- Día de… / CMS / http://www.worldmigratorybirdday.org/
La campaña del Día Mundial de les Aves Migratories 2024 destaca l’amenorgamientu d’insectos importantes para munches especies d’aves migratories. Esti día pon de relieve la relación ente les aves migratories y los insectos nun contestu d’alarmante cayente de dambos grupos d’especies. Ye xuna campaña mundial que promueve los esfuerzos de caltenimientu de les aves migratories y los sos viaxes al traviés de les fronteres, aumentando la concienciación sobro los retos a los que s’enfrenten les aves y fomentando acciones de caltenimientu en tol mundu.
El lema d’anguaño, «Protexe los insectos, protexe les aves», ye xuna oportunidá pa concenciar sobro la importancia de los insectos, educar y aprender.
Anguaño, la tema central ye la importancia de los insectos pa les aves migratories. Presentes en casi tolos ecosistemes del mundu, los insectos son fontes esenciales d’alimentu pa les aves migratories nos sos llargos viaxes. Les aves migratories de cutiu programen les sos migraciones por que coincidan cola bayura d’insectos. Dependen d’estos insectos p’alimentase mientres les sos paraes migratories, pa tener ésitu reproductivu y p’alimentar a les sos críes.
La cruda realidá, afayada nos últimos años, ye que les poblaciones d’insectos tán menguando, en correlación col cayente de les especies d’aves que dependen de los insectos pa sobrevivir. Un analís publicáu na revista Science reveló que tamos perdiendo aprosimao’l 9% de la población mundial d’insectos cada década. La deforestación, l’agricultura industrial, l’usu escesivu de pesticides, la contaminación llumínica y el cambéu climáticu son los principales factores d’esti enclín (Reuters). Amás, n’Estaos Xuníos y Canadá reparóse xuna amenorgamientu de la población d’aves, con un importante descensu del 29% dende 1970, lo qu’equival a unos 2 900 millones d’aves menos.
