El primer cursu d’asturianu nel Institutu Cervantes de la Gran Mazana suspéndese tres recibir una sola inscripción. “Llevo esta hestoria en el sangre”, afirma l’únicu solicitante, Agustín Garci-Crespo, expiloto y apasionáu de la cultura asturiana Nieto d’un inxenieru de Villaviciosa suaña con abrir una casa rural n’Argüero: “Allá siéntome feliz”.
El saltu del asturianu a Manhattan, con un cursu de llingua y cultura ástur que tendría d’empezar esti vienres nel Institutu Cervantes de Nueva York, va tener qu’esperar dempués de que’l primer intentu llancara na dificultá para atopar alumnos. La institución suspendió la convocatoria en recibiendo una única solicitú, la d’Agustín Garci-Crespo Caleru, mexicanu de nacencia y nietu de maliayés, asturianu de vocación y esteláu por tolo que tenga que ver col mancomún cultural del Principáu. El cursu partía con un cupu máximu de dolce places, pero nun llegó a la llende de trés qu’el Cervantes tien establecíu a lo menos, asina que la ocasión para faer sonar l’asturianu y lo asturiano en Manhattan va tener que buscar una meyor ocasión.
Agustín, que foi pilotu d’Aeroméxico y camudóse a Nueva York va dos años y mediu, que tien una propiedá n’Argüero (Villaviciosa) y suaña con abrir ellí un negociu de turismu rural, averase al cursu siguiendo’l tirón del so sangre asturiano. El so güelu, José Garci-Crespo de la Vega, inxenieru químicu nacíu na población maliayesa de Llugás, foi ente otres munches coses caderalgu na Universidá de Salamanca y al otru llau del charcu fundador del primer Centru Asturianu de México, descubridor de les agües mineromedicinales de Tehuacán, nel estáu de Puebla, y impulsor d’una de les primeres industries de refrescos del país… Al so cercu, Agustín nun dexó nunca de sentir un anclaxe indescribible cola tierra de los sos ancestros.
