- Alborecemos con borrinos y nublines no fonderu los valles, tando’l cielu escampláu nel restu con unes temperatures alrodiu de los 12ºC, rexistrándose nel puirtu Payares 7,5ºC.
- Güei vamos tener el cielu poco nuboso o escampláu con unes temperatures másimes n’ascensu superándose al mediudía los 20ºC na mayor parte d’Asturies, l’aire sedrá sele en xeneral con dalguna racha moderada del nordés pela costa.
- Mañana vienres volveremos a tener borrinos y nublines nel alborecer pero rápidamente van dixebrase pa dexanos un día soleyeru y perguapu con unes temperatures altes pa l’época na que mos atopamos, superando de nuevu los 20ºC en munches estaciones meteorolóxiques asturianes.
- El sábadu seguiremos baxo la estabilidá de les altes presiones polo que s’espera cielu poco nuboso o escampláu, sicasí l’aire nordés pue soplar dalgo más cafiante y facer que desciendan llixeramente les temperatures másimes.
- El domingu nun vamos tener cambios ya seguiremos esfrutando del sol.Muncho precuru estos díes a les bruxes, que se que perequi hai dalguna (jijiji), col borrín y la nublina de lo fonderu los valles que pue dar dagún sustu.
