L’anochar del vienres 31 d’avientu va regalanos un espectáculu celeste que non te vas querer perder. El 2021 despidise con una conxunción pocu avezada ente la Lluna y Marte que va paecer que s’abracen’ na última nueche del añu, un espectáculu visual.
- Fonte noticia: Milenio.com / Ecoosfera /
Mientres la última nueche del 2021, vamos poder ser testigos d’un impresionante espectáculu astronómicu, pos el besu de Lluna y Marte va allumar el firmamentu nocherniegu. Conocíu como conxunción, esti fenómenu astronómicu dase cuando la Lluna ta en fase creciente y crúciase con otru planeta o astru, que nesti casu va ser Marte.
L’espectáculu, nel que pola so cercanía va paecer que dambos cuerpos celestes tán intercambiando un besu, va poder reparase dende cualesquier parte de la Tierra, mientres la nueche del 31 d’avientu y hasta l’amanecer del 1 de xineru del 2022.
Para ver el besu de la Lluna y Marte nun se precisa plena escuridá como n’otros fenómenos astronómicos.
El 2021 regalónos fenómenos astronómicos impresionantes qu’algamaron el so puntu más álxido col eclís solar que se reparó nes rexones cercanes al Polu Sur. Pero primero que’l ciclu se reestablezca y la Tierra empiece un nuevu tránsitu alredor del Sol, el cosmos va regalanos l’últimu espectáculu nocherniegu. La Lluna y Marte van abrazase na última nueche del añu nuna formosa conxunción que va resplandir na bóveda celeste. Despide l’añu reparando la guapura cósmica que nos regalará’l satélite natural, equí tolos detalles por que nun pierdas el besu’ ente la Lluna y Marte.
