- Noticies: El Comercio / Asturias Mundial /
El centru loxísticu ta diseñáu para remanar cientos de miles de paquetes a diariu y tien capacidá para almacenar dellos millones de productos.
-U200137517052cED--1200x840@El%20Comercio.jpg)
El centru loxísticu d’Amazon nel polígonu de Bobes yá empecipió la so andadura. Y fízolo tres una inversión de 300 millones per parte de la multinacional y casi un 50% d’asturianos na so plantiya. Empieza con cuatrocientos trabayadores, que se van dir incorporando a lo llargo d’esti mes y van ser, si tou va según lo previsto, 1.500 nun plazu de trés años.
«Esti compromisu refuerza’l nuesu apueste por fomentar el talentu local y contribuyir al desenvolvimientu económico y social de les comunidaes nes que tamos presentes», dixo sobro la política de contratación el director xeneral de les instalaciones, Carlos Ordeig.
L’actividá va empezar activando primero la área d’inbound (recepción y xestión de mercancíes) p’abastecer el centru con productu. Con posterioridá, indicó’l director xeneral de les instalaciones, «vamos dir poniendo en marcha’l restu de les actividaes operatives de manera progresiva».
«Pilar fundamental». Esti centru loxísticu ta diseñáu pa remanar cientos de miles de paquetes a diariu, detalló Ordeig, y tien la capacidá d’almacenar dellos millones d’unidaes de productu. «Va Ser una pilastra fundamental nes operaciones de primera milla d’Amazon n’España, garantizando xuna distribución eficiente de los productos escontra los nuesos veceros», remarcó.
