- C. Cultura, Política Llingüística y Deporte
- www.festivalecos.com / Enllaz / https://acortar.link/RKNUKM
- NP programa y web del festival ECOS
- Programa del festival en asturiano
La Conseyería de Cultura entama’l primer festival d’arte efímeru en patrimoniu industrial d’Asturies 
Dellos sitios de los valles mineros van acoyer el Festival d’Arquitectura, Cultura y Territoriu ECOS. L’eventu va durar diez díes y va cuntar con instalaciones d’arquitectura efímera en seis pozos mineros y un programa completu d’actividaes culturales en dellos conceyos.
Estos van ser los equipos creativos, la obra y l’emplazamientu onde van llevase a cabu:
Space Popular: Furacu. The Hole Story (Pozu San José)Estar Estudio: Reonda (Pozu Santa Bárbara)Lófacil y Salomé Wackernagel: El Cuadro Blanco y Rurápolis Summerschool (Pozu Espinos)ARKUOS: Saurín Lagniam (Saurín el de Langreo) (Pozu Fondón)Furii Studio: Funda. Del cuerpo al paisaje (Pozu Sotón)Laboratorio Biomimético: BioWalk. Artefactos foto (sintéticos) (Pozu San Luis)La Conseyería de Cultura, Política Llingüística y Deporte entamó’l Festival d’Arquitectura, Cultura y Territoriu ECOS. Trátase del primer festival d’arte efímeru que se desenvuelve dafechu nel patrimoniu industrial asturianu. L’eventu va empezar esti 3 d’ochobre cola inauguración oficial y una programación novedosa que va acullá de l’arquitectura, poniendo’l trabayu de creadores locales como un reflexu nítidu de la cultura minera.
D’esta manera, Cultura muestra’l so compromisu p’asitiar la cultura y l’arquitectura como ferramientes clave na revitalización de los valles mineros y el caltenimientu del nuestru patrimoniu, al tiempu que val como recursu turísticu de los conceyos de la contorna. Precisamente, esti festival caltién una collaboración cola Feria de Turismu Mineru y Industrial (FETUMI), onde les y los arquitectos del festival ECOS van presentar los sos trabayos.
El programa ambiciosu iguáu pal eventu artísticu presentáronlu esti mediudía en rueda de prensa la conseyera de Cultura, Política Llingüística y Deporte, Vanessa Gutiérrez, y el presidente d’HUNOSA, Enrique Fernández. El festival ECOS va cuntar con siete instalaciones efímeres d’arquitectura realizaes por equipos creativos de sonadía reconocida, amás de videomapping, xornaes de puertes abiertes, meses redondes, simposios, talleres, conciertos y visites guiaes.
Con esti festival, el Gobiernu d’Asturies quier dar a conocer los valores culturales del territoriu asturianu a la sociedá, convidando al públicu a visitalu al traviés de la realización de les instalaciones arquitectóniques de calter efímeru en sitios emblemáticos vinculaos a la minería: los pozos San Luis y El Fondón (Llangréu), El Sotón (SMRA), Santa Bárbara, San José y Espinos (Mieres). L’actividá cultural tamién va desenvolvese nos conceyos d’Ayer y Llaviana.
A lo llargo de diez díes dende la inauguración, prevista pal 3 d’ochobre del 2024, estos van ser los escenarios abiertos al públicu. La iniciativa entámase alredor de les instalaciones arquitectóniques, que se diseñen d’alcuerdu cola temática principal, los ECOS.
Los montaxes efímeros van ser los elementos conductores d’unos percorríos propuestos al traviés del territoriu asturianu, caún d’ellos en rellación directa con un elementu patrimonial destacáu del paisaxe industrial: los pozos. Estos van ser los equipos creativos, la obra y l’emplazamientu onde van llevase a cabu:
- Space Popular: Furacu. The Hole Story (Pozu San José)
- Estar Estudio: Reonda (Pozu Santa Bárbara)
- Lófacil y Salomé Wackernagel: El Cuadro Blanco y Rurápolis Summerschool (Pozu Espinos)
- ARKUOS: Saurín Lagniam (Saurín el de Langreo) (Pozu Fondón)
- Furii Studio: Funda. Del cuerpo al paisaje (Pozu Sotón)
- Laboratorio Biomimético: BioWalk. Artefactos foto (sintéticos) (Pozu San Luis)
El Festival d’Arquitectura, Cultura y Territoriu ECOS cunta col sofitu de munches entidaes collaboradores, ente les que tán HUNOSA; los conceyos de Mieres, Llangréu, Samartín del Rei Aurelio, Llaviana y Ayer; la Universidá d’Uviéu; el Colexu d’Arquitectos d’Asturies; la Fundación Caxa Rural d’Asturies; la Fundación Llaboral de la Construcción y Llaboral Centru d’Arte y Creación Industrial.
