El 6 d’agostu conmemoramos el 25 aniversariu de la concesión del Multiplatinum Europe Award al míticu “Tierra de Naide”. Celebraremoslo a lo grande na Selmana Grande de Xixón. Na sablera de Poniente, al llau d’esi mar que nos traerá’l vientu del Norte, de Nando Agüeros; esi mar Cantábricu que, por un momentu, va recordanos al templáu Mediterráneu cola voz de Pasión Vega. CARTELU
Y alredor de la medianueche vamos poder baillar empuestos por Pau Santirso y María Vázquez. Vamos Viaxar a los entamos del folk asturianu de la mano del llexendariu Beleñu, que van compartir escenariu cola fusión y frescura de los mozos L&R. Mari Lluz Cristóbal volverá ser la reina de Busindre Reel y la Banda de Gaites de Candás va poner el broche d’oru a una nueche que promete.
