La Conseyería de Presidencia ellaboró una guía d’actividaes de participación empobinaes al alumnáu y entamaes por etapes educatives. El documentu, el primeru d’estes característiques que se publica n’Asturies, contien un centenar d’acciones afeches a los niveles d’Infantil, Primaria, Secundaria, Bachilleratu y Formación Profesional (FP).
- Decarga: https://acortar.link/u0JmVc
- Guía de actividades de participación por etapas educativas V6.pdf
El testu pretende incorporar a les aules actividaes d’aprendizaxe que demuestren que “a participar apriéndese participando dende edaes tempranes”, según esplica’l director xeneral de Gobernanza Pública, Tresparencia, Participación Ciudadana y Axenda 2030, José Antonio Garmón.
Asina, les actividaes destinaes al alumnáu d’Infantil pretenden desenvolver competencies venceyaes a la formación d’una ciudadanía activa, crítica y participativa. Pela so parte, les acciones diseñaes para la etapa de Primaria inciden más na convivencia, la empatía y el pluralismu. Amás, les iniciatives propuestes para Secundaria focalicense na reflexón, la conocencia y la crecedera personal o’l resolvimientu de conflictos, ente que les de Bachilleratu y FP fomenten la collaboración, la resiliencia y l’adaptación al cambéu. La guía inclúi 25 actividaes por caúna d’estes etapes.
La Conseyería d’Educación, al traviés de la so web, va apurrir a tolos centros esti material para’l so llibre usu per parte del profesoráu.
La ellaboración del documentu enmarcase nel apueste del Gobiernu d’Asturies por fomentar la participación na sociedá asturiana, col fin de fortalecer el texíu social y la democracia.
La guía puede descargarse en el enlace: https://acortar.link/u0JmVc
