda

Les meyores persones tienen
sensibilidá para la guapura,
valor para enfrentar riesgos,
disciplina para dicir la verdá,
capacidá para sacrificase.

Irónicamente,
estes virtúes fáenlos vulnerables;
frecuentemente máncase-yos,
dacuando destrúyese-yos..

Ernest Hemingway

«Lo importante
nun ye lo que mires,
si non lo que ves».
Henry David Thoreau

«La vida ye una sucesión de llecciones
que tienen de vivise para ser entendíes».
Hellen Keller

Los neños y les neñes precisen
arte, cuentos, poemes y música,
tantu como precisen
amor, comida, aire fresco y xuegu.
Phillip Pullman

“Nunca deas esplicaciones.
Los tos amigos nun les precisen.
Los tos enemigos nun les creen.”
Oscar Wilde

“Ser lo que somos
y convertinos no que somos capaces de ser
ye la única finalidá de la vida”.
Robert Louis Stevenson

«Los cuentos guapos
siempres faen perder
la noción del tiempu y,
gracies a ellos,
salvamos del agobiu de lo práctico.»

Carmen Martín Gaite.

Sigue leyendo →

«Fai’l to trabayu con tol to corazón
y vas tener ésitu.
Hai bien poca competencia».
Elbert Hubbard

L’home intelixente busca una vida sele,
modesta, defendida d’infortunios;
y si ye un espíritu bien cimeru/superior,
va escoyer la soledá.
Arthur Schopenhauer

Yo nunca voi ser de piedra,
voi llorar cuando faiga falta,
voi glayar cuando faiga falta,
voi rir cuando faiga falta,
voi cantar cuando faiga falta.

Rafael Alberti

Cuando gatuñaba un pocu de tiempu llibre,
poníame a lleer dalgún llibru.
Por bien ocupáu que tuviera,
por bien apertada que resultara la mio vida,
lleer suponía la mesma allegría
qu’escuchar música

Haruki Murakami

«Nunca vamos saber por qué irritamos/agafamos a la xente,
qué ye lo que nos fai simpáticos,
qué ye lo que nos fai risibles;
nuesa mesma imaxe ye’l nuesu mayor misteriu».
Milan Kundera.

«El tiempu ye una de les poques
coses importantes que nos queden».
Salvador Dalí

Toos somos unu,
solo dixébrennos los egos,
les creencies y los mieos.
Nikola Tesla

«Nun hai nada
que tarrecer/temer na vida,
solo hai qu’entendela».
Marie Curie

«Nun puedes quedate ende sentáu
esperando que’l nuevu mundu afáyese a ti,
yes tu’l que tien qu’afaese…
A pesar de los erros pasaos».
La lladrona de llibros, Markus Zusak

“Si nun tas preparáu para equivocate,
nunca se te va asoceder nada orixinal”.

Ken Robinson

«Intelixencia ye’l poder
d’aceptar la redolada».
William Faulkner

“Nun hai nueche tan grande
que torgue que’l sol vuelva salir “
Jim Morrison

«¿Normal? ¿Qué ye normal?
Al mio pensar, lo normal ye namá lo ordinario, lo mediocre.
La vida pertenez a aquellos individuos raros y escepcionales
que s’atreven a ser distintos».
Oscar Wilde

«Si ames los llibros lo suficiente,
los llibros tamién te van amar y te van atopar».
Jo Walton

“Faer daqué útil, dicir daqué valiente,
contemplar daqué bellu:
eso ye abondu para la vida d’una persona».
T. S. Eliot

Nun atopes la falta,
atopa’l remediu

Henry Ford

«Una bona vida ye aquella inspirada pol amor
y empuesta/guiada pola intelixencia».
Bertrand Russell

Sigue leyendo →

Tolos díes tendríamos
d’oyer un pocu de música,
lleer una bona poesía,
contemplar un cuadru formosu y,
si ye posible,
dicir delles palabres sensates

Johann Wolfgang von Goethe

«La educación ye para ameyorar la vida de los demás
y dexar el mundu meyor de como lo atopasti»

Marian Wright Edelman

«Col tiempu entendí
que l’allegría yera un arma cimera al odiu,
les sorrises más útiles, más feroces
que los xestos de rabia y desaliendu».
Almudena Grandes

Sigue leyendo →

«Les coses nun camuden;
camudamos nós».
Henry David Thoreau

«El pesimismu lleva a la debilidá
y l’optimismu al poder».
William James

“La única persona na que tas destináu a convertite
ye la persona que decides ser”.
Ralph Waldo Emerson

“Aprendí fai enforma tiempu
que lo más sabio que puedo faer
ye tar del mio llau”.
Maya Angelou

«Les coses que pueden mercase con dineru
ye meyor mercales ensin pensar demasiáu
si ganes o pierdes.
Ye meyor aforrar les enerxíes
para aquelles coses
que nun pueden mercase con dineru».
Haruki Murakami

«El que trabaya coles sos manos
ye un trabayador.
El que trabaya coles sos manos y la so cabeza
ye un artesanu.
El que trabaya coles sos manos, la so cabeza y el so corazón
ye un artista»
San Francisco de Asis

«Los llibros son los amigos
más silenciosos y constantes;
son los conseyeros más accesibles
y los maestros más pacientes».
Charles William Eliot

Hai que vivir pa ser, nun para tener

Eduardo Galeano

Si ames lo que te arrodia, te ames a ti mesmu.
Si das amor, te das amor a ti mesmu.
Porque l’esterior ta fechu del to interior.
Ilie Nastase

