«Con esta esposición enseñamos la importancia de ‘El Principito’»
L’Antiguu Institutu acoyó l’apertura d’una amuesa que celebra los 80 años de la obra y 40 de la edición n’asturianu.
- Fonte: El Comercio / Ofi Llingüística Xixón /semeyes
¡Ésitu total ayeri na inauguración de la esposición «80/40 años con «El principín»!
Les casi 50 persones qu’asistieron pudieron disfrutar en dos pases d’una llectura teatralizada de la obra a cargu de la compañía de teatru Higiénico Papel Teatro. ¡Pudimos cásique metenos nel propiu llibru!
Los cuadros de les ilustraciones orixinales y los fragmentos del testu tán acompañaos de delles pieces d’artesanía ellaboraes y cedíes pol Mercado Artesano y Ecológico y por más d’una cincuentena d’ediciones de la obra en distintes llingües.
Puedes venir a ver la esposición hasta’l 25 de mayu nel horariu que vien darréu:LL-V: 17:30 – 20:30
S: 12:30 – 14:00 y 17:30 – 20:30
D: 12:30 – 14:00
¡Y siguíi sollertes, porque en mayu va haber dalguna sorpresa más tan prestosa como la d’ayeri o más!«Esta nun ye una esposición al usu. Esta esposición nun tien biografíes nin vides, sinón que ta pensada por que la visiten les persones amigues de los volcanes, los que nun se cansen de ver atapeceres y los que son capaces de ver lo esencial, col corazón», esplicó ayeri María Xosé Rodríguez, la responsable de la Oficina de Normalización Llingüística. Estes palabres sirvieron p’abrir l’amuesa sobro ‘El Principito’, de Saint-Exupéry, qu’acueye l’Antiguu Institutu, y que conmemora los 80 años de la publicación de la obra y los 40 de la primer edición n’asturianu. «Sirve pa enseñar la importancia d’esti llibru», resumía Miguel Barreru, director de la Fundación Municipal de Cultura. «Trátase d’una doble efeméride porque foi’l 6 d’abril de 1943 cuando la editorial norteamericana Reynal&Hitckcock publica por primer vegada y fai 40 años que se tradució a nuesa llingua», prosiguía.
