Abaten 22 xabalíes na redolada de la ría de Villaviciosa n’una nueche. El Principáu respuende a les demandes del Conceyu polos urxentes problemes en propiedaes y esplotaciones agrícoles que causaron estos animales.
- Fonte: El Comercio / El Fielato /
La Guardería del Mediu Natural del Principáu d’Asturies punxo en marcha midíes de control de la población de xabalíes en terrenes de la Reserva Natural de la Ría de Villaviciosa. Namá na madrugada del xueves al vienres pasáu, los guardas ablayaron un total de 22 exemplares de xabalín neses zones, xestionando darréu con Proygrasa los exemplares abatíos.
El Gobiernu d’Alejandro Vega, alcalde del conceyu, solicitara yá nel mes de xineru que se tomaren midíes énte la invasión de xabalinos que se ta produciendo».
Per otra parte, la Dirección Xeneral de Custodia del Terrioriu, de la que depende la xestión del espaciu natural, confirmaron al Gobiernu local qu’esta selmana dende’l Serviciu de Xestión del Mediu Natural emitióse informe favorable, con condiciones, pal ahuyentamientu de xabalinos por perreo nos terrenes de la Reserva Natural Parcial y treslladóse al Serviciu de Vida Montesa. Dende’l Conceyu de La Villa deféndese como meyor solución que les batíes sían realizaes amás polos cazadores locales.
