«Cuando un vieyu muerre, una biblioteca arde». Proverbiu africanu.
Cada 25 de mayu celebra’l Día d’África para destacar la diversidá cultural d’esti continente y conmemorar la fundación de la Organización para la Unidá Africana (OUA), una organización rexonal qu’arrexuntaba a los países del continente africanu, fundada’l 25 de mayu de 1963.
Educar a africanos aptos pal sieglu XXI: construyir sistemes educativos resilientes pa un mayor accesu a un aprendizaxe inclusivu, duraderu, calidable y pertinente n’África.
África ye’l segundu continente más estensu del mundu, con un mapa físicu que toma 30 millones de km² sobro una masa compacto de pandos/mesetes antiguos y elevaes. El continente llinda al norte col mar Mediterráneu, al este col mar Coloráu, l’océanu Índicu y la canal de Suez —que lo dixebra d’Asia—, y al oeste col océanu Atlánticu.
Ye un continente antiguu, formáu por roques cristalines dures y suelos magrizos. Sicasí, tamién hai dos cordales nuevos de picos pronunciaos.