Cultura presenta’l programa del Festival d’Arquitectura, Cultura y Territoriu ECOS, qu’empieza’l xueves
- El festival d’arte efímeru estrena güei’l so sitiu web billingüe onde consultar tola programación: www.festivalecos.com
- La conseyería impulsa esti eventu pioneru col oxetivu de poner en valor el patrimoniu industrial asturianu como ferramienta clave na revitalización de les cuenques mineres
El Festival d’Arquitectura, Cultura y Territoriu (ECOS), organizáu pola Conseyería de Cultura, Política Llingüística y Deporte, empieza’l próximu xueves 3 d’ochobre a les 10 de la mañana cola inauguración institucional na que va participar la conseyera Vanessa Gutiérrez. Depués del actu institucional va siguir una mesa redonda, en collaboración cola Feria de Turismu Mineru y Industrial (Fetumi), na que van participar los equipos creadores de les siete instalaciones efímeres colocaes nos pozos mineros.
Al otru día, el vinres 4 d’ochobre, el Festival ECOS va abrir les puertes al públicu diez díes. Va facelo con un completu programa d’actividaes que tien como exa central les siete instalaciones efímeres en pozos mineros de los conceyos de Mieres, Llangréu y Samartín del Rei Aurelio (San José, Santa Bárbara, Espinos, Fondón, Sotón y San Luis), asina como los eventos programaos nos concejos de Ayer y Llaviana.
Tanto l’accesu a les instalaciones, como a los eventos programaos nel festival, son d’accesu gratuitu dafechu pa la ciudadanía.
Nesta xornada estrenóse tamién el sitiu web del festival, www.festivalecos.com y les redes sociales, onde se puede consultar tola información sobre les creaciones efímeres, la historia de les llocalizaciones, la biografía de los creadores y el programa completu, amás de les noticies que vayan produciéndose dende güei y nos diez díes que va durar el festival. Na web billingüe, con versión en castellanu y n’asturianu, tamién pueden alcontrase audioguíes pa sentir fácil dende un teléfonu móvil.
A lo llargo de tola selmana, ente’l 4 y el 13 d’ochobre, van ofrecese, como complementu a les instalaciones, visites guiaes, xornaes de puertes abiertes, meses redondes, talleres, proyecciones audiollumíniques y conciertos. Dalgunos de los eventos más destacaos son los siguientes:
Xueves, 3 d’ochobre
- Inauguración oficial
- Mesa redonda colos arquitectos y arquitectes de los equipos creadores en collaboración con Fetumi
Vienres, 4 d’ochobre
- Visita guiada Pozu Sotón, Samartín del Rei Aurelio. Pozu San Luis y Pozu Fondón, Langreo.
- Videomapping, MUMI, Samartín del Rei Aurelio, de Roberto Lorenzo
Sábadu, 5 d’ochobre
- Xornada de puertes abiertes, Pozu Sotón, Samartín del Rei Aurelio.
- Paseos de Jane, Entornu del Pozu Barredo, Mieres (previa inscripción gratuita).
- Visites guiaes a les instalaciones efímeres (previa inscripción gratuita).
- Conciertu Espacio PZSB, Pozu Santa Bárbara, Mieres. La Maramoniz de Mapi Quintana.
Domingu, 6 d’ochobre
- Xornada de puertes abiertes, Pozu Sotón, Samartín del Rei Aurelio.
- Intervenciones nel patrimoniu mineru. Visites a los pozos de San José y Santa Bárbara. Space Popular y José Ramón Fernández Molina.
- Xornada Arquitectura, industria y patrimoniu, Valle del Turón, Mieres. Participantes: Space. Popular, Estar Estudio, Lofácil.
- Visites guiaes a les instalaciones efímeres (previa inscripción gratuita).
Llunes, 7 d’ochobre
- Mesa redonda: Estrategias de revitalización del territorio. Ayer.
Martes, 8 d’ochobre
- Mesa redonda: Talento que da vida al territorio. Fundación Caja Rural, Pozu San Luis, Llangréu. Participantes: Lon&Boc, ElevenPeople, Laboratorio Biomimético.
Miércoles, 9 d’ochobre
- Proyección documental y mesa redonda. Memorias culturales de un pasado industrial. CIDAN, Llaviana.
Xueves, 10 d’ochobre
- Mesa redonda Arquitectura, medioambiente y sociedá. Llugar: Sede del Colexu Oficial d’Arquitectos d’Asturies, Uviéu. Participantes: Furii Studio, Laboratorio Biomimético
Vienres,11 d’ochobre
- Conciertu LLABoral Centru d’Arte-Llangréu. Artista: Westia, Fantasma Fantasía y Viuda. Nuevo Teatro de La Felguera. Llangréu.
Sábadu, 12 d’ochobre
- Paseos de Jane. Entornu del Pozu Carrio, Llaviana (previa inscripción gratuita).
- Paseos de Jane. L’Entregu, Samartín del Rei Aurelio (previa inscripción gratuita).
- Videomapping, Ayuntamientu de Llaviana. Roberto Lorenzo.
- Visites guiaes a les instalaciones efímeres (previa inscripción gratuita).
Domingo 13 d’ochobre
- Paseos de Jane, Entornos de los pozos San Antonio, San Jorge y Santiago. Aller. (Previa inscripción gratuita).
- Conciertu d’Anabel Santiago, Morea. Ayer.
- Visites guiaes a les instalaciones efímeres (previa inscripción gratuita).
- Mesa redonda Lletres a les sombres de los castilletes. Tertulia Malory. Teatru municipal de Samartín del Rei Aurelio.
- Clausura oficial. Teatru municipal de Samartín del Rei Aurelio
