https://www.bajamareditores.com/
- Ficha editorial / La colina del Minotauro
- 17,00 € / Pintar-Pintar • EAN: 978-84-127847-7-0
Iñaki, un mozu de 12 años, mora en Bilbao cola so familia na dómina de chombu del grupu terrorista ETA. El so padre, un afamáu arqueólogu vascu, acaba siendo víctima d’un atentáu. Milagrosamente, él y la so familia salen ilesos pero tienen que fuxir y esiliarse en Creta, una isla griega. Ellí Iñaki conoz a Tasos, un pibe arxentín col que rápido entabla amistá. La so madre ye la xefa de les escavaciones arqueolóxiques asitiaes n’una llomba próxima a les sos cases. Un nueche, Iñaki y Tasos afayen unes solombres abeyando per nes escavaciones. Y anque la esistencia del Minotauru (aquel ser metá humanu y meta toro de la mitoloxía griega) entá ta bien presente nes hestories que se cunten en voz baxa por tola isla, a los mozos nun los falta valor para investigar qué asocede y quién son aquellos misteriosos seres que sumen como tragaos pela tierra a lo cimero de la llomba, empezando asina la mayor y más peligrosa aventura de les sos vides. Miguel Rojo apúrrenos una novela llena d’humor y traxedia, d’aventures, pero tamién nos fai cavilgar sobro la violencia terrorista nes nueses sociedaes.
Miguel Rojo escribió numberosos llibros que fueron traducíos a dellos idiomes. Escribe novela, poesía y tamién testos infantiles y xuveniles. En 2008 recibió’l Premiu de la Crítica d’Asturies de Lliteratura Infantil y Xuvenil. Ente los sos llibros infantiles y xuveniles podríamos citar: Telva y los osos, ¿De qué va tar fecha la lluna?, El viaxe de Tin y Ton, Raitán el raitán, El dinosauriu, el príncipe, la neña y la so ma..
