Cada añu dende 1967, el 8 de setiembre celebra’l Día Internacional de l’Alfabetización coles mires de recordar la importancia de la llectura y l’escritura como base de los derechos humanos. A pesar de les meyores nesta área, en 2020 entá esisten alredor de 773 millones d’adultos que nun disponen de les competencies básiques en lectoescritura que puedan garantizar la so total autonomía n’una sociedá como la nuesa.
L’alfabetización ye una de les metes de los Oxetivos de Desenvolvimientu Sostenible dientro del marcu de l’Axenda 2030. En concretu, l’Oxetivu 4 recueye la necesidá d’amenorgar el porcentaxe d’analfabetismu ente la población adulta, lo mesmo que de asegurar que tolos y les moces sepan lleer y escribir. D’ende la importancia d’usar esti día internacional pa sensibilizar a la población sobro una tema tan fundamental dientro de les problemátiques educatives.