«La educación solo ye posible al traviés del arte».
Laura Esquivel

«Si quies vencer al mundu enteru,
supérate a ti mesmu».
Fiodor Dostoiewsky

“Lo maraviyoso de la infancia ye
que cualquier cosa ye nella una maravía.”
G.K. Chesterton

«Nun escaezas siempres hai daquién o daqué
esperando por ti,
daqué más fuerte, más intelixente, más atentu,
más duraderu, daqué más grande, daqué meyor»
Charles Bukowski

Sigue leyendo →

«Tou fin de la hestoria tamién contien
la promesa d’un nuevu empiezu».
Hannah Arendt

«Cuando fui a la escuela,
preguntáronme qué quería ser
cuando fuera grande,
yo respondí ‘feliz’.
Dixéronme que yo nun entendía la entruga.
Díxi-yos que nun entendíen la vida».
John Lennon

«El secretu de la felicidá
nun ye faer siempres lo que se quier,
sinón querer siempres lo que se fai».
Leon Tolstoi

Recuerdo daqué toles mañanes:
Nada de lo que diga güei va enseñame daqué.
Asina que si quiero aprender daqué,
tengo de faelo escuchando

Larry King

«La verdá ye que,
a pesar de les dificultaes insuperables,
toos nós siempres esperamos
que daqué estraordinariu asoceda».
«Y los montes falaron», Khaled Hosseini

«Son les nueses decisiones
les qu’amuesen quién somos realmente,
más que les nueses habilidaes”.
J. K. Rowling

«A los neños tien d’enseñáse-yos
cómo pensar,
non qué pensar».
Margaret Mead

«Somos lo que faemos
colo que fixeron de nós».
Jean-Paul Sartre

«Lleemos para saber que nun tamos solos».
William Nicholson

«La familia ye la primer escuela
de les emociones»

Mar Romera

«Adquirir el vezu de la llectura
y arrodianos de bonos llibros,
ye construyinos un abelugu moral
que nos protexe de casi toles miseries de la vida».

William Somerset Maugham

«Los llibros son como almes encarcelaes
hasta que daquién los saca y lliberalos».
 Samuel Butler

«Col tiempu y el maduror,
vas afayar que tienes dos manos:
una para ayudate a tí mesma
y l’otra para ayudar a los demás».
Audrey Hepburn

«Ellí onde hai daquién a quien se quier bien
 y onde hai daquién que nos quier daveres,
ese sí que ye’l llugar más guapu del mundu».

«El llugar más guapu del mundu»
Ann Cameron.

Los chavales nun pueden siguir
aprendiendo por asignatures,
porque nun sabemos qué van ser nel futuru.

Tienen qu’aprender faciendo!!!

José Ramón Gamo

«El verdaderu tiempu non puede midise
pol reló o’l calendariu.
El tiempu ye vida,
y la vida mora nel corazón».

Michael Ende. “Momo”.

«Tolos díes tendríamos d’oyer un pocu de música,
lleer una bona poesía, contemplar un cuadru formosu
y si ye posible, dicir delles palabres sensates».

Goethe

«Desenvuelve una pasión pol aprendizaxe.
Si lo faes, nunca dexes de crecer»

Anthony d’Angelo

«Esíxite enforma a ti mesmu
y espera pocu de los demás.
Asina te vas aforrar disgustos».
Confucio

“La vida ye curtia:
sonri-y a quien llora,
ignora a quien te critica,
y sé feliz con quien te importa”.
Marilyn Monroe

El que se miente a si mesmu
y escucha les sos propies mentires,
llega a nun saber lo qu’hai de verdá
nél nin en redol d’él,
esto ye que pierde’l respetu
a sí mesmu y a los demás.
Fiódor Dostoyevski

“Unu reconoz a les persones intelixentes
poles sos respuestes. A los sabios reconozlos
poles sos entrugues.”

Naguib Mahfuz.

«Cuando lo teníamos tou,
nun yéramos conscientes de tenelo.
Namá al perder daqué valoramoslo bien,
namá al quebrase relluma,
asina de necios somos».
Rosa Montero

«La educación ye a cencielles
l’alma d’una sociedá
a midida que pasa
d’una xeneración a otra»

Gilbert K. Chesterton

“En toles dómines hai persones
que nun piensen como los demás.
Esto ye, que nun piensen
como los que nun piensen”.
Marguerite Yourcenar

«El güeyu piensa,
el pensamientu ve,
la mirada toca»

Octavio Paz

«Llibros: el meyor antídotu
contra los pantanos de l’aburrición y el vacíu».
George Steiner

Sacar bones notes ye bonu,
pero más importante ye
preparar a un neñu para la vida.
Carol Dweck, psicóloga ya investigadora.

“Nunca te dexes llevar pol silenciu.
Nunca te dexes ser una víctima.
Nun aceptes la definición de la to vida
de naide; defínite a ti mesmu».
Robert Frost

“La llectura camuda la to vida.
La llectura desbloquia mundos desconocíos o escaecíos,
llevando a los viaxeros por tol mundu y al traviés del tiempu.
La llectura ayúdate a escapar de les llendes de la escuela
y siguir la to propia educación.
Al traviés de personaxes, santos o pecadores,
reales o imaxinarios,
la llectura amuésate cómo ser un meyor ser humanu «.
Donalyn Miller