La LXI edición del Concursu provincial de Carroces, declaráu d’Interés Turísticu Rexonal, foi un añu más, unu de los acontecimientos más relevantes de les fiestes de San Félix de Valdesoto (Siero). Cientos de persones tomaron los arcenes de la carretera y los *praos cercanos para recibir a los ocho xarrés/carroces que se presentaben a concursu, más la de la Peña Los Escolinos qu’abrió la comitiva y la de la Reina de San Felix y les so dames que la cerraba. El xuráu del concursu decidió que’l xarré de la Peña Cotiellos «Volver empezar» llevárase’l premiu d’esta edición.
Nel percorríu, trés paraes, nes que los componentes de cada carroza representaben una pequena obra de teatru satírica que fixo les delicies del públicu. Participaron nel concursu la Peña Ca’Fredín col so xarré «¡Ai Milín!»; la Peña Cotiellos con “Volver#empezar”; la Peña Nun téntesme con “Telva dixete que te curiares”; la Peña Bendición con “La corte de les tentaciones”; l’Asociación Sociocultural El Llagarón con “El Veloriu”; la Peña Les Escueles con “La caxa sorpresa”; la Peña El Chole, con “El viaxe de Barbie” y la Peña Los Marotos con «A lo lloco”,
La fiesta de Les Carroces de Valdesoto celebrase nel pueblu de Valdesoto, nel conceyu de Siero n’Asturies dende 1950 siempres el llunes siguiente al segundu domingu d’agostu, poniendo broche final a les fiestes de San Félix y verbenes qu’empiecen el vienres anterior al día de les carroces.
