- Radiotelevisión del Principado de Asturias/ videu
- Patrimoniu Inmaterial Asturianu / Patrimoniu Históricu y Cultural /
- La Voz de Galicia / El Progreso / Vela latina: wiki /
El bote de vela llatina, símbolu de la tradición marinera de Castropol, ye yá Bien d’Interés Cultural Inmaterial nel Principáu. Una reconocencia que va impulsar nuevos proyectos en redol a esta emblemática embarcación.
El Conseyu de Gobiernu del Principáu aprobó’l decretu pol que se declara bien d’interés cultural (BIC) de calter inmaterial los oficios y saberes rellacionaos col bote de vela llatina y la práctica del so saléu na ría del Ribadeo. La propuesta de declaración, promovida pol Conceyu de Castropol xuntu con entidaes deportives y colectivos sociales del conceyu, «sofítase nuna tradición histórica que pervive hasta güei gracies a la implicación de la comunidá local», señala’l Principáu.
- «La práctica de saléu/navegación a vela llatina ye un patrimoniu intanxible acomuñáu a técniques y conocencies tresmitíes de xeneración en xeneración, que toma tamién la construcción de botes y apareyos. Con ella rellacionen una serie d’oficios tradicionales, como’l de carpinteru de ribera, en riesgu de desapaición».
- «De tolos botes con popa n’espeyu usaos históricamente nel Cantábricu dende’l sieglu XVIII, solo’l de la ría del Eo sigue construyéndose güei coles mesmes técniques. Esta embarcación, perfectamente afecha a les condiciones del mediu, ye prácticamente la mesma que s’usaba d’antiguo y constitúi tou un símbolu del estuariu».
El Principáu protexe los botes de vela llatina de la ría de Ribadeo, declarando BIC de calter inmaterial los oficios y saberes rellacionaos con esta embarcación según la práctica del so saléu nel estuariu del Eo
- La Llei de Patrimoniu Cultural d’Asturies, aprobada nel añu 2001, aboga, yá nel so preámbulu, pol estudiu y protección de les manifestaciones llingüístiques, les costumes, les espresiones artístiques de tradición oral y otres formes d’espresión comuñales.
- Nel apartáu dedicáu al réxime del patrimoniu etnográficu, señálense como susceptibles de protección diversos elementos inmateriales de la tradición cultural asturiana. Ye’l casu de llugares venceyaos a tradiciones populares, ritos y lleendes; los xuegos, los deportes, la música, les fiestes y los bailles tradicionales; según los refranes, relatos, cantares y poemes amestaos a la tresmisión oral.
Col pasu del tiempu, la embarcación tradicional -perfectamente afecha al mediu- llogró convertise en parte indispensable de la imaxe identitaria de Castropol.
