El Día de la Tierra ye un día internacional dedicáu al nuesu planeta. Esti día llama l’atención sobro’l medioambiente y promueve el caltenimientu y la sostenibilidá.
- N. Geographic / Weforum /
Cada añu, el 22 d’abril, alredor de mil millones de persones de más de 190 países actúen pa crear conciencia sobro la crisis climática y provocar un cambéu de comportamientu pa protexer el medioambiente. En 2020, el Día de la Tierra celebró la so 50º aniversariu.
Puede participase nel Día de la Tierra de munches formes, inclusive por aciu pequenos proyectos caseros o nes escueles, como llantar un xardín de yerbes o recoyer basura. La xente tamién s’ufierta voluntaria pa llantar árboles, xunise a otres iniciatives ecolóxiques o participar en protestes caleyeres sobro’l cambéu climáticu y la degradación del mediu ambiente.
Les campañes y proyectos oficiales del Día de la Tierra pretenden aumentar les conocencies sobro’l mediu ambiente y axuntar a persones o grupos con idees allegaes pa encetar problemes como la deforestación, la perda de biodiversidá y otros retos.
La Tierra ye’l nuesu únicu llar, y tamién el de millones d’especies distintes: presenta les condiciones aparentes para la esistencia de vida, daqué qu’hasta agora nun s’hai evidenciado n’otros planetes del sistema solar.
